قۇمىرسقا
ءبىر قۇمىرسقا ءوز يلەۋىندە توبىنان ءبولىنىپ، سول ماڭداعى ارا، قوڭىز سەكىلدى جاندىكتەرمەن دوس بولىپتى.
جەم ىزدەپ شىققان قۇمىرسقا جول ۇستىنەن ءبىر ءدان تاۋىپ الىپتى. جالعىز ءوزى ارى-بەرى اۋرەلەنىپ، ءداندى ورنىنان قوزعالتا الماپتى. سونان سوڭ كومەك سۇراۋ ءۇشىن الگى قاناتتى دوستارىن ىزدەيدى.
ءبىر ۋاقىتتا گۇلدەن-گۇلگە قونىپ، شىرىن جيناپ جۇرگەن اراعا جولىعادى
– دوسىم، ءبىر ءدان تاۋىپ الىپ ەدىم، جالعىز ءوزىم كوتەرە الماعانىم. ماعان كومەكتەسىپ جىبەرشى، – دەپ وتىنەدى.
– كورمەي تۇرسىڭ با، مەن دە جۇمىس ىستەپ جاتىرمىن عوي، – دەپ، ارا كونبەي قويىپتى. سولايى سولاي عوي، مەيلى دەپ، قۇمىرسقا ءارى ءجۇرىپ كەتىپتى. ول ەندى قوڭىزدى تاۋىپ الادى.
ول ءمان-جايدى ايتىپ، كومەك سۇراپتى.
– سەن ءۇشىن ءوز ەڭبەگىمدى ەش قىلا المايمىن، – دەپ، قوڭىز ىزىڭداپ ۇشىپ كەتە بارادى.
دوستارىنان كۇدەر ۇزگەن قۇمىرسقا مۇڭايىپ قايتىپ كەلە جاتادى. جولدا ءوزىنىڭ يلەۋلەستەرىمەن ۇشىراسىپ قالادى. ولار مۇنىڭ ءتۇرىن كورىپ:
– نە ىستەپ ءجۇرسىڭ؟ – دەپ، ءجونىن سۇرايدى.
جالعىز قۇمىرسقا ءوزىنىڭ باسىنان كەشكەنىن ايتىپ بەرەدى:
– جالعىزدىق دەگەن سول، – دەپ، يلەۋلەستەرى جۇباتادى دا قۇمىرسقانىڭ ءدانىن كوتەرىسىپ، ءارى الىپ كەتەدى. قۇمىرسقا ۇيىرىنە قايتا قوسىلادى.
«جاڭا دوستىڭ ءقادىرى ەسكى دوسقا جەتپەيدى» دەگەن ەكەن سوندا ءبىر كارى قۇمىرسقا.
-
الەم قىزىقتى نارسەلەرگە تولى. ولاردى كورگەن سايىن تاڭ قالاسىڭ، ءومىر قىزىقتى بولادى. تومەندەگى سۋرەتتەردە ءبىز بىلمەيتىن، كورمەگەن نارسەلەر بەينەلەنگەن.
