InfoHub Logo

اكتەر تاۋەكەل ءمۇسلىم مارقۇم اكەسىنىڭ باسىنا بارىپ، قۇران باعىشتادى. بۇل تۋرالى ول ءوزىنىڭ الەۋمەتتىك جەلىدەگى پاراقشاسىندا جازدى.

بۇل تۋرالى Infohub.kz اقپارات اگەنتتىگى حابارلايدى.

«شىمكەنت پەن تۇركىستاننىڭ ورتاسىندا تەمىرلان اتتى تاماشا اۋىل بار. سول جەردە مەنىڭ بالالىق شاعىم ءوتتى، اكەممەن بىرگە تۇردىم. ەندى سول اكەمنىڭ باسىنا ءوز بالالارىممەن كەلىپ، قۇران باعىشتاماقشىمىن. جۇنىسبەكوۆ سابىر ءمۇسلىم ۇلى 1995-2010 جج. اكە، جاتقان جەرىڭىز جايلى بولسىن»، - دەپ جازدى اكتەر.

جەلى قولدانۋشىلارىنىڭ پىكىرى

جەلىدەگىلەر اكتەردىڭ بۇل ارەكەتىنە جىلى لەبىزدەرىن ءبىلدىردى. «اكەڭىزدى وڭتۇستىكتىڭ ءبارى جاقسى تانيدى»، «مىقتى كىسى بولعان. جانى ءجانناتتا بولسىن»، «نيەتتەرىڭىز قابىل بولسىن»، - دەپ جازدى ولار.

اكەسى تۋرالى ەستەلىك

ايتا كەتەيىك، سابىر ءمۇسىلىم 90-شى جىلدارى ەل ەگەمەندىك العان كەزەڭدە ساياسات ساحناسىندا كورىنگەن ازاماتتاردىڭ ءبىرى بولعان. سول كەزدە وڭىردەگى جۇمىسسىزدىقتى جويىپ، قىلمىستى ازايتۋعا اتسالىسقان. ونى كەيبىر دەرەكتەردە «قىلمىس الەمىنىڭ سەركەسى» دەپ تە اتايدى.

ول وڭتۇستىك قازاقستان وبلىسىنىڭ تۋماسى، ادىلەتسىزدىكتى جانى سۇيمەگەن، نامىسشىل ازامات رەتىندە سيپاتتالادى. سابىر ءمۇسىلىمنىڭ ادىلدىك جولىنداعى ارەكەتتەرى كەيبىر ورگاندار تاراپىنان زاڭعا قايشى دەپ تانىلعانىمەن، وعان تاعىلعان 9 باپ بويىنشا ايىپتىڭ ەشبىرى دالەلدەنبەگەن. الايدا، پوليسيا كولىگىن ءتىنتۋ كەزىندە تاپقان پىشاق ءۇشىن ونى سۋىق قارۋ ساقتادى دەپ ايىپتاپ، تۇرمەگە قاماعان. تۇرمەدە بەلگىسىز اۋرۋعا شالدىعىپ، كەيىن بوساپ شىققان سوڭ، اۋرۋىنان ايىعا الماي الماتىدا قايتىس بولعان.