InfoHub Logo

ق ر پرەزيدەنتى ءارحيۆى «مۇراعات جانە قوعام: تاۋەلسىزدىك قۇندىلىقتارى» شاراسى اياسىندا 1930 جىلعى اشارشىلىق قۇرباندارىنىڭ مالىمەتتەر بازاسىن جاساماق. بۇل تۋرالى «اشارشىلىق» جوباسىنىڭ تۇجىرىمداماسىن تالقىلاۋ بارىسىندا بەلگىلى بولدى.

كەزدەسۋگە تاريحشىلار: تالاس وماربەكوۆ، قايدار الداجۇمانوۆ، سۆەتلانا سماعۇلوۆا، بەيبىت قويشىبايەۆ، ايجامال قۇدايبەرگەنوۆا، جازۋشى سماعۇل ەلۋبايەۆ قاتىستى. 

شارانىڭ اشىلۋىندا ءسوز سويلەگەن ق ر پرەزيدەنتى ءارحيۆىنىڭ ديرەكتورى بوريس جاپاروۆ قازاقستاننىڭ تاريحىن زەرتتەۋدە اشارشىلىق قۇرباندارىنىڭ بازاسىن قۇرۋ باستى جۇمىس ەكەندىگىن اتاپ ءوتتى.

جوبانى ۇيىمداستىرۋشىلار بۇل جۇمىستى عالىمدار مەن تاريحشىلاردىڭ، مۇراعاتشىلاردىڭ كومەگىنسىز جۇزەگە اسىرۋ مۇمكىن ەمەستىگىن ايتتى.
«90 جىلدارى اكادەميك ماناش قوزىبايەۆتىڭ باستاماسىمەن بۇل باعىتتا ۇشان-تەڭىز جۇمىس اتقارىلدى. كونفەرەنسيا، دوڭگەلەك ۇستەلدەر، عىلىمي زەرتتەۋ جۇمىستارى جاسالدى. مۇراعات باستاماسى قوعام اراسىندا ۇلكەن قولداۋ تۋعىزارى ءسوزسىز. ويتكەنى، بۇل تراگەديا بارلىق قازاقتى شارپىدى. عىلىم سالاسى دا بۇعان جۇمىلا اتسالىسۋى كەرەك»،- دەدى بەيبىت قويشىبايەۆ.

ءوز كەزەگىندە جازۋشى سماعۇل ەلۋبايەۆ اشارشىلىق قۇرباندارىنىڭ سانى دا ناقتى ەمەستىگىن ايتتى. ونىڭ ايتۋىنشا، بۇل تاريحي اقتاڭداقتاردى قالپىنا كەلتىرۋ ءۇشىن تەك زەرتتەۋمەن عانا اينالىسپاي، اشارشىلىق قۇرباندارىنا ەسكەرتكىش ورناتۋ كەرەك.

ايجامال قۇدايبەرگەنوۆانىڭ پايىمداۋىنشا، ورتاق مالىمەتتەر بازاسى قازاق حالقى تاريحىنىڭ زەرتتەلمەي قالعان اقتاڭداقتارىن قايتا جاڭعىرتۋعا سەپتىگىن تيگىزبەك. ول ءۇشىن تەك مەملەكەتتىك ەمەس، جەرگىلىكتى اۋداندىق مۇراعاتتاردا ساقتالعان قۇجاتتاردى زەرتتەۋدى دە قولعا الۋ كەرەك.

وتىرىسقا قاتىسۋشىلار «اشارشىلىق» جوباسىن جۇزەگە اسىرۋ ءۇشىن ارنايى جۇمىس توبىن قۇرۋدى ۇيعاردى. وعان تاريحشىلار مەن مۇراعات قىزمەتكەرلەرى ەنبەك.