Photo: Kirill Ozerov (https://www.pexels.com/@kirill-ozerov-109766512) / Pexels
"قولىڭدى تارت، مينيستر سۇلەيمەنوۆادان!" – جۋرناليست جالا جاپقاندارعا ەسكەرتتى
قازاقستاندىق الەۋمەتتىك جەلىلەردە وقۋ اعارتۋ ءمينيسترى جۇلدىز سۇلەيمەنوۆانىڭ تۋىسى ورداباسى اۋداندىق ءبىلىم ءبولىمىنىڭ باسشىسى بولىپ تاعايىندالدى دەگەن اقپارات تاراپ، قىزۋ تالقىعا ءتۇستى. الايدا، بۇل مالىمەتتى جوققا شىعارعان بەلگىلى جۋرناليست ءمولدىر نۇرمان، مينيسترگە جانە جاڭا باسشىعا قاتىستى جالا جابۋشىلارعا قاتاڭ ەسكەرتۋ جاسادى.
بۇل تۋرالى Infohub.kz اقپارات اگەنتتىگى حابارلايدى.
جەلىدە الي تولەۋبەك ۇلى ەسىمدى قولدانۋشى گۇلنۇر سۇلەيمەنوۆانىڭ وقۋ اعارتۋ ءمينيسترى جۇلدىز سۇلەيمەنوۆانىڭ قايىنبيكەسى ەكەنىن جازعان بولاتىن. بۇل اقپاراتتى ناقتى تەكسەرمەستەن، مينيسترگە «قىجىلى بارلار» دەرەۋ سىن-پىكىرلەر جاۋدىرا باستادى.
جۋرناليست ءمولدىر نۇرمان بۇل جالا جابۋشىلارعا جاۋاپ بەرىپ، جاڭا باسشىنىڭ مينيسترگە ەشقانداي تۋىستىق قاتىسى جوق ەكەنىن مالىمدەدى. ونىڭ ايتۋىنشا، ەكى ايەل دە ءبىلىم سالاسىنداعى مىقتى ماماندار، ءوز بىلىمىمەن جانە ەڭبەگىمەن جەتىستىككە جەتكەن.
«ەكەۋى دە ادال مامان!»
ءمولدىر نۇرماننىڭ سوزىنشە، گۇلنۇر سۇلەيمەنوۆا ورداباسى اۋدانىنا جاڭادان تاعايىندالعان باسشى رەتىندە بايقاۋدىڭ اشىق ءارى ءادىل ءوتۋىنىڭ ناتيجەسىندە قىزمەتكە كەلگەن. ءبىلىم باسقارماسى دا بۇل بايقاۋدىڭ ءادىل وتكەنىن رەسمي تۇردە راستاعان.
«بىرەۋلەر سياقتى توپ ەتە قالماعان، اركىمگە سۇيەنىپ. ءبىلىم باسقارماسى بايقاۋدىڭ اشىق ءارى ءادىل وتكەنىن، رەسمي مالىمدەگەن. بۇيىرعان كەتپەيدى، جۇگىرگەن جەتپەيدى دەگەن. اشىق بايقاۋدا اشىق جەڭىسكە جەتسە ءوز بىلىمىمەن جەتكەن. پرەزيدەنت تاپسىرماسى – بيلىكتىڭ ءار تارماعى مەن بارلىق سالالاردى ادال ءارى ءادىل ازاماتتارمەن تولىقتىرۋ. تاك چتو ەكەۋى دە ادال مامان! ءبىرىن پرەزيدەنت مينيستر ەتسە، ەكىنشىسىن قۇداي اۋداندىق ءبىلىم بولىمىنە باسشى قىلعان، شۇكىرشىلىك!» – دەپ جازدى جۋرناليست.
«قىزىل بۇرىش سالىپ جىبەرەمىن!»
جۋرناليست سونداي-اق، قىز بالالاردىڭ باعىن قىزعانىپ، ىشتەرى كۇيىپ وتىرعاندارعا اشۋلى لەبىزىن ءبىلدىردى. ول ءتىپتى، «ىشتەرىڭ كۇيسە تۇز جالاڭدار، ەگەر چە ايتىڭدار ءبىر قاپ قىزىل بۇرىش سالىپ جىبەرەمىن!» دەپ اشۋلاندى.
ءمولدىر نۇرمان «بوقبلوگەرلەرگە» دە سوگىس ايتىپ، مەكتەپتەر مەن ءبىلىم بولىمدەرىن «تىمىسكىلەپ»، «شۇقىلاي بەرمەۋگە» شاقىردى. ونىڭ ايتۋىنشا، مەكتەپ – بوپسالايتىن بانك ەمەس، بالالار تاربيەلەنەتىن ورىن. بلوگەرلەردى مەكتەپتەرگە مۇلدە جولاتپاۋ كەرەكتىگىن ايتتى.
«كىم بىلەدى، تەكسەرەمىز دەپ ۋ بەرىپ كەتسە شە، اراسىندا سوتتالعاندارى بالالاردى زورلاپ كەتسە شە، كىم جاۋاپ بەرەدى؟ مەكتەپتەرگە بوق تەرگەن بلوگەرلەردى مۇلدە جولاتپاڭدار، ءبىلىم بولىمدەرىنە دە»، – دەپ قاداپ ايتتى ول.
«سۇلەيمەنوۆالاردان قولدارىڭدى تارت!»
جۋرناليست قورىتىندىلاي كەلە، بارلىق جالا جابۋشىلار مەن ءمينيستردىڭ قىزمەتىنە كوز تىككەندەرگە «سۇلەيمەنوۆالاردان قولدارىڭدى تارت!» دەپ ەسكەرتتى. ونىڭ ايتۋىنشا، ەكى ايەل دە ءبىلىم بەرۋ سالاسىنىڭ مىقتى ماماندارى.
«كىم بىرەۋدى كەتىرۋگە ارەكەت ەتسە، وزدەرى قىزمەتسىز قالادى! بايقاۋدان جەڭىلىپ قالعاندار بولسا دا، ءمينيستردىڭ ەتەگىنەن تارتىپ جاتقاندار بولسا دا قازعان ورلارىنا وزدەرى تۇسەتىنىن ۇمىتپاسىن! مەن پرەزيدەنتتىڭ ادال ازامات پوزيسياسىن قولدايمىن، ارامىلاردى ەمەس، كوكسەگەنى تەك قىزمەت بولعان!» – دەپ جازدى ءمولدىر نۇرمان.
-
ماسشتابنىە رابوتى پو مودەرنيزاسيي ۋچاستكا «اكتوبە – كارابۋتاك – ۋلگايسىن» پرودولجايۋتسيا، ۋلۋچشايا ترانسپورتنۋيۋ دوستۋپنوست رەگيونا.
-
Renowned journalist Moldir Nurman refutes claims of nepotism involving Education Minister Zhuldyz Suleimenova and Gulnur Suleimenova، issuing a stern warning to those spreading misinformation.
