Photo: Pixabay (https://www.pexels.com/@pixabay) / Pexels
قىرعىزستاندا ەكس-باسشىنىڭ تۋىسقانى تەرگەۋگە شاقىرىلدى
قىرعىزستاننىڭ ىشكى ىستەر مينيسترلىگى ۇلتتىق قاۋىپسىزدىك مەملەكەتتىك كوميتەتىنىڭ (ۇقك) بۇرىنعى باسشىسى قامشىبەك تاشييەۆتىڭ ءىنىسى، پارلامەنت دەپۋتاتى شايربەك تاشييەۆتى تەرگەۋگە شاقىرۋى ەلدەگى ساياسي جاعدايعا بايلانىستى ەلەڭدەتۋدە.
بۇل تۋرالى جەرگىلىكتى 24.kg پورتالى دەرەككوزدەرگە سىلتەمە جاساپ حابارلادى. شايربەك تاشييەۆتىڭ ۆەدومستۆونىڭ باس تەرگەۋ باسقارماسىندا جاۋاپ بەرىپ جاتقانى ايتىلادى.
الايدا، ىشكى ىستەر مينيسترلىگى بۇل مالىمەتكە قاتىستى ازىرگە رەسمي تۇسىنىكتەمە بەرمەدى. دەپۋتاتتىڭ قانداي قىلمىستىق ءىس بويىنشا جانە قانداي مارتەبەدە (كۋاگەر نەمەسە كۇدىكتى) جاۋاپ بەرىپ جاتقانى بەلگىسىز.
دەرەككوزدەردىڭ حابارلاۋىنشا، شايربەك تاشييەۆ بۇگىن دەپۋتاتتىق مانداتىن تاپسىرۋى ءتيىس. ورتالىق سايلاۋ كوميسسياسىنىڭ وتىرىسىندا وسى ماسەلە قارالۋى مۇمكىن.
ساياسي جاعدايدىڭ وزگەرۋى
بۇل وقيعا قىرعىزستانداعى سوڭعى ساياسي وزگەرىستەر اياسىندا ورىن الىپ وتىر. اقپان ايىندا قىرعىزستان پرەزيدەنتى سادىر جاپاروۆ ءوزىنىڭ جاقىن دوسى ءارى سەنىمدى سەرىگى بولعان قامشىبەك تاشييەۆتى بارلىق قىزمەتىنەن بوساتقان ەدى. رەسمي مالىمەتتە بۇل قادامنىڭ مەملەكەتتىڭ بىرلىگىن نىعايتۋ جانە قوعامداعى، سونىڭ ىشىندە مەملەكەتتىك قۇرىلىمدار اراسىنداعى ىرىتكىنىڭ الدىن الۋ ماقساتىندا جاسالعانى ايتىلعان.
بۇعان دەيىن تاشييەۆتىڭ جاقىن اينالاسىنداعى ادامداردىڭ دەپۋتاتتارعا حابارلاسىپ، ولاردى «گەنەرالدىڭ جاعىنا شىعۋعا» جانە «پرەزيدەنت سايلاۋىن قايتا باستاۋعا» ۇگىتتەگەنى تۋرالى اقپارات تاراعان بولاتىن.
تاشييەۆتىڭ وتستاۆكاسىنان كەيىن ەلدەگى كۇش قۇرىلىمدارىندا ەلەۋلى وزگەرىستەر بولدى. ونىڭ ورىنباسارلارى قىزمەتىنەن بوساتىلىپ، شەكارا قىزمەتى ۇقك قۇرىلىمىنان شىعارىلدى. سونداي-اق، تىكەلەي پرەزيدەنتكە باعىناتىن جاڭا مەملەكەتتىك كۇزەت قىزمەتى قۇرىلدى. پارلامەنت سپيكەرى نۇرلانبەك تۇرعىنبەك ۇلى دا ءوز وكىلەتتىگىن توقتاتتى. كولىك پروكۋراتۋراسىنىڭ باستىعى، تاشييەۆتىڭ جيەنى نۇرعازى ماتيساكوۆ قىزمەتىنەن الىندى. كولىك جانە كوممۋنيكاسيا ءمينيسترى ابساتتار سىرگابايەۆ تا بوساتىلدى. ونى جەرگىلىكتى ب ا ق تاشييەۆتىڭ «وگەي ۇلى» دەپ اتايدى.
-
يزۆەستنايا پوەتەسسا مارفۋگا ايتقوجينا پودەليلاس ۆوسپومينانيامي و سوۆرەمەننيكاح، پوسۆياششاۆشيح ستيحي ۆوسحۆالەنيۋ ەكس-پرەزيدەنتا نۋرسۋلتانا نازاربايەۆا.
-
Shaırbek Tashiev، brother of former National Security Committee head Kamchybek Tashiev and a Member of Parliament، has been called in for questioning، signaling ongoing political changes in Kyrgyzstan.
