InfoHub Logo

ادام ءومىردى قالاي قابىلداسا،سولاي ءومىر سۇرەدى. ادامنىڭ ءومىر ءسۇرۋ دەڭگەيىنە قاراپ، ويلاۋ دەڭگەيىن بىلۋگە بولادى. مىنا الەمدە قانشا ادام ءومىر سۇرسە، سونشا كوزقاراس، سونشا پىكىر بار. جانە اركىم ءوز ويىمەن ءومىر سۇرەدى.
"قاتە پىكىر بولمايدى. تەك ءبىزدىڭ پىكىرلەرىمىزبەن سايكەس كەلمەيتىن پىكىرلەر بار" دەگەندەي ءبىز ەشكىمنىڭ پىكىرىن قاتە دەپ جوققا شىعارا المايمىز. جانە بارلىق پىكىردى دە دۇرىس دەپ ايتۋعا بولمايدى. قاتە پىكىرلەر جوق ءبىراق ورىنسىز پىكىرلەر بار. سەبەبى دۇنيەدە ميللياردتاعان ادام بولسا سونىڭ ءبارى بىردەي دانىشپان ەمەس قوي. ءبىراق بارىنىڭدە ساناسى بار. ءيا ءمىنسىز ادام بولمايدى. كەمشىلىكسىز بولماساق تا،سول بويىمىزداعى كەم نارسەنى تولىقتىرىپ، دۇنيەگە ادام بولىپ كەلگەنەن سوڭ ادام بولىپ كەتۋگە تىرىسۋ كەرەكپىز! وسى دەڭگەيدە بولاتىنداي ويلاۋ دارەجەمىز بولۋ كەرەك.
اللا بىزگە وزگە تىرشىلىك يەلەرىنەن ارتىقشىلىق ەتىپ سانا مەن سەزىمدى بەردى. ءبىراق سوڭعى كەزدەرى سانامىزدىڭ ساپاسى تومەندەپ بارا جاتقانداي. تىم تاياز ويلانامىز! قوعامداعى قاتىگەزدىك پەن قاتەلىكتەر مىنە وسى ساپاسىز سانانىڭ كورىنىسى. رۋحاني سانانىڭ رۋحىنىڭ تومەندىگى!
نەگىزگى ايتار ويىم:
اللا بەرگەن سانانى بيىگىنە شىعارا الماساق حايۋاننان ايىرماشىلىعىمىزدىڭ جوق بولعانى. ەشكىم ءوزىن حايۋانمەن تەڭەستىرگەنىن قالامايدى عوي. ەندەشە رۋحاني سانامىزدىڭ ساپاسى ادام دەگەن اتقا لايىق بولعانى ءجون.

---