فوتو: gov.kz
قوستاناي وبلىستىق دەنساۋلىق ساقتاۋ باسقارماسىنىڭ بۇرىنعى باسشىسى ۇستالدى
قوستاناي وبلىستىق دەنساۋلىق ساقتاۋ باسقارماسىنىڭ بۇرىنعى باسشىسى ۇستالدى
قوستاناي وبلىستىق دەنساۋلىق ساقتاۋ باسقارماسىنىڭ بۇرىنعى باستىعى دانيار جاندايەۆ قاماۋعا الىندى. قوستاناي وبلىسىنىڭ اكىمى قۇمار اقساقالوۆ بۇل وقيعاعا تۇسىنىكتەمە بەردى، دەپ حابارلايدى Infohub.kz.
ەكس-باسشى ءبىر اي بۇرىن عانا جۇمىس ورنى مەن تۇرعىلىقتى جەرىنىڭ وزگەرۋىنە بايلانىستى قىزمەتىنەن كەتكەن. الايدا قۇمار اقساقالوۆ ونىڭ جۇمىستان شىعۋ سەبەبىن اشىق ءتۇسىندىردى.
«دەنساۋلىق ساقتاۋ جۇيەسى جالپى سحەمالار بويىنشا جۇمىس ىستەيدى. ولار مەملەكەتتىك ساتىپ الۋدى وزدەرى رەتتەيدى. جاندايەۆ ءتۇرلى سەبەپتەرمەن جۇمىستان شىعارىلدى. ونىڭ ءبىرى — ساتىپ الۋ سالاسىنداعى كەمشىلىكتەر. ءار مەديسينالىق مەكەمەدەگى باقىلاۋ كەڭەستەرى ءبارىن كورىپ، ەستىپ، ءبىلىپ وتىرۋى كەرەك. ساتىپ الىناتىن جابدىققا قاجەتتىلىك بار-جوعىن ءتۇسىنۋ ماڭىزدى. باقىلاۋ كوپ بولۋى كەرەك»، - دەدى ءوڭىر باسشىسى.
سىبايلاس جەمقورلىققا كۇدىكتى جاندايەۆ استانادا قاماۋعا الىندى.
دانيار جاندايەۆ وبلىستىق دەنساۋلىق ساقتاۋ باسقارماسىنىڭ باسشىسى قىزمەتىنە 2022 جىلدىڭ تامىزىندا تاعايىندالدى. ول بۇعان دەيىن ەكى جىل بويى قوستاناي قالالىق اۋرۋحاناسى باسشىسىنىڭ مىندەتىن اتقارعان.
You Might Also Like
-
پەسكوۆ ترامپتىڭ اتومدىق سۇڭگۋىر قايىقتار جونىندەگى شەشىمىنە تۇسىنىكتەمە بەردى،-دەپ حابارلايدى ينفوحاب.كز.
-
اباي وبلىسىنىڭ بەستەرەك اۋىلىندا بالالاردى كولىگىمەن قاعىپ كەتكەن 55 جاستاعى جۇرگىزۋشى اپاتتان كەيىن ەسىن جوعالتىپ، ادامداردى تاني الماي قالعان، دەپ حابارلايدى Infohub.kz.
