قىرشىنىنان قىلمىستى بولعاندار
تورتكۇلدەگى ارىقتان تابىلعان 15 جاسار قىزدىڭ ءمايىتى. سوققىعا جىعىلعان سەمەيلىك وقۋشى قىز بەن قىزىلوردالىق ءجاسوسپىرىم. وسكەمەندەگى قىزدار توبەلەسى. ساتىداعى وقۋشىلار ءولىمى. بۇل تىزىلگەن ءتىزىم جىل باسىنان بەرى ەلىمىزدە الىمجەتتىك سالدارىنان ورىن العان وقيعالار. جاسوسپىرىمدەردى بۇنداي قىلمىس جاساۋعا نە يتەرمەلەيدى؟ ساراپشىلار پىكىرىن ءبىلىپ، تاقىرىپ توڭىرەگىندە زەرتتەۋ جاساپ كوردىك.
Stat.gov.kz ۇسىنعان ستاتيستيكاعا سۇيەنسەك، 2021 جىلى 1529 بالا قىلمىس جاساعان. ونىڭ 62ء-سى اسا اۋىر، ال 561ء-ى اۋىر قىلمىسقا بارعاندار. قىلمىستى بولعان جاسوسپىرىمدەردىڭ 11ء-ى ادام ءولتىرۋ نەمەسە ادام ولتىرۋگە وقتالعاندار، 60-ى دەنساۋلىققا قاساقانا زيان كەلتىرگەندەر، ال 24ء-ى قىلمىستىڭ زورلاۋ جانە زورلاۋعا وقتالۋ ارەكەتتەرمەن بايلانىستى قىلمىس جاساعاندار. قازاقستان رەسپۋبليكاسى باس پروكۋراتۋراسىنىڭ قۇقىقتىق ستاتيستيكا جانە ارنايى ەسەپكە الۋ جونىندەگى كوميتەتى جاريالاعان مالىمەتتەرگە سەيكەس، 2022 جىلى قازاقستاندا كامەلەتتىك جاسقا تولماعاندار تاراپىنان جاسالعان قىلمىستىق ءىستىڭ سانى - 1735. بۇل 2021 جىلعى كورسەتكىشتەن 2،06 پايىزعا جوعارى.
مەدەۋ اۋداندىق پوليسيا قىزمەتكەرى كوبىنە-كوپ جاسوسپىرىمدەر اراسىنداعى قىلمىستىڭ ارتۋىنا وتباسىنىڭ الەۋمەتتىك-ەكونوميكالىق جاعدايى اسەر ەتەتىنىن ايتىپ، قىلمىسقا بارعاندارعا قانداي شارا قولدانىلاتىنىمەن دە ءبولىستى:
«كۇنكورىس قامىمەن جۇرگەن اتا-انانىڭ بالا تاربيەسىمەن اينالىسۋعا ۋاقىتى بولمايدى. ىشكىلىككە سالىنىپ، بالا تاربيەسىنە ءجۇردىم-باردىم قارايتىن اتا-انالار دا بار. ناتيجەسىندە بالا قاراۋسىز قالىپ، قىلمىسقا بەيىم بولىپ وسەدى. قازاقستان رەسپۋبليكاسىنىڭ زاڭناماسىنا سايكەس قىلمىس جاساعان بالا قىلمىستىق جاۋاپكەرشىلىككە 14 جاستان باستاپ تارتىلادى. جاساعان قىلمىسىنا بايلانىستى قىلمىستىق كودەكستە كوزدەلگەن باپتارعا سايكەس جاۋاپكەرشىلىككە تارتىلادى. اكiمشiلiك قۇقىق بۇزۋشىلىق تۋرالى كودەكستىڭ 127-بابى، 3ء-بولىمى بويىنشا اكە-شەشەسى دە جاۋاپكەرشىلىككە تارتىلادى. پروفيلاكتيكالىق ەسەپكە الىنىپ، پوليسيا قىزمەتكەرلەرى تاراپىنان پروفيلاكتيكالىق جۇمىستار جۇرگىزىلەدى.»
ال، پسيحولوگ مامان جاسوسپىرىمدەردىڭ قىلمىسقا بارۋ سەبەبىن بالانىڭ اسوسيالدى وتباسىنان شىعۋىمەن بايلانىستىردى.
«كوبىنە اسوسيالدى وتباسىنان شىققان بالالار اگرەسسياعا بەيىم. بۇل دەگەنىمىز - بالاعا دۇرىس كوڭىل بولمەۋ، بالاعا اتا-انا تاراپىنان جاسالعان اگرەسسيالىق قاتىناس. جانۇيا مۇشەلەرىنىڭ ءارقاشان ۇرىس-كەرىستە بولۋى. كەلەسى فاكتور - وتباسىنداعى قارجىلىق ماسەلە. بالا پايداكۇنەمدىك پيعىلدا وزگەلەرگە الىمجەتتىك كورسەتەدى.»، - دەيدى مەكتەپ پسيحولوگى ارشاگۇل ەرجان قىزى.
You Might Also Like
-
دۇنيەدە ادام كۇلەتىن، ادام جىلايتىن، ادام ۇيالاتىن، ادام جيىركەنەتىن، ادام لاعىنەت ايتاتىن قىلىقتار، ىس-ارەكەتتەر جاسالىپ جاتىر. بۇل ارەكەتتەردىڭ ءار جاعىندا مەيىرىمگە، ماحابباتقا، جىلىلىققا ءزارۋ ادا...
-
نەمىس ويشىلى مارتين حايدەگگەر قۇرلىقتىق فيلوسوفيا داستۇرىنە مۇراگەرلىك ەتىپ، ءوزى ءومىر سۇرگەن ۋاقىتتا تاڭداۋلى ءارى تالاسقا تولى ەڭبەكتەر جازا ءبىلدى. سول ەڭبەكتەردىڭ ىشىندەگى 20 عاسىرداعى تانىما...
