Photo: Ayazhan (https://www.pexels.com/@ayazhan-3173683) / Pexels
"قىدىكەڭنىڭ بۇلاي اۋىرعانىن كورمەپپىن": قاراقات ءابىلدينانىڭ كونسەرتى نەگە كەيىنگە شەگەرىلدى؟
تانىمال ءانشى قاراقات ءابىلدينا استانادا جوسپارلانعان جەكە شىعارماشىلىق كونسەرتىنىڭ كۇنى اۋىستىرىلعانىن حابارلادى.
بۇل تۋرالى Infohub.kz اقپارات اگەنتتىگى حابارلايدى.
كونسەرتتىڭ كەيىنگە شەگەرىلۋ سەبەبى
ءانشىنىڭ ايتۋىنشا، 20 مامىرعا بەلگىلەنگەن كونسەرتتىڭ دايىندىعى كەزىندە پروديۋسەرى، جۇبايى ءقىدىرالى بولمانوۆ كەنەتتەن قاتتى سىرقاتتانىپ قالعان. "بۇرىن قىدىكەڭنىڭ مۇنداي حالدە اۋىرعانىن كورمەپ ەدىم، قاتتى قورقىپ كەتتىم. دارىگەرلەر جەدەل ارالاسىپ، بۇگىن جاعدايى تۇراقتالدى. الايدا، ماماندار قىدىرالىگە كەم دەگەندە 15 كۇن ەم قابىلداۋ كەرەكتىگىن جانە ساحناعا شىعۋعا بولمايتىنىن ايتتى"، - دەپ جازدى ءانشى الەۋمەتتىك جەلىدەگى پاراقشاسىندا.
جاڭا مەرزىم
قاراقات ءابىلدينا حالىقتىڭ كونسەرتكە دەگەن ىقىلاسى مەن قولداۋىنا العىس ءبىلدىرىپ، جاڭا مەرزىمدى حابارلادى. "ساۋىردەن باستالعان ءان ساپارىمىز وڭاي بولعان جوق. 12 000 شاقىرىم جول ءجۇرىپ، حالىقتىڭ ىستىق ىقىلاسىمەن العا جىلجىپ كەلەمىز. ەندى، باستاعان ءىستىڭ نۇكتەسىن قويامىز دەگەندە، وسىنداي جاعداي بولدى. سول سەبەپتى 20 مامىرعا جوسپارلانعان كونسەرتىمىزدى 18 ماۋسىمعا اۋىستىرۋ تۋرالى شۇعىل شەشىم قابىلدادىق"، - دەدى ءانشى.
-
Forbes Kazakhstan جۋرنالى 2026 جىلعى ەڭ باي بيزنەسمەندەر رەيتينگىن جاڭارتتى. جاڭا تىزىمگە قۇرىلىس، اۆياسيا، ءبىلىم جانە اۋىل شارۋاشىلىعى سالالارىنان التى كاسىپكەر قوسىلدى.
-
Almaty Mayor congratulates renowned writer and public figure Olzhas Suleimenov on his 90th birthday، honoring his significant contributions to literature and society.
