قىسقى سەسسيا جىل سوڭىنا دەيىن اياقتالادى
26 قاراشادا قىسقى سەسسيا باستالىپ كەتتى. ادەتتە سەسسيا جىلدىڭ سوڭىنا دەيىن اياقتالادى. بۇل تۋرالى ورتالىق كوممۋنيكاسيالار قىزمەتىندە وتكەن ونلاين بريفينگتە ق ر ءبىلىم جانە عىلىم ۆيسە-مينيسترى ميراس داۋلەنوۆ ايتتى.
«قاشىقتان وقىتۋ بارىسىندا پەداگوگتاردى سيفرلىق ماشىققا ۇيرەتۋ قاجەتتىگى تۋىندادى. وتكەن جازدا وسىعان بايلانىستى سەسسيالار ءوتتى. ق ر ءبىلىم جانە عىلىم مينيسترلىگى مۇنداي شارالاردى ۇيىمداستىرۋعا اتسالىستى. بولون پروسەسى جانە اكادەميالىق ۇتقىرلىق ورتالىعىمەن بىرلەسىپ 7 سەسسيا وتكىزدىك»، — دەيدى ق ر ءبىلىم جانە عىلىم ۆيسە-مينيسترى ميراس داۋلەنوۆ.
سونداي-اق، ول جوعارى وقۋ ورىندارى زالدارىنىڭ ەسىگى ۆيدەو لەكسيا جازۋ ءۇشىن اشىق بولعانىن ايتتى.
«كوكتەمگى سەمەستر كەزىندە وقىتۋشىلار ۆيدەو لەكسيانى قولدا بار قۇرىلعىلارىمەن جازۋلارىنا تۋرا كەلسە، قازىرگى ۋاقىتتا ساپالى تۇردە تۇسىرۋگە مۇمكىندىك جاسالعان. سونداي-اق، ق ر ءبىلىم جانە عىلىم مينيسترلىگى قۇجات ءتۇرىندى ەسەپ بەرۋدى ەلەكتروندى تۇردە ەسەپ بەرۋگە الماستىرۋ كەرەكتىگى بۇيرىق شىعاردىق. بارلىق جوعارى وقۋ ورىندارىنداعى قۇجات جۇمىستارى ەلەكتروندى فورماتقا اۋىستى، ياعني وقۋعا ءتۇسۋ ءۇشىن قۇجاتتاردى ەلەكتروندى تۇردە وتكىزۋگە بولادى. ال سەسسياعا كەلەر بولساق، 26 قاراشادان باستاپ قىسقى سەسسيا باستالىپ كەتتى. ادەتتە سەسسيا جىلدىڭ سوڭىنا دەيىن اياقتالادى، دەمەك ستۋدەنتتەر جاڭا جىلعا دەيىن ەمتيحان تاپسىرىپ، دەمالا الادى»، — دەيدى ول.
You Might Also Like
-
مەكتەپ-گيمنازياسى» 2 «ك» سىنىپ وقۋشىسى ورالحانوۆ ايسۇلتان مەيرامحان ۇلى
