InfoHub Logo

قىرىنۋ — تەرى ءۇشىن ۇلكەن سترەسس. قىرىنۋ تەرىنى كۇن سايىن زاقىمدايدى، تابيعي قورعانىس توسقاۋىلىن بۇزادى. تەرى توزۋىنىڭ الدىن الۋ ءۇشىن مىنا كەڭەستەردى پايدالانىپ كورىڭىزدەر.

— تەرىنىڭ قابارۋىنا قارسى الوە ەڭ جاقسى تابيعي قۇرال دەپ ەسەپتەلەدى. ءبىر جاپىراعىن جۇلىپ الىپ، ءسولىن بىردەن جاعىڭىز. ونىڭ ورنىنا — الوەنىڭ 100 پايىزدىق گەلى بارىنەن جاقسى.

— اۆاكادو دەيتىن تروپيكالىق جەمىس بار. تىتىركەنگەن تەرىگە سونىڭ ءبىر ءتىلىمىن جابىستىرساڭىز جەتىپ جاتىر.

— قيار تەرىنىڭ ءارتۇرلى سىرقاتىنا قارسى ابدەن سىننان وتكەن امال. ونىڭ ءبىر كەسىمىن تىتىركەنگەن تەرىگە باسادى.

— قياردىڭ قابىعىن الىپ تاستاپ، ونى ەزگىلەپ، تەرى­گە جاعۋعا بولادى. وعان اۆاكادونىڭ ەزىلگەن جۇمساعىن قوسساڭىز بارىنەن جاقسى.

— تىتىركەنگەن تەرىگە كالەندۋلا قوسىلعان ماي جاعى­ڭىز. وسى وسىمدىكتىڭ گۇلىنەن الىنعان ەكستراكت تەرى­ءنىڭ ءار ءتۇرلى زاقىمدالۋىنا قارسى قولدانىلادى.

— ۇستارامەن قىرىناتىن بولساڭىز ونىڭ ءجۇزىن ءتورت رەتتەن ارتىق قولدانباڭىز. ونىڭ ءجۇزى مۇقالىپ قالسا، ۇستارانى تەرىگە قاتتىراق باتىرۋعا تۋرا كەلە­ءدى دە، ول ودان ءارمان تىتىركەندىرەدى. ءبىر رەت قىرىنۋعا ارنالعان ستانوكتاردى ءۇش رەت قىرىنعان سوڭ شارۋاسى بىتكەن زات رەتىندە لاقتىرىپ جىبەرىڭىز.

— ستانوك پەن ەلەكتر قىرىنعىشىن كەزەك­-كەزەك پاي­دالانىڭىز. ءبىر ايدا بىرەۋىمەن، ەكىنشى ايدا ەكىنشىسى­مەن قىرىنىڭىز.

— ءسىز ستانوكتى ۇستارامەن قىرىنساڭىز تەرىڭىزدى، شاشىڭىزدى سۋعا جاقسىلاپ جۇمسارتىڭىز.

— قىرىنۋ ءۇشىن جاقسى كرەم پايدالانىڭىز.

— قىرىنىپ بولعاننان كەيىن لوسون پايدالانبا­ڭىز.

— شىلىم تارتۋدى تاستاۋ كەرەك.

— سونداي-اق الكوگولدەن دە باس تارتۋ كەرەك: ول اعزانىڭ تەز توزۋىنا، بەتتىڭ سولعىنداۋىنا سوقتىرادى.

وقۋعا كەڭەس بەرەمىز:

تەرى وبىرى

شىنتاقتاعى تەرى نەگە قۇرعاقتانادى جانە بۇلاي بولماۋى ءۇشىن نە ىستەۋ كەرەك

تەرىنىڭ قارتايۋىن باياۋلاتاتىن كوللاگەن قوسىلعان 10 ءونىم

تەرى ءۇشىن پايدالى وسىمدىكتەر

ەكزەما

---