InfoHub Logo

ادەبيەتتىك وقۋ
ساباقتىڭ تاقىرىبى: قىس.
ساباقتىڭ ماقساتى:
بىلىمدىلىگى: وقۋشىلاردى ولەڭدى مانەرلەپ وقۋعا جاتتىقتىرۋ، ويىن جۇيەلى جيناقتاپ سويلەۋگە ۇيرەتە وتىرا، بىلىمدەرىن كەڭەيتۋ.
دامىتۋشىلىعى: وقۋشىلاردىڭ تانىم قابىلەتتەرىن ارتتىرۋ، ويىن تولىق جەتكىزىپ، سويلەۋگە داعدىلاندىرۋ جانە شىعارماشىلىق قابىلەتتەرىن دامىتۋ.
تاربيەلىك: وقۋشىلاردى تابيعاتتىڭ اسەمدىلىگىن باقىلاي بىلۋگە، تابيعاتتى قورعاۋعا باۋلۋ. توپتا جۇمىس جاساي وتىرا ءوزارا ىنتىماقتاستىقتا بولۋعا تاربيەلەۋ.
ساباقتىڭ ءادىسى: ءتۇسىندىرۋ، توپتاستىرۋ ءادىسى، وي - قوزعاۋ، سۇراق – جاۋاپ،، توپپەن جۇمىس، كورنەكىلىك.
كورنەكىلىكتەر: قىس مەزگىلى بەينەلەنگەن سۋرەتتەر، سىزبالار، سۋرەتتەر، قيما - قاعازدار، سلايد، باعالاۋ پاراعى.
ءتۇرى: توپپەن جانە جەكە جۇمىس.
ساباقتىڭ ءتيپى: جاڭا ماتەريالدى مەڭگەرتۋ
تەحنيكالىق قۇرالدار: ينتەراكتيۆتى تاقتا، كومپيۋتەر، سلايد، ءۇنتاسپا

ساباقتىڭ بارىسى:
ءى. ۇيىمداستىرۋ. (2مينۋت)
سالەمدەسۋ: ۇلكەنگە دە ءسىز
كىشىگە دە ءسىز
سالەم بەردىك سىزدەرگە
قۇرمەتپەنەن ءبىز.
توپقا ءبولىنۋ، توپتىق ەرەجەنى قۇرۋ (2 مينۋت)
بۇگىنگى ساباعىمىز ەرەكشە بولماق.. بۇگىن سەندەرمەن توپپەن جۇمىس ىستەيمىز.. بۇگىن ءبىز جىل مەزگىلدەرىنە ساياحات جاسايمىز.

ءىى. ءۇي تاپسىرماسىن تەكسەرۋ، وتكەندى قايتالاۋ.
«بايگە» ويىنى بويىنشا سۇراقتارعا جاۋاپ الۋ – اۋىزشا. (5 مينۋت)

1. ءارىپتى نە ىستەيمىز؟
4. ءسوز نەدەن قۇرالادى؟
2. دىبىستى نە ىستەيمىز؟
3. دىبىستى نە ىستەيمىز؟
5. جۋان داۋىستى دىبىستاردى اتا.(ا، و، ۇ، ى)
3. جىڭىشكە داۋىستى دىبىستاردى اتا.(ءا، ە، ءو، ءۇ، ءى)
2. سويلەم نەدەن قۇرالادى؟
6. جىل مەزگىلدەرىن اتا.
1. قىس سوزىندەگى داۋىستى دىبىستى اتا، ول قانداي دىبىس؟.

جاڭا ساباق.
1. ءۇنتاسپادان ءتۇرلى دىبىستار تىڭداپ، ەستۋ ارقىلى اجىراتۋ.
(قىسقى بوراننىڭ گۋىلى، ايازدىڭ سىقىرى، ادامنىڭ قارداعى اياق دىبىسى)
2. «وي شاقىرۋ» ستراتەگياسى. (2 مينۋت)
اياز قىسىپ، ورنەك سىزىپ،
تەرەزەنى تورلايدى.
كەيدە ۇلىپ، كەيدە ىسقىرىپ،
ۇيىتقىپ بوران سوعادى.
ايتىڭدارشى، بالالار،
بۇل قاي كەزدە بولادى؟
- دۇرىس ايتاسىڭدار، بالالار، ەندەشە بۇگىنگى ءبىزدىڭ ساباعىمىزدىڭ تاقىرىبى دا قىس مەزگىلىنە بايلانىستى بولادى.
بۇگىن ءبىز سەندەرمەن بەلگىلەنگەن ايالدامالار بويىنشا ساياحاتقا شىعامىز. ساياحاتتاعاندى ۇناتاسىڭدار ما؟ ال ساياحاتتاعان كەزدە ادامدار شارشاعان كەزدە نە ىستەيدى؟
- ارينە، دەم الادى. ال ءبىز ساباعىمىزدا ايالدامالاردا بەرىلگەن تاپسىرمالاردى ورىندايمىز.
ءى ايالداما: «قىس مەزگىلى» ايالداماسى
ءىI ايالداما:«كوڭىلدى قىس» ايالداماسى.
ءىى ايالداما: «قىسقى ورمان» ايالداماسى.
ءىىى ايالداما: «قىس قىزىقتارى» ايالداماسى.
V ايالداما: «قىسقى تابيعات» ايالداماسى.
وسى ايالدامالاردا ءبىزدى كوپتەگەن تاپسىرمالار كۇتىپ تۇر. ال، بالالار، ءبىز ساياحاتقا دايىنبىز با؟ ەندەشە باستايىق.

ءى ايالداما: «قىس مەزگىلى» ايالداماسى
توپتاستىرۋ ( 4 مينۋت)
مۋزىكا ءۇزىندىسى تىڭداتىلادى. بالالار اۋەندى تىڭداعاندا كوز الدارىنا ەلەستەگەندەرىن دياگرامما ىشىنە تولتىرىپ جازادى. بولعانننان سوڭ ءار توپتان ءبىر وقۋشى شىعىپ ءوز جۇمىستارىن كورسەتىپ، قورعايدى. كەيىن ءمۇعالىم دۇرىس جاۋاپپەن سالىستىرادى.

ءىI ايالداما: «كوڭىلدى قىس» ايالداماسى. (6 مينۋت)
كىتاپپەن جۇمىس:
كوڭىلدى قىس ولەڭىن ءشامىل مۇحامەدجانوۆ جازعان.
ءشامىل مۇحامەدجانوۆ، 1931 جىلى، قوستاناي وبلىسىنىڭ ءالىبي جانكەلدين اۋدانىندا دۇنيەگە كەلگەن. وقۋ – اعارتۋ ءىسىن دامىتۋدى ماقسات ەتكەن ءشامىل، 1952 جىلى اباي اتىنداعى، پەداگوكيكالىق ينستيتۋتىندا ءبىلىمىن جەتىلدىرەدى. ءوز زامانداستارى، ساعي جيەنبايەۆ، تۇمانباي مولداعالييەۆ، مۇقاعالي ماقاتايەۆتارمەن جاقسى جولداس بولعان. بيىل اقيىق اقىننىڭ 80 جىلدىعى تويلانىپ جاتىر. بۇل «جاقسىنىڭ اتى ولمەيدى، عالىمنىڭ حاتى ولمەيدى» دەگەن اتالى ءسوزدىڭ بەكەر ايتىلماعاندىعىنىڭ دالەلى. ارتىندا قالعان «اسىل قازىنالارى» جاستىڭ دا كارىنىڭ دە ەسىندە. ءقادىر تۇتىپ، قاستەرلەيدى.
كوڭىلدى قىس
ءبىر توپ بالا سىرعاناپ،
بارادى، انە، جارىسىپ.
قالدى ارتىندا قار، الاپ،
ىزدەرىندە قار ۇشىپ.
قىراۋ قاتىپ جاعاعا،
اياز بەتتەن وبەدى.
ءبىرى ءمىنىپ شاناعا،
ءبىرى شاڭعى تەبەدى.
ساتكە قاراپ تۇرمايسىڭ،
كوڭىلدى ەدى قىس قانداي!
شاڭعىمەنەن زىرلايسىڭ،
قانات ءبىتىپ ۇشقانداي.
- ولەڭدە نە تۋرالى ايتىلعان؟
- بالالار نە ىستەيدى؟
داۋىستاپ وقىتۋ.
تىزبەكتەپ وقۋ

ءىىI ايالداما: «قىسقى ورمان» ايالداماسى. ( 4 مينۋت)
ءمۇعالىم: مىنا ايالدامادان ءوتۋ ءۇشىن، سەندەر جەر - انانىڭ جىبەرگەن حاتىنداعى سۇراقتارعا جاۋاپ بەرىڭدەر. (قىسقا جاۋاپ بەرەدى).
1 - توپ: قىستا قىستايتىن قۇستاردىڭ اتتارىن اتاڭدار. (قارعا، ساۋىسقان، سۋىقتورعاي، شىمشىق، توقىلداق)
2 - توپ: اڭداردىڭ قىسقى تىرشىلىگى تۋرالى ايتىڭدار. (قاسقىر، قويان، تۇلكى)
3 - توپ: قىسقى تابيعاتتى سيپاتتاڭدار

سەرگىتۋ كەزەڭ: قيمىلدى جاتتىعۋ (2 مينۋت)

ءىV ايالداما: «قىس قىزىقتارى» ايالداماسى (6 مينۋت)
جۇمباقتى شەشەيىك:
1. قىستا جەردى جاۋىپ كەتتى، ال كوكتەمدە اعىپ كەتتى. (قار)
2. قولى جوق، سۋرەت سالادى، ءتىسى جوق تىستەپ الادى. (اياز)
3. تابانىما بايلادىم، قوس اياقپەن ايدادىم. (شاڭعى)
4. تىكەن، تىكەن تىك پىستە، قىسى جازى ءبىر تۇستە (شىرشا)
5. دەنەسى سۋىق، ايناداي تۇنىق. سۋ بوپ اعادى، تۇرسا كۇن جىلىپ (مۇز)
6. قاناتى جوق ۇشادى، اياعى جوق جەلەدى، اۋزى جوق ۇليدى. (بوران)
داپتەرمەن جۇمىس: سۋرەتكە قاراپ، سويلەم قۇراستىرىپ جازۋ

V ايالداما: «قىسقى تابيعات» ايالداماسى. (7 مينۋت)
توپتىق جۇمىس. (پوستەرگە ورىنداۋ)
1 توپ: قىس مەزگىلىنە بايلانىستى سوزدەر
2 توپ: قىسقى ويىندار
3 توپ: قىسقى كيىمدەر

قورتىندى.
بۇگىنگى ساباعىمىزدا نە ايتىلدى؟
- ءقازىر جىلدىڭ قاي مەزگىلى؟ (قىس)
- قىس ايلارىن اتاڭدارشى؟ (جەلتوقسان، قاڭتار، اقپان)
- جۋان داۋىستى دىبىستاردى اتاڭدار
- جىڭىشكە دىبىستاردى اتاڭدار

باعالاۋ
«ءوز جۇمىسىڭدى باعالا» (3 مينۋت)
قىزىل ءتۇس - مەن ءبارىن جاقسى ءتۇسىندىم جانە دوسىما تۇسىندىرە الامىن
جاسىل ءتۇس - مەن ءتۇسىندىم، ءبىراق ماعان كومەك قاجەت
سارى ءتۇس - ماعان بۇگىن ساباق قيىن بولدى، تۇسىنگەم جوق
رەفلەكسيا كەزەڭى: (2 مينۋت)
بالالار، بۇگىنگى ساباعىمىز سەندەرگە ۇنادى ما؟ نە ۇنادى؟ وزدەرىڭنىڭ پىكىرلەرىندى تاقتاعا شىعىپ، بەلگىلەڭدەر.
ۇيگە تاپسىرما. كوڭىلدى قىس ولەڭىن مانەرلەپ وقىپ كەلۋ.

تولىق نۇسقاسىن جۇكتەۋ