InfoHub Logo

قازاقستاننىڭ شىعىسىنداعى تاۋلاردا قار جاۋدى. الەۋمەتتىك جەلىلەردە 31 تامىزدا جاۋعان قاردىڭ ۆيدەولارى تارادى، دەپ حابارلايدى Infohub.kz.

جەرگىلىكتى پابليكتەردىڭ جازۋىنشا، كەشە ريددەر تاۋلارىندا العاشقى قار جاۋعان.

"كەشە ريددەردىڭ تاۋلى ايماقتارىندا قار جاۋدى. قالانىڭ وزىندە قار جوق"، "بىردەن كۇن سۋىتىپ كەتتى عوي"، "كەشە عانا جاز سياقتى ەدى"، - دەپ جازۋدا جەلى قولدانۋشىلارى.

"قازگيدرومەت" رمك سينوپتيكتەرىنىڭ بولجامىنشا، ءقازىر ەلىمىزدەگى اۋا رايىنا جاڭا جەر ايماعىنان كەلگەن سۋىق اۋا ماسسالارىمەن تولىققان انتيسيكلون اسەر ەتۋدە. وسىعان بايلانىستى رەسپۋبليكانىڭ باسىم بولىگىندە اۋا تەمپەراتۋراسى تومەندەيدى.

الداعى ۋاقىتتا سولتۇستىك-باتىستا، سولتۇستىكتە، ورتالىقتا جانە شىعىستا تۇنگى ۋاقىتتا اۋا تەمپەراتۋراسى +2…+8°س-قا دەيىن تومەندەپ، 2°س-قا دەيىن ۇسىك ءجۇرۋى مۇمكىن.

ءتىپتى وڭتۇستىك-شىعىس وڭىرلەردە كۇندىزگى ۋاقىتتا ىستىق باسەڭدەپ، اۋا تەمپەراتۋراسى +20…+28°س شاماسىندا بولادى.

تەك رەسپۋبليكانىڭ باتىسى مەن وڭتۇستىك-باتىسى يران ايماعىنان كەلگەن جىلى اۋا ماسسالارىنىڭ ىقپالىندا بولادى، وندا ءالى دە +32…+40°س-قا دەيىن ىستىق ساقتالادى.