قوتىر تاۋىق پەن بالتا
(مىسال)
كۇلگە اۋنادى قوتىر تاۋىق،
قاتقان ابدەن سىلەسى.
ءدۇر سىلكىندى تىراڭداپ،
باسى اينالدى بۇل نەسى؟!
بىرتە-بىرتە كىردى ەسى،
كۇلگە قانشا اۋنادى.
بيت پاتشاعار قالمادى.
-ارسىلداعان يت اناۋ
كىمگە ءتىلىن سالمادى؟
كىمدى ءقاۋىپ المادى؟
ال مەن بولسام...
كىسىگە دە،
مالعا دا
سۇمەڭ قاعىپ جۇرگەنىم،
ىنجىقتىعىم بۇل مەنىڭ.
ء-اي، بالتا،
ۇيدەگى جامان قاتىننىڭ،
بۇتارلايسىڭ وتىنىن.
باس الاتىن قان ءىشىپ...
ء-سۇيىر ءتىلدى، قوتىرىم،
قانعا قۇمار بولماعىن.
بىلەمىن سەنسىز ول جاعىن،-
دەپ ورنىنا قونعان-دى.
ۇيقىدا مازا بولمادى،
قوس قاناتىن قاعىپ ەد،
جاڭا ءبىر ەرمەك تاۋىپ ەد.
ويانىپ كەتىپ بيتتەرى،
اپىر-جۇپىر تالادى.
سول-اق ەكەن قوتىرىڭ.
تارس ايرىلدى تالاعى.
كۋ-كا-رە-كۋ-كۋ،- دەپ
اتەش بولىپ اقىردى.
جامان قاتىن بالتامەن
باسىن الدى اقىرى.
بىلمەگەن ءوز ورىنىن،
تابادى سولاي قورىمىن.
سۇلەيمەن بايازيتوۆ
You Might Also Like
-
كەيبىر تۇلعالار كەرەكتى اقپاراتتاردى جادىندا ساقتاي الماي دال بولادى.بۇل دا ومىرىڭىزگە كەرى اسەرىن تيگىزبەي قويمايتىن كەسەل ەكەنىن ۇمىتپاعانىڭىز ءجون.بويىڭىزداعى وسى دەرتتەن قۇتىلعىڭىز كەلسە، مىنا ك...
-
جاپونيادا Keio ۋنيۆەرسيتەتى شەتەلدىك ستۋدەنتتەرگە ستيپەنديالار ۇسىندى. بۇل تۋرالى بولاشاق باعدارلاماسىنىڭ سايتىندا حابارلاندى.
