InfoHub Logo

تاقىرىبى: قىس. اباي قۇنانبايەۆ

ماقساتى: وقۋشىلاردىڭ اباي قۇنانبايەۆ تۋرالى ءبىلىمىن كەڭەيتۋ. «قىس» تۋرالى ولەڭىنىڭ مازمۇنى مەن يدەياسىن اشۋ. وقۋشىلاردىڭ تانىم مۇمكىندىكتەرىن انىقتاۋ.
مىندەتتەرى:
1. قىس مەزگىلى، ونىڭ ەرەكشەلىكتەرى جايلى ولەڭ ارقىلى ءتۇسىندىرۋ. مانەرلەپ وقۋىن جەتىلدىرۋ.
2. وقۋشىلاردىڭ سوزدىك قورىن، ويىن، كوز الدىنا ەلەستەتۋ قابىلەتىن سالىستىرۋ مۇمكىندىكتەرىن دامىتۋ.
3. قورشاعان ورتانىڭ تىلسىم سىرلارىنا قىزىقتىرۋ ارقىلى تۋعان جەرىنىڭ تابيعاتىن سۇيە بىلۋگە باۋلۋ.
كورنەكىلىكتەر: ابايدىڭ سۋرەتى، قىس مەزگىلىنىڭ سۋرەتتەرى، مۋزىكا.
ادىستەرى: سوزدىك، سۇراق - جاۋاپ، وي قوزعاۋ، سالىستىرۋ.
ءتيپى: جاڭا ساباق.
اقپاراتتىق قۇرالدار: كومپيۋتەر، ەكران، مۋلتيمەديالىق پروەكتور.

ساباقتىڭ بارىسى: 1. ۇيىمداستىرۋ.
2. جاڭا ساباق.
- ءقازىر جىلدىڭ قاي مەزگىلى؟
- قىس ايلارىن اتا.
- بۇگىنگى اۋا رايى تۋرالى نە ايتاسىڭدار؟
- ال ەندەشە جۇمباق شەشەيىك.
1. قىستا بار دا، جازدا جوق.
2. قۇلاعى مەن كوزى جوق،
جوق ءتىپتى قول مەن اياعى.
ءبىراق عاجاپ ونەرپاز،
مانەرلەپ ويۋ ويادى.
3. كولگە جاپقان قاقپاق
سىرەسىپ تۇر –
قاتتى – اق.
4. قاناتى جوق – ۇشادى.
اياعى جوق – جەلەدى.
اۋزى جوق – ۇليدى.

- ەندى قىس دەگەندە ويلارىڭا نە كەلەتىنىن توپتاستىرىپ جازىڭدار. (داپتەرمەن جۇمىس)
- قىس نەسىمەن سەندەرگە قىزىقتى؟
- قىستا اۋا رايى ۇنەمى وسىلاي جاقسى بولىپ تۇرا ما؟
- مىنا سۋرەتتەن اۋا رايىنىڭ قانداي ءتۇرى بەلگىلى بولىپ تۇر؟
ەندەشە بۇگىن ءبىز سەندەرمەن ابايدىڭ «قىس» ولەڭىمەن تانىسامىز.
اۆتور تۋرالى ماعلۇمات. اباي قۇنانبايەۆ سلايد.

وقۋلىقپەن جۇمىس. ولەڭدى مانەرلەپ وقۋ.
تىزبەك بويىنشا 1 شۋماقتان مانەرلەپ وقىتۋ.
تاۋىپ وقۋ.
- اقىننىڭ قىستى سۋرەتتەگەن تۇسىن كىم تاۋىپ وقيدى؟
- مالشى تۋرالى ايتىلعان تۇستى كىم تاۋىپ وقيدى؟
بالالار تۋرالى ايتىلعان تۇستى كىم تاۋىپ وقيدى؟
- جاقسى.
توپتىق جۇمىس.
1توپ. ولەڭنىڭ ءبىرىنشى شۋماعىندا نە تۋرالى ايتىلعان؟
2توپ. ەكىنشى شۋماعىندا نە تۋرالى ايتىلعان؟
3توپ. ءۇشىنشى شۋماعىندا نە تۋرالى ايتىلعان؟
ولەڭدى تالداۋ. تۇسىنىكسىز سوزدەرمەن جۇمىس.
سوزدىك جۇمىسى.
سوقىر – كوزى كورمەيدى.
مىلقاۋ – ەستىمەيدى.
دولدانعاندا – اشۋلانعاندا.
التى قانات اق وردا – كەرەگەگە بايلانىستى كيىز ءۇيدىڭ ۇلكەندىگى.
سۋرەتتەن كەرەگەنى كورسەتۋ. نەلىكتەن التى، ون ەكى، جيىرما ءتورت قاناتتى ەكەنىن ءتۇسىندىرۋ.

3. بەكىتۋ.
سۇراقتارمەن جۇمىس. سۇراقتارعا جاۋاپ بەر.
1. اقىن قىستى كىمگە تەڭەيدى؟
2. اباي ولەڭىندەگى ادام بەينەسىندە ايتىلعان قىستى سيپاتتا.
3. ولەڭدە بالالار تۋرالى نە ايتىلعان؟
4. مالشى تۋرالى شە؟
قار قىستا قاي كەزدە سىقىرلايدى؟

باعالاۋ. ۇيگە تاپسىرما:
1. ولەڭدى جاتتاۋ.
2. اقىننىڭ قىستى سۋرەتتەگەنىن پايدالانا وتىرىپ شىعارما جازۋ.