بانك شوتىڭىزدان ءىرى كولەمدە اقشا اۋدارساڭىز، باقىلاۋعا الىنۋىڭىز مۇمكىن
بانك شوتىڭىزدان ءىرى كولەمدە اقشا اۋدارساڭىز، باقىلاۋعا الىنۋىڭىز مۇمكىن
ەندى ءبىر اي ىشىندە 300 مىڭ تەڭگەدەن كوپ اقشا اۋدارعان ازاماتتار اۆتوماتتى تۇردە قارجى باقىلاۋىنا ءىلىنۋى ىقتيمال. بۇل تۋرالى قارجى ۆيسە-مينيسترى داۋرەن كەڭبەيىل مالىمدەدى.
ءمينيستردىڭ ايتۋىنشا، ەگەر جەكە تۇلعا ءبىر اي ىشىندە ءوز شوتىنان باسقا شوتتارعا ءىرى كولەمدە قاراجات اۋدارسا، بانكتەر بۇل مالىمەتتى قارجى مونيتورينگى اگەنتتىگىنە مىندەتتى تۇردە جەتكىزۋى ءتيىس.
نەنى تەكسەرمەك؟
قارجى مونيتورينگى اگەنتتىگى تومەندەگىدەي دەرەكتەرگە نازار اۋدارادى:
- اۋدارىم سانى مەن جالپى سوماسى
- قاراجات كىمگە جانە قانداي ماقساتتا جونەلتىلگەن
- اقشا يەسىنىڭ تابىس كوزى مەن ونىڭ زاڭدى تۇردە تىركەلۋى
كىمدەرگە اسەرى ءتيۋى مۇمكىن؟
مۇنداي باقىلاۋ، ەڭ الدىمەن:
- ءجيى جانە ءىرى كولەمدە اۋدارىم جاسايتىن جەكە تۇلعالارعا
- ونلاين ساۋدامەن (Instagram، Telegram سەكىلدى پلاتفورمالاردا) اينالىسىپ، ءبىراق رەسمي تىركەلمەگەن ازاماتتارعا قاتىستى جۇرگىزىلەدى.
نە ىستەۋ كەرەك؟
ەگەر تابىس كوزى تۇراقتى بولسا — جەكە كاسىپكەر رەتىندە تىركەلىپ، سالىق تولەۋ قاجەت. ال ەگەر اقشا تەك تۇرمىستىق نەمەسە وتباسىلىق ماقساتتا جىبەرىلسە — الاڭداۋدىڭ قاجەتى جوق، ءبىراق سۇراق تۋىنداعان جاعدايدا تۇسىنىكتەمە بەرۋگە دايىن بولۋ ۇسىنىلادى.
بۇدان بولەك، ءۇش اي ىشىندە 1 ميلليون تەڭگەدەن استام اقشا اۋدارعان ازاماتتار مەملەكەتتىك كىرىستەر كوميتەتىنىڭ دە نازارىنا ىلىگەدى.
You Might Also Like
-
شىمكەنتتە تاۋەلسىز جۋرناليست ءمولدىر نۇرمان 40 ملرد تەڭگەنىڭ جۇمسالۋىنا قاتىستى زەرتتەۋىنەن كەيىن قۋدالاۋعا ۇشىراعانىن ايتتى. بۇل تۋرالى Infohub.kz سايتى جازدى.
-
الماتىداعى نازاربايەۆ زياتكەرلىك مەكتەبىنەن ەمتيحان كەزىندە ەرەجە بۇزعانى جانە ءمۇعالىمدى بالاعاتتاعانى ءۇشىن وقۋشى شىعارىلدى. اتا-انالار تاراپىنان قىسىم كورسەتىلىپ جاتقانى جونىندەگى اقپاراتقا بايلانى...
