InfoHub Logo

الماتى وبلىسى، رايىمبەك اۋدانى، ساتى اۋىلى
ايتجان تۇركەبايەۆ اتىنداعى ورتا مەكتەپ ءمۇعالىمى

قوس جۇلدىزدى مايدانگەر
سۇرانشييەۆا مەيزامحان
بيىل 2015 جىلى ۇلى وتان سوعىسىنىڭ 75 جىلدىعى. بۇل تەك ايتۋعا عانا وڭاي ەكەنىن بارلىعىمىزعا ايان.. قازاقستاننىڭ جاستارى وسى ۇلى جەڭىستىڭ 70 جىلدىعى قارساڭىندا قارت جاۋىنگەرلەر تۋرالى ەستەلىكتەردى وقىپ، تانىدىق. جاستاردى وتانشىلدىققا تاربيەلەۋىمىز قاجەت، وسى ماقساتتى ءبىرشاما ءىس - شارالار ايتجان تۇركەبايەۆ اتىنداعى ورتا مەكتەپتە دە باستالىپ كەتكەنىنە ءبىرشاما ۋاقىت ءوتتى. ءار سىنىپ وزدەرىنە بەرىلگەن ارداگەرلەردىڭ وتكەن ءومىر جولدارىن قاستەرلەپ، دارىپتەۋمەن قاتار ءار ءتۇرلى كينولاردان ۇزىندىلەر كورىپ وتىردى. قازاقستاننىڭ مىڭداعان جاۋىنگەرلەر ۇلى وتان سوعىسىنا قاتىسىپ، وتان الدىنداعى بورىشتارىن وتەدى. ءبىزدىڭ مەكتەبىمىزدىڭ تورىندە تۇرعان بۇل تاقتاداعى ۇلى وتان سوعىسىنىڭ ارداگەرلەرى ءۇشىن ارنايى بۇرىش ۇيىمداستىرىلعان.

بارشاعا ءمالىم، ۇلى وتان سوعىسى ۇلى جەڭىسپەن اياقتالىپ، سوعىستان سوڭ ەلگە امان ساۋ، كەيبىرى مۇگەدەك بولىپ تا ورالدى. سوعىستان ورالعان جاۋىنگەرلەر ءوز ەلىن - جەرىن، اتا - مەكەندەرىنە قۋانىشپەن قايتىپ كەلدى. امان – ساۋ ورالعان مايدانگەرلەر اۋىل شارۋاشىلىق جۇمىستارىنا بەلسەنە ارالاسىپ كەتتى. ءبىزدىڭ اۋىل كورىكتى قۇت مەكەن جەتىسۋدىڭ تورىندە ورىن العان « كولساي» ماعىنداعى ساتى اۋىلىنان دا ۇلى وتان سوعىسىنا كوپتەگەن ازاماتتار اتتانىپ ەلگە جەڭىسپەن ورالعاندارىنىڭ اراسىندا قوس «قىزىل جۇلدىز» يەگەرى نازاروۆ رىسباي اتامىز تۋرالى سىر شەرتۋدى ءوزىمىزدىڭ بورىشىمىز دەپ بىلەمىز. نازاروۆ رىسباي ساتى اۋىلىندا 1910 جىلى دۇنيەگە كەلگەن.
رىسباي اتامىز جاستايىنان ەڭبەكقور، اقكوڭىلدىگىنىڭ ارقاسىندا جۇمىسقا ەرتە ارالاسادى. كولحوزدىڭ ءارتۇرلى جۇمىستارىنا ارالاسادى. 1941 جىلى نە بارى 21 جاسىندا ءوز بورىشىن وتەۋ ءۇشىن سوعىسقا اتتانادى. بەلارۋسيا، ۋكراينا جەرلەرىندە بارلاۋ روتاسىندا قىزمەت ەتەدى. چەحوسلاۆاكيا، يۋگاسلاۆيا تاعى كوپتەگەن سوسياليستىك جولداعى مەملەكەتتەردى جاۋ قولىنان ازات ەتۋگە قاتىسادى. جاۋ تىلىنان كوپتەگەن تىلدەر اكەلىپ، قۇپيا اقپاراتتار العىزىپ، كوپتەگەن العىس حاتتار الدى. سونىمەن قاتار سوعىستا كورسەتكەن ەرلىكتەرى ءۇشىن بىرنەشە وردەندەر مەن ماراپاتتالعان.
1. وتان سوعىسى قىزىل جۇلدىز وردەنىمەن ەكى رەت ماراپاتتالعان.
2. ەكىنشى دارەجەلى داڭق وردەنىنىڭ يەگەرى.
3. وتان سوعىسى جەڭىسىنىڭ 10، 20، 30، 40 جىلدىق مەرەكەلىك مەدالدارمەن ماراپاتتالعان.
1946 جىلى ۇلى وتان سوعىسىنان اۋىلعا جەڭىسپەن ورالادى. سوعىستان كەيىنگى ومىرىندە جاتپاي – تۇرماي كولحوزدىڭ شارۋاشىلىق جۇمىستارىنا بەلسەنە ارالاسادى. كولحوز پرەدسەداتەلى قىزمەتىن اتقارادى. 1950 - 60 جىلداردا بريگادير، زاۆسكلاد، پرەدسەداتەلگە كومەكشى جۇمىستارىن اتقارادى. اۋىل – شارۋاشىلىق، استىق ونىمدەرىن وندىرۋدە قىرماندا باسشىلىق قىزمەتىن ابىرويمەن اتقارادى. سول قىزمەتتەرىنىڭ ارقاسىندا وبلىس، اۋدان تاراپىنان وردەن – مەدالدارمەن ماراپاتتالادى.

رىسباي نازاروۆ 1990 جىلى 80 - نەن اسقان شاعىندا، ماي ايىندا دۇنيەدەن وتەدى. اتامىزدىڭ ارتىندا قالعان ۇرپاقتارى وسى اۋىلدا ءوسىپ ونۋدە. بابالارىمىزدىڭ زور ەڭبەكتەرىمەن، ەرلىكتەرى بولاشاق ۇرپاققا ۇلگى ونەگە بولىپ، وقۋشىلاردىڭ ەسىندە ماڭگى قالادى. قازاقستان حالقى ءوز تاۋەلسىزدىگىمىزدى، ەگەمەندىگىمىزدى العاننان كەيىن جاس ۇرپاقتى ساپالى ءبىلىم مەن سانالى تاربيە بەرۋ ماقساتىندا جۇمىس جاساپ جۇرگەن ۇستازداردا قانشاما.