InfoHub Logo

ۇلىبريتانيانىڭ بەدەلدى The Economist باسىلىمى جاريالاعان جاڭا كاريكاتۋرالىق شولۋ مەن ساراپتامالىق ماقالادا اقش-تىڭ الەمدەگى «ەركىندىك مەكەنى» رەتىندەگى بەينەسىنىڭ السىرەگەنى ايتىلدى. باسىلىمنىڭ پىكىرىنشە، قازىرگى تاڭدا ەركىندىك، دەموكراتيا جانە ازاماتتىق قۇقىقتاردى قورعاۋ جاعىنان ەۋروپا اقش-تان الدەقايدا الدا تۇر.

ماقالادا امەريكا قۇراما شتاتتارىنىڭ تاۋەلسىزدىك دەكلاراسياسىنداعى: «ءومىر ءسۇرۋ، ەركىن بولۋ جانە باقىتقا ۇمتىلۋ – اجىراتىلماس قۇقىقتار» دەگەن تۇجىرىمعا ەرەكشە نازار اۋدارىلعان. الايدا The Economist بۇل سوزدەردىڭ بۇگىنگى اقش شىندىعىمەن ۇيلەسپەيتىنىن اتاپ كورسەتىپ، يلليۋستراسيا ارقىلى دا استارلى مىسقىل تانىتتى.

– ءقازىر بۇل قۇقىقتاردى قامتاماسىز ەتۋگە قاۋقارلى جالعىز قۇرلىق – ەۋروپا، – دەپ جازادى باسىلىم، ەكى جاعالاۋداعى ساياسي جاعدايدى سالىستىرا وتىرىپ.

ماقالادا اتاپ وتىلگەندەي، اقش-تاعى سوڭعى جىلدارداعى ساياسي پولياريزاسيا، سوت جۇيەسىنە دەگەن سەنىمنىڭ ازايۋى، ءسوز بوستاندىعى مەن جەكە قۇقىقتار سالاسىنداعى شەكتەۋلەر ەلدىڭ «ەركىندىك سيمۆولى» مارتەبەسىنە كۇمان تۋدىرعان. ال ەۋروپا ەلدەرى، كەرىسىنشە، قۇقىقتىق مەملەكەت پەن ادام ەركىندىگىن ساقتاۋ باعىتىندا تۇراقتى ساياسات جۇرگىزىپ وتىر.

بۇل جاريالانىم قوعامدا قىزۋ پىكىرتالاس تۋدىرىپ، جاھاندىق كوشباسشى رەتىندەگى اقش بەينەسىنىڭ وزگەرىپ بارا جاتقانىن تاعى ءبىر مارتە كورسەتتى.