قازۇۋ- ەلىمىزدىڭ جوعارعى وقۋ ورىندارىنىڭ كوشباسشىسى
قازىرگىدەي ءبىلىمنىڭ ءقادىرى بارىنشا ارتقان، اقپاراتتى تەحنولوگيالار زامانىندا ەلىمىزدە جوعارى ءبىلىم بەرۋمەن اينالىساتىن مەكەمەلەر از ەمەس – بۇل، ارينە زاڭدى قۇبىلىس. الايدا سول تولىپ جاتقان وقۋ ورىندارىنىڭ ءبارى بىردەي زامان، قوعام تالابىنا تولىق جاۋاپ بەرەدى دەپ ايتۋ قيىن.
جوعارعى وقۋ ورىندارىنىڭ ىشىندەگى شوقتىعى بيىك، دارا ۋنيۆەرسيتەت – ۇستىمىزدەگى جىلى 85-جىلدىق مەرەيتويىن اتاپ وتكەن، كونەكوز ۋنيۆەرسيتەت – ءال-فارابي اتىنداعى قازاق ۇلتتىق ۋنيۆەرسيتەتى بولىپ تابىلادى. بۇل ۋنيۆەرسيتەت ءوزىنىڭ ۇزاق عۇمىرىندا قالىپتاسقان بايىپتى دا بايسالدى تاجىريبەسىمەن ەرەكشەلەنەتىن ءداستۇرشىل وقۋ ورنى عانا ەمەس، سونداي-اق زامانا تالابىنا دەر كەزىندە جاۋاپ بەرۋشى، ءبىلىم بەرۋدىڭ جاڭا تەحنولوگيالارىن ءبىرىنشى بولىپ يگەرۋشى، جاڭاشىل ۋنيۆەرسيتەت تە. بۇل باعىتتا ۋنيۆەرسيتەتتە سوڭعى جىلدارى ەلباسىمىز ن.ءا.نازاربايەۆتىڭ تاپسىرماسىن ىسكە اسىرۋدا كوپ جۇمىستار اتقارىلۋدا.
قازاقستاندىق ۋنيۆەرسيتەتتەردىڭ ىشىندە العاش رەت – ءال-فارابي اتىنداعى قازۇۋ الەمدەگى 800 ەڭ ۇزدىك ۋنيۆەرسيتەتتەر اراسىندا 207 ورىنعا يە بولىپ، QS «World University Rankings» حالىقارالىق رەيتينگىسىندە كوتەرىلدى. بۇل توپقا پوستكەڭەستىك كەڭىستىكتەن تەك ەكى ۋنيۆەرسيتەت كىرەدى: قازۇۋ جانە لومونوسوۆ اتىنداعى ماسكەۋ مەملەكەتتىك ۋنيۆەرسيتەتى (رف).
1934 جىدى ىرگە تاسى قالانعان زاڭ فاكۋلتەتى كوپتەگەن جاڭارۋ مەن وزگەرىستەردى باسىنان وتكەردى. قازىرگى تاڭدا زاڭ فاكۋلتەتىندە قۇقىقتانۋ جانە كەدەن ءىسى ماماندىقتارى بويىنشا مامانداردى دايىندايدى. ستۋدەنتتەردى دايارلاۋ ۇدەرىسى ورتا ءبىلىم جانە جوعارى ءبىلىم نەگىزىندە جۇزەگە اسىرىلادى. سونىمەن قاتار زاڭ فاكۋلتەتىنىڭ ستۋدەنتتەرى ماگيستراتۋرا جانە PhD دوكتورانتۋراسىنا تۇسۋگە مۇمكىندىكتەرى بار.
بۇگىنگى تاڭدا زاڭ فاكۋلتەتىنىڭ ەڭ كۇردەلى عىلىمي-تاجىريبەلىك ماسەلەلەردى شەشۋگە مۇمكىندىك بەرەتىن جاقسى عىلىمي الەۋەتى بار. فاكۋلتەتتە ءبىر ق ر ۇعا اكادەميگى، 30 دوكتورلار مەن پروفەسسورلار، 80-نەن اسا عىلىم كانديداتتارى، دوسەنتتەر، سونىمەن قاتار ق ر پارلامەنتى، ق ر ۇكىمەتى، ق ر پرەزيدەرتى اكىمشىلىكگى، ق ر جوعارى سوتى، قۇقىق قورعاۋ ورگاندارى مەن عىلىم اكادەمياسىنان جوعارى تاجىريبەلى ماماندار جۇمىس جاساۋدا. ولاردىڭ باسىم كوپشىلىگى شەت تىلدەرىن مەڭگەرگەن، اقش، ەۋروپا، تۋركيا جانە وزگە دە مەملەكەتتەردە تاعىلىمدامادان ءوتىپ كەلگەن.
زاڭ فاكۋلتەتى مەملەكەت پەن قۇقىقتىڭ وزەكتى ماسەلەلەرى بويىنشا رەسپۋبليكالىق جانە حالىقارالىق كونفەرەنسيالاردىڭ، سونداي-اق قازاقستان ستۋدەنتتەرى اراسىندا جىل سايىنعى رەسپۋبليكالىق قۇقىقتىق وليمپيادانىڭ تۇراقتى ۇيىمداستىرۋشى بولىپ تابىلادى. فاكۋلتەت قۇرامىندا عىلىمي جانە وقۋ ادەبيەتتىنىڭ باي قورى، سونىڭ ىشىندە مۇراعات ماتەريالدارى بار كونە كىتاپحان بار. ستۋدەنتتەر ارنايى ماماندىرىلعان، سونىمەن قاتار ماگيسترانتتار مەن دوكتورانتتارعا ارنالعان وقۋ زالدارىندا ساباقتارىنا دايىندالادى، قازىرگى زامان تالابىنا ساي كومپيۋتەرلىك تەحنيكامەن جابدىقتالعان كومپيۋتەرلىك سىنىپتار، «ينتەرنەت زالدارى» بار.
زاڭ فاكۋلتەتىندە قازاقستان سوروس قورىنىڭ قولداۋىمەن ستۋدەنتتىك زاڭ كلينيكاسى اشىلدى جانە ۇزدىك ستۋدەنتتەر حالىققا زاڭ كەڭەسىن بەرۋ ارقىلى تابىستى جۇمىس جاساۋدا. زاڭ فاكۋلتەتىندە- ستۋدەنتتىك ءومىر قىزىقتى ءارى مازمۇندى. ءاردايىم سپورتتىق جارىستار جانە كونكۋرستار ۇيىمداستىرىلىپ تۇرادى.
زاڭ فاكۋلتەتى تۇلەكتەرىنىڭ اراسىندا ق ر سوت جانە قۇقىق قورعاۋ ورگاندارى، پروكۋراتۋرا ورگاندارى، ءىىم، قارجى پوليسياسى، ق ر ادىلەت مينيسترلىگى باسقارمالارىنىڭ باسشىلارى از ەمەس. ءبىزدىڭ تۇلەكتەر قازۇۋ-دىڭ زاڭ فاكۋلتەتىنىڭ ستۋدەنتتەرىن جۇمىسقا بەلسەندى قابىلدايدى.
بەكنازاروۆا بايان ماراتالي قىزى زاڭ عىلىمدارىنىڭ ماگيسترى، ءال-فارابي اتىنداعى قازاق ۇلتتىق ۋنيۆەرسيتەتىنىڭ زاڭ فاكۋلتەتىنىڭ قىلمىستىق قۇقىق، قىلمىستىق ءىس جۇرگىزۋ جانە كريميناليستيكا كافەدراسىنىڭ وقىتۋشىسى
You Might Also Like
