instagram.com/mangystau_audany
رەسەي مەن ازەربايجان AZAL ۇشاعىنىڭ قۇلاۋى بويىنشا بىرلەسكەن مالىمدەمە جاسادى
رەسەي مەن ازەربايجاننىڭ سىرتقى ىستەر مينيسترلىكتەرى 2024 جىلعى جەلتوقساندا اقتاۋ ماڭىندا بولعان AZAL اۋە كومپانياسىنىڭ Embraer 190 ۇشاعىنىڭ اپاتقا ۇشىراۋىنا بايلانىستى تۋىنداعان ماسەلەلەردى رەتتەۋ تۋرالى بىرلەسكەن مالىمدەمە تاراتتى. بۇل تۋرالى Infohub.kz اقپارات اگەنتتىگى حابارلايدى.
ەكى ەل پرەزيدەنتتەرىنىڭ 2025 جىلعى 9 قازاندا دۋشانبەدە قول جەتكىزگەن كەلىسىمدەرىنە سايكەس، تاراپتار ۇشاق اپاتىنىڭ سالدارىن، سونىڭ ىشىندە وتەماقى تولەۋ ماسەلەسىن ءتيىستى دەڭگەيدە رەتتەۋگە كەلىستى.
مالىمدەمەدە AZAL اۋە كومپانياسىنىڭ Embraer 190 ۇشاعىنىڭ قۇلاۋ سەبەبى رەسەي فەدەراسياسىنىڭ اۋە كەڭىستىگىندەگى ققس جۇيەسىنىڭ كەزدەيسوق ارەكەتى بولعانى ايتىلعان.
ىنتىماقتاستىقتى نىعايتۋ
«قابىلدانعان شارالار وداقتاستىق ءوزارا ءىس-قيمىل اياسىندا ءتيىمدى ىنتىماقتاستىقتى ودان ءارى قۇرۋعا دەگەن ەكىجاقتى ۇمتىلىستى راستايدى. ءوزارا قۇرمەت، سەنىم جانە تاراپتاردىڭ مۇددەلەرىن ەسكەرۋ نەگىزىندە رەسەيلىك-ازەربايجاندىق بايلانىستاردىڭ ۇدەمەلى دامۋىنا سەنىم بىلدىرەمىز. بۇل ەكى مەملەكەتتىڭ حالىقتارىنىڭ مۇددەسى ءۇشىن تاتۋ كورشىلىك قارىم-قاتىناستاردى نىعايتۋعا جانە ىنتىماقتاستىقتى كەڭەيتۋگە ىقپال ەتەتىنىنە سەنىمدىمىز»، - دەلىنگەن بىرلەسكەن مالىمدەمەدە.
تاراپتار اۋە كەمەسى اپاتىنان قازا تاپقانداردىڭ تۋىستارى مەن جاقىندارىنا جانە وسى قايعىلى وقيعادان زارداپ شەككەندەردىڭ بارلىعىنا تاعى دا كوڭىل ايتتى.
اپاتتىڭ ءمان-جايى
2024 جىلعى 25 جەلتوقساندا اقتاۋ ماڭىندا باكۋ – گروزنىي باعىتىنداعى جولاۋشىلار ۇشاعى اپاتقا ۇشىرادى. اپات سالدارىنان 38 ادام قازا تاۋىپ، 29 ادام ءتۇرلى دارەجەدەگى جاراقات الدى.
-
Kazakhstan's financial watchdog has confirmed irregularities in major banks but will not disclose names or specific details of a probe into a $15 billion transaction.
-
Russia and Azerbaijan have reached an agreement to resolve issues stemming from the AZAL Embraer 190 crash near Aktau in December 2024.
