InfoHub Logo

94 مىڭعا جۋىق جازىلۋشىسى بار Qaznews24 ساتيرالىق Instagram پاراعى قىزمەتىن توقتاتتى. رەداكسيا بۇل شەشىمدى قاۋىپسىزدىك جاعدايىنىڭ ناشارلاۋىمەن بايلانىستىردى.

پاراقشا اكىمشىلىگى جاريالاعان مالىمدەمەدە كۇشتىك قۇرىلىمداردىڭ رەداكسيا مۇشەلەرىنىڭ تۋىستارىنا قىسىم كورسەتكەنى جانە جاڭا تەرگەۋ امالدارى باستالعانى ايتىلعان. «قازىرگى جاعدايدا جۇمىسىمىزدى جالعاستىرۋ مۇمكىن ەمەس. كونستيتۋسيا كەپىلدىك بەرەتىن ءسوز بوستاندىعىن دا، ءوز قۇقىعىمىزدى دا قورعاي الماي وتىرمىز»، – دەلىنگەن حابارلامادا.

بەلگىلى بولعانداي، بيىل ءساۋىر ايىندا پاراقشا اۆتورى تەمىرلان ەڭسەبەككە قىلمىستىق كودەكستىڭ 174-بابى («الەۋمەتتىك، ۇلتتىق، رۋلىق، ناسىلدىك، تەكتىك-توپتىق ارازدىقتى قوزدىرۋ») بويىنشا ايىپ تاعىلىپ، سوت وعان بەس جىلعا باس بوستاندىعىن شەكتەۋ جازاسىن كەسكەن.