InfoHub Logo

پاۆلوداردا ەكى بالاسىن تەرەزەدەن لاقتىرىپ، كەيىن ءوزى دە سەكىرىپ كەتكەن ايەل تۋرالى ماڭىزدى دەرەك شىقتى

كوپقاباتتى ءۇيدىڭ تەرەزەسىنەن ەكى بالاسىن لاقتىرعان پاۆلودار تۇرعىنى اۋرۋحانادان شىعارىلدى، دەپ حابارلايدى Infohub.kz.
تەرەزەدەن سەكىرگەن 33 جاستاعى ايەلدىڭ جاعدايى جاقسارىپ، اۋرۋحانادان شىقتى. ول 1،5 جانە 7 جاستاعى ەكى ۇلىن بەسىنشى قاباتتىڭ كىرەبەرىس تەرەزەسىنەن لاقتىرىپ جىبەرىپ، كەيىن ءوزى سەكىرگەن ەدى. قايعىلى وقيعا شىلدە ايىندا كوپقاباتتى ءۇيدىڭ اۋلاسىندا ويناپ جۇرگەن مەكتەپ وقۋشىلارىنىڭ كوز الدىندا بولدى. بالالار الدىمەن ايەلدىڭ ۇلكەن ۇلىن تەرەزەدەن يتەرىپ جىبەرگەنىن، سودان كەيىن كىشىسىن لاقتىرعانىن، سوسىن ءوزى سەكىرگەنىن كوردى. تۇرعىندار جەدەل جاردەم شاقىرىپ، ناۋقاستار اۋرۋحاناعا جەتكىزىلدى.

پاۆلودار وبلىسىنىڭ دەنساۋلىق ساقتاۋ باسقارماسى ايەلدىڭ ءبىر جارىم جاستاعى بالاسىنىڭ ءومىرى ءۇشىن كۇرەستى. ءسابي اۋرۋحاناعا جەتكىزىلگەندە كلينيكالىق ءولىم جاعدايىندا بولعان. دارىگەرلەر شۇعىل تۇردە رەانيماسيالىق كومەك كورسەتىپ، كەيىن بالانى جانساقتاۋ بولىمىنە اۋىستىردى. ونىڭ جاعدايى اسا اۋىر، سەبەبى III دارەجەلى جاراقاتتىق شوك تىركەلگەن ەدى. بالا كومادا، باس سۇيەگىنىڭ كولەمدى جاراقاتى، مي مەن ىشكى اعزالاردىڭ زاقىمدانۋى انىقتالعان. وكىنىشكە قاراي، كىشكەنتاي بالا 2 كۇننەن كەيىن اۋرۋحانادا كوز جۇمدى.
ال ايەلدىڭ ۇلكەن ۇلى 14 تامىز كۇنى ەمدەلىپ شىقتى.