راقمەت سىزگە، مەكتەپ! راقمەت سىزگە، ۇستاز!
راقمەت سىزگە، مەكتەپ!
راقمەت سىزگە، ۇستاز!
تۇلەك اتا - اناسىنىڭ العىس تىلەگى
قۇرمەتتى ۇستازدار، تۇلەكتەر جانە اتا - انالار، ەڭ الدىمەن بارلىعىڭىزدى دا بۇگىنگى مەرەكەلى كۇنمەن قۇتتىقتاپ قويۋعا رۇقسات ەتىڭىزدەر!
مىنەكي، اراعا جىلدار لەگىن سالىپ، كەشە عانا ءبۇلدىرشىن بولىپ مەكتەپ تابالدىرىعىن اتتاعان ءبىزدىڭ ۇل - قىزدارىمىزدى جۇيرىك ۋاقىت تۇلەك ەتىپ ۇياسىنان ۇشىرعالى وتىر. مەكتەپ قاشاندا جاقسىلىق پەن ىزگىلىكتىڭ، پاراساتتىلىق پەن رۋحانياتقا تولى ويدىڭ، تانىم مەن تاربيەلى ىستەردىڭ ورداسى بولعان. ءبىزدىڭ پەرزەنتتەرىمىز دە وسىندا وتكىزگەن وقۋشىلىق ومىرلەرىندە وسىنداي ۇلاعاتتى ىستەردىڭ ۇشقىنىن بويىنا ءسىڭىردى، تالىمىمەن جۇرەگىن سۋاردى، بايىپتى باعدارىن باعىت ەتىپ ۇستاندى، ءبىلىم كوكجيەگىن بويىنا دارىتتى. ءبىز ءار ءسات، ءار جىلدار سايىن ولاردىڭ بويىنداعى وسىناۋ ومىرشەڭ وزگەرىستەردى بايقاپ، ولارمەن بىرگە قۋاندىق، بىرگە ماقتاندىق. ەندى ولاردى وزدەرىنىڭ اسىل ۇياسى - مەكتەبى تۇلەك ەتىپ ۇشىرعالى وتىرعان كۇننىڭ دە كۋاسى بولدىق، بويىمىزدى تاعى دا اتا - انا رەتىندە ماقتانىش سەزىمى كەرنەپ وتىر. بۇل ءۇشىن مەكتەپ اناعا مىڭ العىس!
قۇرمەتتى ۇستازدار! ءبىزدىڭ بويىمىزداعى ءوز پەرزەنتتەرىمىزدىڭ قۋانىشىنان تۋىنداپ وتىرعان سەزىمدى سىزدەر جاقسى تۇسىنەسىزدەر. ويتكەنى سىزدەر وسىدان ساناۋلى جىلدار بۇرىن عانا مەكتەپ ەسىگىن اشقان ءبىزدىڭ كوزىمىزدىڭ اعى مەن قاراسىنداي پەرزەنتتەرىمىزدىڭ جاقىن ادامىنا اينالا ءبىلىپ ەدىڭىزدەر. ءبىز سىزدەرگە سەنىم ارتتىق. سىزدەر ءار كەزدە دە ءبىزدىڭ سۇيىكتى ۇل - قىزدارىمىزدىڭ بولاشاعىنا بىزبەن قاتار الاڭدادىڭىزدار، سول بولاشاقتىڭ باستى قارۋى بولىپ تابىلاتىن ءبىلىم اتتى اسىل كۇشتى ولاردىڭ بويىنا ءبۇلدىرشىن كەزىنەن باستاپ سىڭىرە بىلدىڭىزدەر. سىزدەر تاربيە مەن يمان قۇندىلىقتارعا نەگىزدەلمەگەن ءبىلىمنىڭ ءبىرجاقتى دۇنيە بوپ قالارىن جاقسى بىلگەن ەدىڭىزدەر، سوندىقتان دا ولاردىڭ بويىنا ۇنەمى رۋحانيات پەن ىزگىلىكتىڭ، ادامگەرشىلىك پەن ادام بولمىسىنداعى ەڭ اسىل قاسيەت - ىشكى مادەنيەتتىڭ شامشىراعىن جاعۋعا اسىقتىڭىزدار. ولارعا ءوز مەملەكەتى مەن قوعامىن جانە دە عاسىردان عاسىرلارعا جالعاسارلىق باي مادەنيەت قالىپتاستىرعان ءوز ۇلتىن ءسۇيۋدى، قاسيەتتى تاۋەلسىزدىگىن قۇرمەتتەۋدى ۇيرەتە الدىڭىزدار. قۇرمەتتى ۇستازدار، ءبىز وسى جولدا سىزدەرگە ەشقاشان دا وڭاي بولماعاندىعىن جاقسى تۇسىنەمىز. سىزدەر وسى ءبىر قاسيەتتى مىندەتتى ناق وسى زامانعى ولشەۋسىز ىستەرگە تولى، بۇگىنگى جاڭالىعى ءبىر ءسات ۋاقىت وتپەي - اق "ەسكىرىپ" جاتاتىن XXI عاسىر قوعامىندا، جاڭا عاسىر مەكتەبىندە ەڭبەك ەتىپ، اتقارىپ وتىرسىزدار. سىزدەرگە وزدەرىڭىزدەن بۇرىنعى زاماننىڭ تاماشا ۇستازدارى قالىپتاستىرىپ كەتكەن لايىقتى تاجىريبەلەردى ۇيرەنە وتىرىپ، ۋاقىت اعىمىنا جەدەل ىلەسە الۋ مىندەتى جۇكتەلدى. سىزدەر
شىنىندا دا تاماشا ءداستۇر جالعاستىعىن ساقتاي ءبىلىپ، زاماناۋي بىلىممەن قارۋلانۋشىلاردىڭ ءوز قوعامدارىڭىزداعى العاشقى لەگىندە بولا الدىڭىزدار، ءوز عاسىرىڭىزداعى ءبىلىم بەرۋدىڭ سونى تاسىلدەرىن لايىقتى تۇردە بويعا جيناقتادىڭىزدار. سىزدەردىڭ وسىنداي ۇشان - تەڭىز ەڭبەكتەرىڭىز بەن توگىلگەن ماڭداي تەرلەرىڭىز بولاشاقتىڭ قارلىعاشتارى - ءبىزدىڭ سۇيىكتى پەرزەنتتەرىمىز ءۇشىن اتقارىلعاندىعىن ءبىز جاقسى تۇسىنەمىز. وسى ءۇشىن دە سىزدەرگە مىڭ العىس، ۇستاز!
ءبىز، بۇگىنگى اتا - انالار، ءبىر كەزدە ءوزىمىز دە شاكىرت بولدىق. ءومىر جولىمىزدىڭ ءاربىر ساتىندە ءبىلىم العان ىستىق ۇيامىز بەن ارداقتى ۇستازدارىمىز تۋرالى ءوز وتباسىمىزدا وتىرىپ، ءاردايىم دا سىر عىپ بولىسكەن ەدىك. ەندى ءبىزدىڭ بالالارىمىز دا وزدەرىنىڭ اتا - انالارى ءجۇرىپ وتكەن ناق وسى قاسيەتتى دە، ءداستۇرلى جولدىڭ جالعاستىرۋشىسى بولماق. ولار دا وزدەرىنىڭ الداعى ءومىر جولىندا وسىناۋ التىن ۇياسى مەن ءقادىرلى ۇستازدارى جونىندە سان مارتە ساعىنىشقا جانە ماقتانىشقا تولى سەزىممەن ەستەرىنە الاتىن بولادى. ءبىز وسىعان سەنەمىز.
قۇرمەتتى تۇلەكتەر! سەندەر ءبىزدىڭ بالالارىمىزسىڭدار. قازاقتا "اينالايىن" دەگەن قاسيەتتى دە ماعىناعا تولى جاقسى ءسوز بار. وسىناۋ عاجايىپ ءسوزدىڭ ىشىندە ادامي جۇرەكتىڭ بارلىق ىزگىلىگى مەن مەيىرىمى شۇپىلدەپ تۇنىپ تۇرعانداي.
بۇگىنگى قۋانىشتى ساتتە دە وزدەرىڭدى وقىتقان انا مەكتەپتەرىڭ ءوز شاكىرتتەرىنە - تۇلەكتەرىنە ءدال وسىنداي مەيىرىممەن قاراپ تۇرعان سەكىلدى.
ەندى ول ءوزىنىڭ قاسيەتتى قوڭىراۋىن سەندەر ءۇشىن عانا سوڭعى رەت سوقپاق. بۇل – وزدەرىڭ ءۇشىن قاعىلار ەڭ سوڭعى مەكتەپ قوڭىراۋى. وسى سەزىمگە لايىق بولىپ ءومىر سۇرىڭدەر. ءسات - ساپار!
تۇلەك العىسى (العاشقى ۇستازعا)
ءبىلىمنىڭ جيناي بىلسەك بۇگىن ءنارىن،
ۇستازدىڭ ەڭبەگى دەپ ۇعىنعانىم.
العاشقى ۇستاز، ءبىر ءسىزدىڭ ارقاڭىزدا،
بۇل كۇندە شارلاي الساق ءبىلىم باعىن.
ورنىعىپ سىزدەن ۇلگى ساناعا نىق،
سول ءتالىم بويدان جولىن تابادى انىق.
قانداي ءبىر قۇرمەتكە دە لايىقسىز،
جاتسا ەگەر ەڭبەگىڭىز باعالانىپ.
ءبۇلدىرشىن تاربيەسى - تابىسىڭىز،
بۇگىن دە قارىزدارمىز ءبارى ءۇشىن ءبىز.
شاكىرتتەن العىس الىپ قاشاندا دا،
جەمىستى بولا بەرسىن ءار ءىسىڭىز!
سىنىپ جەتەكشى ۇستازدارعا
شاكىرت ءار كەز باعامدار،
ۇلاعاتىن ۇعىپ مىڭ.
اتا - اناڭداي الاڭدار
جەتەكشىسى سىنىپتىڭ.
اقىلىمەن قىر استىم،
ەڭبەگى انىق ءبىلىندى.
نامىسى ءۇشىن كلاستىڭ
بىزبەن بىرگە جۇگىردى.
سونى بويعا مۇرا عىپ،
تاربيەگە يلاندىق.
سىزبەن بىرگە قۋانىپ،
ساتسىزدىككە قينالدىق.
قيىندىققا بول دايىن،
دەيسىز جولعا قوسار دا.
ەڭبەگىڭىز ءاردايىم
جانا بەرسىن قاشاندا!
اۆتورى:
عابيدەن قوجاحمەت،
قىزىلوردا قالاسى
راقمەت سىزگە، ۇستاز!
تۇلەك اتا - اناسىنىڭ العىس تىلەگى
قۇرمەتتى ۇستازدار، تۇلەكتەر جانە اتا - انالار، ەڭ الدىمەن بارلىعىڭىزدى دا بۇگىنگى مەرەكەلى كۇنمەن قۇتتىقتاپ قويۋعا رۇقسات ەتىڭىزدەر!
مىنەكي، اراعا جىلدار لەگىن سالىپ، كەشە عانا ءبۇلدىرشىن بولىپ مەكتەپ تابالدىرىعىن اتتاعان ءبىزدىڭ ۇل - قىزدارىمىزدى جۇيرىك ۋاقىت تۇلەك ەتىپ ۇياسىنان ۇشىرعالى وتىر. مەكتەپ قاشاندا جاقسىلىق پەن ىزگىلىكتىڭ، پاراساتتىلىق پەن رۋحانياتقا تولى ويدىڭ، تانىم مەن تاربيەلى ىستەردىڭ ورداسى بولعان. ءبىزدىڭ پەرزەنتتەرىمىز دە وسىندا وتكىزگەن وقۋشىلىق ومىرلەرىندە وسىنداي ۇلاعاتتى ىستەردىڭ ۇشقىنىن بويىنا ءسىڭىردى، تالىمىمەن جۇرەگىن سۋاردى، بايىپتى باعدارىن باعىت ەتىپ ۇستاندى، ءبىلىم كوكجيەگىن بويىنا دارىتتى. ءبىز ءار ءسات، ءار جىلدار سايىن ولاردىڭ بويىنداعى وسىناۋ ومىرشەڭ وزگەرىستەردى بايقاپ، ولارمەن بىرگە قۋاندىق، بىرگە ماقتاندىق. ەندى ولاردى وزدەرىنىڭ اسىل ۇياسى - مەكتەبى تۇلەك ەتىپ ۇشىرعالى وتىرعان كۇننىڭ دە كۋاسى بولدىق، بويىمىزدى تاعى دا اتا - انا رەتىندە ماقتانىش سەزىمى كەرنەپ وتىر. بۇل ءۇشىن مەكتەپ اناعا مىڭ العىس!
قۇرمەتتى ۇستازدار! ءبىزدىڭ بويىمىزداعى ءوز پەرزەنتتەرىمىزدىڭ قۋانىشىنان تۋىنداپ وتىرعان سەزىمدى سىزدەر جاقسى تۇسىنەسىزدەر. ويتكەنى سىزدەر وسىدان ساناۋلى جىلدار بۇرىن عانا مەكتەپ ەسىگىن اشقان ءبىزدىڭ كوزىمىزدىڭ اعى مەن قاراسىنداي پەرزەنتتەرىمىزدىڭ جاقىن ادامىنا اينالا ءبىلىپ ەدىڭىزدەر. ءبىز سىزدەرگە سەنىم ارتتىق. سىزدەر ءار كەزدە دە ءبىزدىڭ سۇيىكتى ۇل - قىزدارىمىزدىڭ بولاشاعىنا بىزبەن قاتار الاڭدادىڭىزدار، سول بولاشاقتىڭ باستى قارۋى بولىپ تابىلاتىن ءبىلىم اتتى اسىل كۇشتى ولاردىڭ بويىنا ءبۇلدىرشىن كەزىنەن باستاپ سىڭىرە بىلدىڭىزدەر. سىزدەر تاربيە مەن يمان قۇندىلىقتارعا نەگىزدەلمەگەن ءبىلىمنىڭ ءبىرجاقتى دۇنيە بوپ قالارىن جاقسى بىلگەن ەدىڭىزدەر، سوندىقتان دا ولاردىڭ بويىنا ۇنەمى رۋحانيات پەن ىزگىلىكتىڭ، ادامگەرشىلىك پەن ادام بولمىسىنداعى ەڭ اسىل قاسيەت - ىشكى مادەنيەتتىڭ شامشىراعىن جاعۋعا اسىقتىڭىزدار. ولارعا ءوز مەملەكەتى مەن قوعامىن جانە دە عاسىردان عاسىرلارعا جالعاسارلىق باي مادەنيەت قالىپتاستىرعان ءوز ۇلتىن ءسۇيۋدى، قاسيەتتى تاۋەلسىزدىگىن قۇرمەتتەۋدى ۇيرەتە الدىڭىزدار. قۇرمەتتى ۇستازدار، ءبىز وسى جولدا سىزدەرگە ەشقاشان دا وڭاي بولماعاندىعىن جاقسى تۇسىنەمىز. سىزدەر وسى ءبىر قاسيەتتى مىندەتتى ناق وسى زامانعى ولشەۋسىز ىستەرگە تولى، بۇگىنگى جاڭالىعى ءبىر ءسات ۋاقىت وتپەي - اق "ەسكىرىپ" جاتاتىن XXI عاسىر قوعامىندا، جاڭا عاسىر مەكتەبىندە ەڭبەك ەتىپ، اتقارىپ وتىرسىزدار. سىزدەرگە وزدەرىڭىزدەن بۇرىنعى زاماننىڭ تاماشا ۇستازدارى قالىپتاستىرىپ كەتكەن لايىقتى تاجىريبەلەردى ۇيرەنە وتىرىپ، ۋاقىت اعىمىنا جەدەل ىلەسە الۋ مىندەتى جۇكتەلدى. سىزدەر
شىنىندا دا تاماشا ءداستۇر جالعاستىعىن ساقتاي ءبىلىپ، زاماناۋي بىلىممەن قارۋلانۋشىلاردىڭ ءوز قوعامدارىڭىزداعى العاشقى لەگىندە بولا الدىڭىزدار، ءوز عاسىرىڭىزداعى ءبىلىم بەرۋدىڭ سونى تاسىلدەرىن لايىقتى تۇردە بويعا جيناقتادىڭىزدار. سىزدەردىڭ وسىنداي ۇشان - تەڭىز ەڭبەكتەرىڭىز بەن توگىلگەن ماڭداي تەرلەرىڭىز بولاشاقتىڭ قارلىعاشتارى - ءبىزدىڭ سۇيىكتى پەرزەنتتەرىمىز ءۇشىن اتقارىلعاندىعىن ءبىز جاقسى تۇسىنەمىز. وسى ءۇشىن دە سىزدەرگە مىڭ العىس، ۇستاز!
ءبىز، بۇگىنگى اتا - انالار، ءبىر كەزدە ءوزىمىز دە شاكىرت بولدىق. ءومىر جولىمىزدىڭ ءاربىر ساتىندە ءبىلىم العان ىستىق ۇيامىز بەن ارداقتى ۇستازدارىمىز تۋرالى ءوز وتباسىمىزدا وتىرىپ، ءاردايىم دا سىر عىپ بولىسكەن ەدىك. ەندى ءبىزدىڭ بالالارىمىز دا وزدەرىنىڭ اتا - انالارى ءجۇرىپ وتكەن ناق وسى قاسيەتتى دە، ءداستۇرلى جولدىڭ جالعاستىرۋشىسى بولماق. ولار دا وزدەرىنىڭ الداعى ءومىر جولىندا وسىناۋ التىن ۇياسى مەن ءقادىرلى ۇستازدارى جونىندە سان مارتە ساعىنىشقا جانە ماقتانىشقا تولى سەزىممەن ەستەرىنە الاتىن بولادى. ءبىز وسىعان سەنەمىز.
قۇرمەتتى تۇلەكتەر! سەندەر ءبىزدىڭ بالالارىمىزسىڭدار. قازاقتا "اينالايىن" دەگەن قاسيەتتى دە ماعىناعا تولى جاقسى ءسوز بار. وسىناۋ عاجايىپ ءسوزدىڭ ىشىندە ادامي جۇرەكتىڭ بارلىق ىزگىلىگى مەن مەيىرىمى شۇپىلدەپ تۇنىپ تۇرعانداي.
بۇگىنگى قۋانىشتى ساتتە دە وزدەرىڭدى وقىتقان انا مەكتەپتەرىڭ ءوز شاكىرتتەرىنە - تۇلەكتەرىنە ءدال وسىنداي مەيىرىممەن قاراپ تۇرعان سەكىلدى.
ەندى ول ءوزىنىڭ قاسيەتتى قوڭىراۋىن سەندەر ءۇشىن عانا سوڭعى رەت سوقپاق. بۇل – وزدەرىڭ ءۇشىن قاعىلار ەڭ سوڭعى مەكتەپ قوڭىراۋى. وسى سەزىمگە لايىق بولىپ ءومىر سۇرىڭدەر. ءسات - ساپار!
تۇلەك العىسى (العاشقى ۇستازعا)
ءبىلىمنىڭ جيناي بىلسەك بۇگىن ءنارىن،
ۇستازدىڭ ەڭبەگى دەپ ۇعىنعانىم.
العاشقى ۇستاز، ءبىر ءسىزدىڭ ارقاڭىزدا،
بۇل كۇندە شارلاي الساق ءبىلىم باعىن.
ورنىعىپ سىزدەن ۇلگى ساناعا نىق،
سول ءتالىم بويدان جولىن تابادى انىق.
قانداي ءبىر قۇرمەتكە دە لايىقسىز،
جاتسا ەگەر ەڭبەگىڭىز باعالانىپ.
ءبۇلدىرشىن تاربيەسى - تابىسىڭىز،
بۇگىن دە قارىزدارمىز ءبارى ءۇشىن ءبىز.
شاكىرتتەن العىس الىپ قاشاندا دا،
جەمىستى بولا بەرسىن ءار ءىسىڭىز!
سىنىپ جەتەكشى ۇستازدارعا
شاكىرت ءار كەز باعامدار،
ۇلاعاتىن ۇعىپ مىڭ.
اتا - اناڭداي الاڭدار
جەتەكشىسى سىنىپتىڭ.
اقىلىمەن قىر استىم،
ەڭبەگى انىق ءبىلىندى.
نامىسى ءۇشىن كلاستىڭ
بىزبەن بىرگە جۇگىردى.
سونى بويعا مۇرا عىپ،
تاربيەگە يلاندىق.
سىزبەن بىرگە قۋانىپ،
ساتسىزدىككە قينالدىق.
قيىندىققا بول دايىن،
دەيسىز جولعا قوسار دا.
ەڭبەگىڭىز ءاردايىم
جانا بەرسىن قاشاندا!
اۆتورى:
عابيدەن قوجاحمەت،
قىزىلوردا قالاسى
You Might Also Like
