InfoHub Logo

مەكتەپالدى دايارلىق سىنىبىندا ۇيىمداستىرىلعان وقۋ ءىس - ارەكەتىنىڭ تەحنولوگيالىق كارتاسى.

ءبىلىم بەرۋ سالاسى: «قاتىناس» ءبولىمى: قورشاعان ورتامەن تانىستىرۋ
تاقىرىبى: قىس – عاجايىپ مەزگىل
قۇزىرەتتىلىككە جەتكىزەتىن ۇيىمداستىرىلاتىن وقۋ ءىس - ارەكەت ماقسات - مىندەتتەرى:
اقپاراتتىق قۇزىرەتتىلىك: قىس مەزگىلىنىڭ ەرەكشەلىكتەرى، قىس مەزگىلىندەگى تابيعاتتاعى تىرشىلىك تۋرالى بىلىمدەرىن جيناقتاۋ، تانىم بەلسەندىلىگى دەڭگەيىنە قاراي بەلگىلى اقپاراتتاردى قۇرىلىمداۋ، بالالار مەڭگەرۋگە ءتيىستى اقپاراتتاردى الگوريتمدەۋ ارقىلى مەڭگەرتۋ. كوممۋنيكاتيۆتىك قۇزىرەتتىلىك: شىعارماشىلىق تاپسىرمالاردى ورىنداۋ ارقىلى قىس مەزگىلىنىڭ ايىرماشىلىقتارىن ايقىنداۋ. قىس مەزگىلىن تولىق سويلەمدەرمەن سيپاتتاۋعا ۇيرەتۋ. بالالاردىڭ سۋرەت بويىنشا اڭگىمە قۇراستىرۋ، سوزدىك قورىن بايىتۋ، قويىلعان سۇراقتارعا ناقتى جاۋاپ بەرۋ جانە ءبىرىن تىڭداي ءبىلۋ قابىلەتتەرىن قالىپتاستىرۋ. توپپەن جۇمىس جاساۋ، جاقسى قارىم - قاتىناستا بولۋ قابىلەتتەرىن دامىتۋ. پروبلەمانى شەشۋ قۇزىرەتتىلىگى: قىس مەزگىلىنىڭ ەرەكشەلىكتەرىن ءتۇسىنۋ، ولارعا سايكەس كەزدەسەتىن پروبلەمالاردى شەشە بىلۋگە ۇيرەتۋ. ۇيىمداستىرىلعان وقۋ ءىس - ارەكەت بارىسىندا جۇمباق، رەبۋس، ءسوز جۇمباقتى شەشۋ، ديداكتيكالىق ويىنداردى بەرىلگەن شارت بويىنشا ورىنداۋعا داعدىلاندىرۋ. كۇتىلەتىن ناتيجە:
بالانىڭ ءبىلۋى: قىس مەزگىلىنىڭ ەرەكشەلىكتەرى، قىس مەزگىلىنىڭ جاز مەزگىلىمەن سالىستىرۋدى بىلەدى.
بالانىڭ مەڭگەرۋى: بالالاردىڭ سۋرەت بويىنشا اڭگىمە قۇراستىرۋ مەن اڭگىمە بارىسىندا ءبىر ءبىرىن تىڭداي ءبىلۋدى مەڭگەرەدى.
بالانىڭ جاساي الۋى: ۇيىمداستىرىلعان وقۋ ءىس - ارەكەت بارىسىندا جۇمباق، رەبۋستاردى شەشىپ، ديداكتيكالىق ويىنداردى بەرىلگەن شارت بويىنشا ورىنداي الادى.
ءادىس - تاسىلدەرى: اكت، دامىتا وقىتۋ، ويىن سوزدىك، ءتۇسىندىرۋ، اڭگىمەلەسۋ، سۇراق - جاۋاپ، كورنەكىلىك - سۋرەتتەر كورسەتۋ، پراكتيكالىق – جۇمباقتار، رەبۋس، ويىندار ويناۋ.
كورنەكىلىكتەر: كومپيۋتەر، ينتەراكتيۆتى تاقتا، قىس مەزگىلى بەينەلەنگەن سۋرەتتەر، جۇمباقتار، رەبۋس، ويىندار ويناۋ.
تىلدىك كومپونەنتى: قىس - زيما، جەلتوقسان - دەكابر، قاڭتار - يانۆار، اقپان - فيەۆرال.
تاربيەشىنىڭ ارەكەتى
شانامەن زىرلاپ جەلەتىن،
شاڭعى، كونكي تەبەتىن.
اققالا جاساپ وينايتىن
قاي مەزگىل دەپ ويلايسىڭ؟

- دۇرىس. بالالار قىس مەزگىلىندە قانداي وزگەرىستەر بولادى؟ قىس مەزگىلىنىڭ ورىسشا اتاۋى - زيما. قىس مەزگىلىنىڭ جەلتوقسان - دەكابر، قاڭتار - يانۆار، اقپان - فيەۆرال ايلارى بار. بالالار بۇگىن مەن سىزدەرگە كوپتەگەن قىزىقتى تاپسىرمالار دايىنداپ قويدىم، بەلسەندى قاتىسقاندارعا سىيلىققا ۇلپا بەرىلەدى، بارلىعى اياقتالعان سوڭ، ءبىز ولاردى سانايمىز، جۇلدەگەرلەردى اتايمىز.
- دۇرىس. بالالار ەندى قىس تۋرالى كەلەسى ءماتىندى تىڭداۋعا ۇسىنامىن سىزدەرگە.
قىس
قىس كەلدى. دالادا قار جاۋىپ تۇر. كۇن سۋىق، اياز. اعاشتاردىڭ بۇتالارىن قىراۋ باسقان. بالالار اۋلادا ويناپ ءجۇر. بىرەۋى كونكي تەۋىپ، ال كەيبىرلەرى جوتادان تومەن قاراي شانامەن سىرعاناپ كەلەدى. بالالاردىڭ ءبارى كوڭىلدى، جۇزدەرىنەن شاتتىق نۇرى وينايدى. بالالار قاردان اققالا جاسادى. اققالانىڭ كوزىن كومىردەن ەندى بىرەۋى مۇرنىن سابىزدەن جاسادى. ال باسىنا قالپاق كيگىزىپ، قولىنا سىپىرعىش ۇستاتىپ قويدى. بالالار ىستەگەن جۇمىستارىنا قۋانادى. قارعا سۋ قۇيىپ سىرعاناقتى جاساپ ۇلگەردى..
- جارايسىڭدار، بالالارىم! جوعارىدا ايتىلعان اڭگىمەلەرىمىزدە بالالاردىڭ قىستاعى قىزىعى تۋرالى، ال ورمانداعى مەكەندەۋشىلەردى ەسىمىزگە الايىقشى، ول ءۇشىن مەنىڭ جۇمباقتارىمدى شەشىپ كورىڭدەر...

1. بەلەستەن شاپقان بەستى ات
بۇكىر كەلگەن كەلىستى ات
بەيعام ەلدى ىزدەيدى
مالدان كۇدەر ۇزبەيدى
2. ءوزى ايلاكەر، ءوزى قۋ
جۇرگەن جەرى ايقاي – شۋ
3. ورماننان، جالپاق دالادان،
بال ىزدەپ، ءبىراق جورتادى.
كىپ - كىشكەنتاي ارادان،
ءۇپ - ۇلكەن بوپ قورقادى
4. يتكە ۇقساعان ءىزىن - اي
ونى قالاي دەسەك تە،
ال ءبىر جەرى قىزىق - اي
ۇقساپ - اق تۇر ەسەككە
- دۇرىس تاپتىڭدار! ال، وسى جانۋارلار قىس مەزگىلىندە قالاي تىرشىلىك ەكەندىگى تۋرالى ايتىپ كورەيىكشى.

سەرگىتۋ ءساتى.
ال، بالالار، تۇرايىق، الاقاندى ۇرايىق،
وڭعا قاراپ ءيىلىپ، سولعا قاراي ءيىلىپ
ءبىر وتىرىپ، ءبىر تۇرىپ، ءبىر تىنىعىپ الايىق.
ورنىمىزدان تۇرايىق، بەلىمىزدى جازايىق.
جوعارى تومەن قارايىق، سولعا ءتۇزۋ تۇرايىق.
العا قاراي ءبىر ادىم، ارتقا قاراي ءبىر ادىم
بويىمىزعا كۇش جيناپ،
بىرگە وسىلاي دەم الايىق.