InfoHub Logo

بقو-دا 5 جاستاعى بالانى كاليمانى ايتا الماعانى ءۇشىن ۇرىپ-سوققان اكەسى جاۋاپقا تارتىلۋدا،-دەپ حابارلايدى ينفوحاب.كز.

باتىس قازاقستان وبلىسىندا 5 جاستاعى بالانىڭ اناسى بۇرىنعى كۇيەۋىن ۇلىن ۇرىپ-سوعىپ، ءدىني كاليمانى ۇيرەتۋگە ماجبۇرلەمەك بولدى دەپ ايىپتادى. ايەلدىڭ ايتۋىنشا، اكەسىنىڭ ارەكەتىنەن كەيىن بالا سويلەۋ قابىلەتىن جوعالتقان، دارىگەرلەر وعان دياگنوز قويعان.

اناسى الەۋمەتتىك جەلىدە جازعانداي، ەر ادام بالانى “ليا يلياحا يلليا للاح، مۋحاممادۋن راسۋليۋ-للاح” دەپ ايتپادىڭ دەپ شاڭسورعىشتى قوسىپ، بولمەگە قاماپ قويعان. كەيىن بالا مۇلدە سويلەمەي قالعان. ايەل بۇرىنعى كۇيەۋىنىڭ اليمەنت تولەمەۋ ءۇشىن ءوزىن جۇمىسسىز رەتىندە تىركەگەنىن، بار مۇلكىن جاسىرعانىن، سونداي-اق تۇرمىستىق زورلىق-زومبىلىق كورسەتكەنىن ايتادى.

جەلىدە تاراعان ۆيدەودا بالانىڭ جىلاپ، ەر ادامنىڭ داۋىس كوتەرىپ ۇرىسقانى ەستىلەدى. ءبىر ساتتە ول قول دا كوتەرگەن. اناسى اراشا تۇسپەك بولعاندا ەر ادام وعان دا بالاعات سوزدەر ايتقان.
بقو سوتىنىڭ باسپا ءسوز قىزمەتى بۇل ىسكە قاتىستى: “ءىس سوتتا قارالۋدا، ازىرگە اقپارات بەرە المايمىز” دەپ جاۋاپ بەردى.