قازاقستاننىڭ 14 جاسقا دەيىنگى تەننيسشىلەر قۇراماسى تۇڭعىش رەت ىرىكتەۋ فينالىندا
قازاقستاننىڭ جاس تەننيسشىلەرى تاريحتا العاش رەت World Junior Tennis Competition ءتۋرنيرىنىڭ ازيا/وكەانيا ايماعى بويىنشا ىرىكتەۋ كەزەڭىنىڭ فينالىنا جولداما الدى. بۇل – ەلىمىزدىڭ 14 جاسقا دەيىنگى ۇلتتىق قۇراماسى ءۇشىن زور جەتىستىك.
مالايزيانىڭ كۋچينگ قالاسىندا ءوتىپ جاتقان بەدەلدى جارىستىڭ جارتىلاي فينالىندا ساگادات اياپ جاتتىقتىراتىن جاسوسپىرىمدەر قۇراماسى گونكونگ كومانداسىن 2:1 ەسەبىمەن تىزە بۇكتىردى. قۇرامانىڭ تاباندىلىعى مەن دايىندىعى شەشۋشى ساتتە ءوز ناتيجەسىن بەردى.
فينال 14 ءساۋىر كۇنى وتەدى. قازاقستاندىقتار شەشۋشى كەزدەسۋدە جاپونيا قۇراماسىمەن كورتقا شىعادى. ايتا كەتەيىك، بۇعان دەيىن توپتىق كەزەڭدە ءدال وسى جاپونياعا 1:2 ەسەبىمەن جول بەرگەن بولاتىن. ەندى جەرلەستەرىمىزدە قارىمتا قايتارۋعا ناقتى مۇمكىندىك بار.
بۇل ناتيجە – قازاقستاندىق تەننيستىڭ دامىپ كەلە جاتقانىن كورسەتەتىن جارقىن دالەل. جاس سپورتشىلار مەن ولاردىڭ باپكەرلىك قۇرامىنا جانكۇيەرلەر ۇلكەن سەنىم ارتىپ وتىر.
You Might Also Like
-
اقش پەن رەسەي ساۋد ارابياسىندا ءبىرقاتار ماڭىزدى ماسەلەلەر بويىنشا كەلىسسوز جۇرگىزىپ، ءوزارا كەلىسىمگە قول جەتكىزدى.
-
رەسەيلىك بانكتەردىڭ SWIFT جۇيەسىنە قايتا قوسىلۋى مۇمكىن ەكەنى حابارلاندى. بۇل شەشىم اقش پەن رەسەي اراسىنداعى قارا تەڭىزدەگى اتىستى توقتاتۋ تۋرالى كەلىسىمنىڭ ناتيجەسىندە قابىلدانعان.
