InfoHub Logo

باقىت دەگەن...
باقىتتىڭ ناقتى تەورياسى جوق. بولعاندا ەمەس، بولمايدى دا! سەبەبى باقىتتى اركىم وزىنشە باعالايدى. بىرەۋلەرگە باقىت - دەنساۋلىق، بىرەۋلەرگە - مانساپ، بىرەۋلەرگە - اقشا، بىرەۋلەرگە - وتباسى. ال كەيبىرەۋلەر ءۇشىن ءومىردىڭ ءوزى باقىت. ايتەۋىر اركىمنىڭ ءوز تۇسىنىگى بار.
مەنىڭ ويىمشا مانساپ، اقشا، ماتەريالدىق بايلىق ەشقاشان باقىت بولا المايدى. مۇمكىن بىرەۋلەر ءۇشىن باقىت شىعار. ءبىراق بۇل ءتاننىڭ قالاۋى. ال شىن باقىت جاننىڭ قالاۋىن قاناعاتتاندىرسا كەرەك!
باقىتتىڭ باعاسى بايلىقپەن ولشەنبەسە ەكەن! سەبەبى اقشانىڭ ارتىنان قۋىپ اداسقاندار قانشاما. ياعني اقشا باقىتقا باستار جول ەمەس، كەرىسىنشە قايعىعا اكەپ سوقتىراتىن قارا جول!
ءبىزدىڭ جانىمىز مەيىرىمدىلىك پەن ماحابباتتى قالايدى. ال ءبىز مەيىرىمدىلىك پەن ماحابباتتى اتا - انامىزدىڭ سۇيىسپەنشىلىگىمەن وتباسىمىزداعى جىلۋلىق ارقىلى سەزىنەمىز. دەمەك، شىن باقىت ول ءبىزدىڭ اتا - انامىز، وتباسىمىز.
ءبىزدىڭ جانىمىز ىزگىلىك پەن ىزەتتىلىكتى جاقسى كورەدى. ءبىز ىزگى ىستەر جاساۋ ارقىلى بىرەۋلەردى قۋانتا الساق، ءبىزدىڭ جان دۇنيەمىز ەكى ەسە قۋانارى ءسوزسىز. ياعني، جاقسىلىقتى جاساي الۋدىڭ ءوزى باقىت!
جالپى باقىت ءبىزدىڭ بولاشاعىمىز، ارمانىمىز، ءاربىر كۇنىمىز، اتا-انامىز، وتباسىمىز، ءومىرىمىز.
ايتا بەرسەك باقىتقا بارلىعىن سىيدىرۋعا بولادى. ءبىراق ءبىر سويلەممەن قورىتىندىلاسام باقىت مۇقاعالي ماقاتايەۆ اتامىز ايتقانداي باقىتسىز - اق باقىتتى بوپ جۇرگەنىمىز!!!

---