قازاقستدانداعى كولىك احۋالى
قازىرگى تاڭدا كولىكتىڭ ورنى ەرەكشە، استىڭدا كولىگىڭ بولسا كوزدى اشىپ جۇمعانشا كوزدەگەن جەرىڭە جەتىپ تۇرسىڭ. بۇل كولىكتىڭ جاقسى جاعى، دەگەنمەندە تاياقتىڭ ەكى ۇشى بار سياقتى ونىڭ دا ماشاقاتى كوپ. كولىكتىڭ نارىقتاعى باعاسىنىڭ تۇراقسىزدىعى، شەتەلدىك نومىرلەرگە شەكتەۋ قويىلۋى، كەنەتتەن جانارماي باعاسىنىڭ كۇرت ءوسىپ جۇرگىزۋشىلەردى اۋرە سارساڭعا سالۋى، قوسالقى بولشەكتەردىڭ قىمباتتاۋى سول سياقتى تاعىسىن تاعى ماسەلەلەردىڭ كوبەيۋى. ال وتاندىق اۆتوكولىك ەكپورتتاپ شىعارماۋ دەگەن ماسەلە ول بولەك اڭگىمە. ءتىپتى ونىڭ اۋىلى ءالى الىس سياقتى. قازاقستانداعى اۆتوكولىكتەرگە قاراعاندا كورشى مەملەكەتتەردە، شەتەلدەردە كولىك ارزان، سونىڭ باستى سەبەبىنەن جەرلەستەرىمىز شەكارا اسىپ رەسەي، ارمەنيا، گرۋزيا، وزبەكستان سىندى مەملەكەتتەردەن اكەلىپ ءتىپتى اراسىندا زاڭسىز كولىك تاسىلمالاپ ءجۇرىپ ونى ساۋداعا اينالدىرىپ جاتقانداردى كەزدەستىرۋگە بولادى. كەدەي باي، باي قۇداي بولسام دەگەندەي ەسكى كولىكتىڭ يەسى جاڭا، جاڭا كولىك يەسى vip ءنومىر مەن قوسا قىمبات داناسى از تارالعان ۆرەند اۆتوكولىكتەرگە قاراي ۇمتىلادى. ستاتيستيكا بويىنشا vip نومىرگە الماتى قالاسى - 5037 شىمكەنت - 2376 استانا - 1265 ادام 2020 جىلدىڭ قورىتىندىسى بويىنشا تاپسىرىس بەرگەن ەكەن. ءبىزدىڭ ەلدە كولىك جوندەۋ ورتالىقتارىنا بارساڭ ەسكى كولىكتەرىن جاماپ بيىلعا شىداپ قىستان امان ەسەن شىقسام ەكەن دەگەن نيەتپەن ايداپ جۇرگەن جۇرگىزۋشىلەردى بايقايسىڭ. ال سوڭعى ۇلگىدەگى سۋ جاڭا اۆتوكولىكتەردى بلوگەرلەر گيۆكە ويناتىپ جاتقانىن كورگەندە ءىشىم اشيدى. جوق مەن ولاردى كورە الماعاندىقتان ەمەس سونشالىقتى تويىپ سەكىرگەندىگىنە، جانە مۇقتاج جاندارعا بۇيىرسىن دەپ تۇرىپ اش قاسقىرداي اۋزىن ايعا قاراتىپ ۇليتىن جاندار كوبەيدى. جاقىندا رەسەيلىك بلوگەر ميحايل ليتۆين قاتەلەسپەسەم 90 ملن تەڭگەلىك مەرسەدەس اۆتوكولىگىن وتقا وراعانىن كورگەن شىعارسىزدار. مەيلى ورتەي بەرسىن، ءبىراق مىنا ءبىزدىڭ ناقۇرىستار سوعان ەلىكتەپ كونتەنت قويامىز دەپ اكەسىنىڭ اقشاسىنا العان كولىگىن ورتەگەندەر بولدى. جاعدايى ليتۆيندىكىندەي اسىپ تاسىپ جاتقان ەشتەڭەسى جوق ءبىراق ونى ءولتىرىپ بارا جاتقان حايپ دەگەن بالە شىعار. جاڭاعى قىستان امان ەسەن شىقساق دەگەن جۇرگىزۋشىلەردىڭ جاقسىلاپ تۇرىپ قارعىسىنا قالعان شىعار وزىندە. نەگىزى قازىرگى كەزدە كولىكتى ەر ادامنىڭ توقالى دەگەن اڭگىمە شىعىپ كەتتى. نەگە دەسەڭىز وعان بارلىق اقشاسىن قۇيادى. قىستىق جازدىق اياق كيىمىن اۋىستىرادى. جۋىندىرادى، بىلايشا ايتقاندا كۇتىمىن جاسايدى. ارينە كولىككە جاقسىلاپ قاراساڭ وڭدى سولدىعا ۇرىندىرماي، قاراساڭ ولدا سەنى بارار جەرىڭە ۋاقىتىلى جەتكىزىپ وتىرادى. قىستىڭ قاقاعان ايازىندا ىشىندە پەشكىسىمەن جىلىتادى. سوندىقتان ارزان كولىك بولسىن قىمبات بولسىن ۇدەسىنەن شىعىپ كۇتىم جاساپ جاقسى كورىپ ايداساڭ، ولدا سەنى جولدا تاستامايدى. كولىكتەرىڭىز استىلارىڭىزدا توزسىن.
تۇران ۋنيۆەرسيتەتى
مۇسابەك قوشايەۆ
You Might Also Like
-
ءبىز ءبىر تۇتاس قازاق ەلى بولعاندىقتان ءتىلىمىز، ءدىنىمىز ورتاق حالىقپىز. تاعى ءبىزدى ورتاقتاستىرىپ تۇرعان رامىزدەرىمىز، ءتۇر كەلبەتىمىز، ءسالت-داستۇرىمىز جانە تاريحىمىز. بۇل ماسەلەنىڭ ءبىر جاعى. ال بىزدە ...
-
تىلدىك قاتىناس - ءتىل ارقىلى بايلانىس، سويلەۋ ءتىلى ارقىلى ادامداردىڭ ءبىر- بىرىمەن قارىم-قاتىناس جاساۋى، قوعامدىق، ۇلتتىق ءتىل ارقىلى ۇعىنىسۋ، ءتۇسىنىسۋ، ياعني ادامزاتتىڭ ءتىل ارقىلى سويلەسىم ارەكەتىن مە...
