قىزىلوردادا كاۋاپشى كافە يەسىنىڭ قولىن شاپقان
قىزىلوردا قالاسىنداعى ءدامحانالاردىڭ بىرىندە جانتۇرشىگەرلىك وقيعا ورىن الدى. كافەنى باسقاراتىن ايەل مەن سول جەردە جۇمىس ىستەيتىن كاۋاپشى اراسىندا جانجال شىعىپ، سوڭى اۋىر دەنە جاراقاتىمەن اياقتالعان.
كۋاگەرلەردىڭ ايتۋىنشا، جانجالعا كاۋاپشىنىڭ جۇمىس ۋاقىتىندا سپيرتتىك ىشىمدىك ءىشىپ، ويىن ويناۋى سەبەپ بولعان. بۇل جاعدايعا نارازى بولعان جۇمىس بەرۋشى ەسكەرتۋ جاساعان كەزدە، اشۋعا بۋلىققان ەر ادام ەت شاباتىن بالتانى الىپ، ءدامحانا يەسىنە شابۋىلداعان. سالدارىنان ايەل ادامنىڭ قول ساۋساقتارى اۋىر جاراقات الىپ، مەديسينالىق كومەككە جۇگىنۋگە ءماجبۇر بولدى.
جابىرلەنۋشىنىڭ ادۆوكاتىنىڭ ايتۋىنشا، كۇدىكتى ءالى كۇنگە دەيىن بوستاندىقتا ءجۇر. قازىرگى ۋاقىتتا قۇقىق قورعاۋ ورگاندارىنا شاعىم ءتۇسىرىلىپ، وقيعانى جان-جاقتى تەرگەۋ جانە كۇدىكتىنى جاۋاپكەرشىلىككە تارتۋ تالاپ ەتىلۋدە.
وقيعا قوعامدا ۇلكەن رەزونانس تۋعىزىپ وتىر. جابىرلەنۋشى تاراپ كىنالى ازاماتتىڭ ءادىل جازالاناتىنىنا ءۇمىت بىلدىرۋدە.
You Might Also Like
-
بانك شوتىڭىزدان ءىرى كولەمدە اقشا اۋدارساڭىز، باقىلاۋعا الىنۋىڭىز مۇمكىن
-
شەرزات پولاتتىڭ وتباسىنا سوتتالۋشىلاردان مورالدىق وتەماقى ءوندىرىلدى
