InfoHub Logo

كەزىندە جۇڭگو عۇلاماسى كونفۋسيي: «حالىقتى دامۋدىڭ بۇرىن-سوڭدى بولماعان قۋاتتى جولىنا تۇسىرگەن، تاريحتا ءتالىم قالدىرعان تۇلعالاردى ومىردەن ءوزىنىڭ ورنىن تاپقان ادام»،–دەپ تۇجىرىم جاساعان ەكەن.

ەلباسىمىزدىڭ «رۋحاني جاڭعىرۋعا» شاقىرۋى ەلىمىزدىڭ كەلەلى كەلەشەگىنە باعىتتالعان، حالىقتىڭ جارقىن بولاشاعىنىڭ باعدارلاماسى ىسپەتتەس. كەلەشەكتە حالقىمىزعا الەمدىك دامۋدىڭ داڭعىل جولىن ايقىن كورسەتىپ، كەلەر بەلەستەردى جاڭارعان سانامەن باعىندىرۋعا ۇندەيدى. ادامزات جايلى ادامي ىزگى قاسيەتتەردىڭ بيىگىنەن كورىنگەن ادام عانا تاريحپەن بۇگىندى، بۇگىنمەن ەرتەڭدى رۋحاني ساباقتاستىرىپ بولاشاققا باعدار جاسايتىنى بەلگىلى. كەزىندە گەراكليت ادامزاتتىڭ  ءۇش تىرەگىن: وي بىرلىگى، سەزىم بىرلىگى، ەرىك بىرلىگىن كورسەتكەن. وي بىرلىگى – رۋحاني تابىسۋ، سەزىم بىرلىگى – ءدىني ۇستانىمداردى قۇرمەتتەۋ، ەرىك بىرلىگى – مىندەتسىز قىزمەت دەگەن ەكەن. ەلباسىنىڭ رۋحاني جاڭعىرۋعا دەگەن كوزقاراسى وزىندىك جاڭا فورماتتاعى بۇگىنگى تاڭداعى ەرەكشە قۇندىلىققا تولى قۇندى ويلار قورى بولىپ وتىرعانى بەلگىلى. ەلباسىمىز جاھانعا تۇبەگەيلى جاڭعىرۋ جوسپارىن ۇسىندى سونىمەن قاتار، قوعامدىق سانانى، تانىمدى رۋحاني جاڭعىرۋ ارقىلى وزگەرتۋگە باعدار بەردى. بۇل رۋحى السىرەگەن، ويى شاشىراعان، قالتارىستان جول تاپپاعان تالايلاردىڭ ساناسىنا جارق ەتكەن ساۋلە ءتۇسىردى، ومىرگە جاڭا ءبىر كوزقاراس قالىپتاستىرىپ، قۋات بەرەر رۋحاني قازىنانىڭ قاينار كوزى دەپ بىلەمىن.

قازىرگى تاڭداعى كۇن ساناپ بولىپ جاتقان وزگەرىستەر الەمىندە ءومىر ءسۇرۋ، الدىڭعى قاتارلى وتىز ەلدىڭ ورتاسىنان ورىن الۋ ءۇشىن الدىمەن رۋحاني جاڭعىرۋ قاجەت. رۋح بيىكتىگى سانامەن ساباقتاسىپ تۇلعانى كەمەلدەندىرۋدىڭ بەرىك دىڭگەگى بولىپ تابىلادى. جاڭا تاريحي كەزەڭ قارساڭىندا رۋحاني جاڭارۋ – ۇلت ساناسىنىڭ جاڭعىرۋىن جۇزەگە اسىرۋدى كوزدەيدى. جاڭا داۋىردە زامان تالابىنا يكەمدەلۋ، جاڭا قوعامنىڭ جاعىمدى جاقتارىن سانامىزعا سىڭىرۋگە نەگىزدەلەدى. سانالى تۇردە جاڭعىرۋ وتكەن تاريحىمىزعا، داستۇرلەرىمىزگە سىن تۇرعىسىندا سىناپ قاراماي، زاماننىڭ سىناعىنان، تاريحتىڭ تالقىسىنان وتكەن وزىق تاجىريبەمىزدىڭ جالعاسىن تابۋ دەگەن ءسوز. سونىمەن قاتار، ول رۋحاني سانالى تۇردەگى جاڭعىرۋدىڭ قاينار كوزىنە اينالىپ، دامۋدىڭ ارناسىن تاسىتىپ، اۋقىمىن كەڭەيتۋدە ءتيىمدى قولدانىلۋى شارت. ۇلتتىڭ رۋحاني جاڭعىرۋى ۇلتتىق سانانىڭ وزىندىك قالىپتاسقان قۇدىرەتىمەن بايلانىستىلىعىندا جانە حالقىمىزدىڭ ومىرلىك تاجىريبەسى قيىن-قىستاۋ ساتتەردەن اقىل پاراساتىمەن، ۇلتتىق قۇندىلىعىمەن جول تاۋىپ، كەلەر كۇنگە سەنىممەن نىق قادام باسىپ العا ۇمتىلا بىلەتىن قاسيەتىمەن قاشاندا ءقادىرلى.

رۋحاني جاڭعىرۋ تامىرىن تەرەڭگە جايعان تاريحىمىزدىڭ، بۇگىنگى ءومىر سالتىمىزدىڭ، جارقىن بولاشاعىمىزدىڭ ءوزارا ساباقتاسىپ ءبىر ارنادا توعىسۋىنان تۋىنداعان ۇلتتىق سانامىزدىڭ رۋحاني ۇيلەسىمىنىڭ كەپىلى. سانا اشىقتىعى جاستارىمىزدى دۇنيەنىڭ ءار تارابىندا ويىپ ورنىن تابۋعا باعىتتايدى. قوعام سۇرانىسى كۇن ساناپ ءوسىپ، وزگەرىپ وتىرعان زاماندا «سەن دە ءبىر كىرپىش دۇنيەگە تەتىگىن تاپ تا بار قالان» دەپ عۇلاما اباي ايتقانداي، ەلباسىمىز جاڭا زاماندا جاڭا تالاپتارعا ساي بولىپ الەمدەگى الدىڭعى قاتارلى ەل بولۋدىڭ ءبىر شارتى – جاستاردىڭ بىلىمدىلىگى، بىلىكتىلىگى مەن ىسكەرلىگىندە ەكەنىن ايقىن كورسەتكەن. ءبىر سوزىندە ەلباسىمىز «ءقازىر بوي جارىستىراتىن كەز ەمەس وي جارىستىراتىن كەزەڭ» دەگەن بولاتىن.

ول ءۇشىن سانالى تۇردە رۋحاني جاڭعىرۋدىڭ ورنى ەرەكشە ەكەنىن تاعى ايتقىمىز كەلەدى. ۇلتتىق سانانىڭ كەمەلدەنۋى ۇلت رەتىندەگى جاڭعىرۋدىڭ كەپىلى بولاتىن ۇلتتىق سانا-سەزىمدى، تاريحىمىزدى قاستەرلەي وتىرىپ، قۇندىلىقتاردىڭ نەگىزىندە ونى كەمەلدەندىرۋدىڭ باعدارى. ۇلتتىق بولمىس ساقتالعاندا عانا جاڭعىرۋ جۇزەگە اسادى. دەمەك، رۋحاني جاڭعىرۋدىڭ ءار باعىتىندا پسيحولوگيالىق استار جاتىر.
ايتىلعان جايتتاردى جۇزەگە اسىرۋدا زامانداستارىمىزدىڭ ومىرگە دەگەن تۇلعالىق باعىتتىلىعى، تانۋعا دەگەن تانىمدىق جۇيەسى، ساراپتاۋعا سالار ساناسى جاتىر ەمەس پە؟ ولاي بولسا، رۋحاني جاڭعىرۋ ادامنىڭ جان دۇنيەسىنەن ورىن الىپ، ساناسىندا ورنىعۋى شارت.

ساتانوۆا ن.ج.

قاراعاندى مەملەكەتتىك تەحنيكالىق

ۋنيۆەرسيتەتىنىڭ 1-كۋرس ستۋدەنتى

وبى: ە-18-2

جەتەكشىسى: اۋباكيروۆ ە.ج.

---