"RYSKULOV CUP - 2022" اتتى اۋدان جاستارى اراسىندا كىشى فۋتبولدان جارىس وتكىزىلدى
"جامبىل وبلىسى تۇرار رىسقۇلوۆ اۋدانى اكىمدىگىنىڭ ىشكى ساياسات ءبولىمى" كوممۋنالدىق مەملەكەتتىك مەكەمەسى مەن «جامبىل وبلىسى «قازاقستان ستۋدەنتتەرىنىڭ اليانسى» جاستار قوعامدىق بىرلەستىگىنىڭ ۇيىمداستىرۋىمەن «جاستار اراسىندا قازاقستاندىق ءپاتريوتيزمدى ناسيحاتتاۋ، ۇلتتىق قۇندىلىقتاردى ساقتاۋعا باعىتتالعان ءىس-شارالاردى ۇيىمداستىرۋ» الەۋمەتتىك جوباسىنىڭ اياسىندا 6-قازان كۇنى قۇلان اۋىلدىق وكرۋگى، سپورت كەشەنىندە "RYSKULOV CUP - 2022" اتتى اۋدان جاستارى اراسىندا كىشى فۋتبولدان جارىس وتكىزىلدى.
شارانىڭ نەگىزگى ماقساتى - جاستار اراسىندا سالاۋاتتى ءومىر سالتىن ناسيحاتتاۋ، سپورتپەن اينالىسۋعا ىنتالاندىرۋ مەن بوس ۋاقىتتارىن ءتيىمدى پايدالانۋ بولىپ تابىلادى.
جارىستىڭ اشىلۋ سالتاناتىنا تۇرار رىسقۇلوۆ اۋدانى اكىمىنىڭ ورىنباسارى الىبەك تەرلىكبايەۆ قاتىسىپ، جارىسقا قاتىسۋشى جاستارعا ساتتىلىك تىلەدى.
جارىسقا 10 كوماندا قاتىسىپ، جۇلدەلى ورىن العان كوماندالارعا باعالى سىيلىقتار مەن ديپلومدارمەن ماراپاتتالدى.
جارىس قورىتىندىسى بويىنشا:
1-ورىن – لۋگوۆوي اۋىلدىق وكرۋگى؛
2-ورىن – قۇلان اۋىلدىق وكرۋگى؛
3-ورىن – كوكدونەن اۋىلدىق وكرۋگى يەلەندى.
You Might Also Like
-
مەنىڭ اتى ءجونىم ءابدىاشىم ءالىبي مۇحتار ۇلى بولادى.مەن وسى قازۇۋ عا مەديسينا فاكۋلتەتىنىڭ ىشىندەگى “ستوماتولوگيا” ماماندىعىنا وقۋعا ءتۇستىم.
-
وتكەن اپتادا ءال-فارابي اتىنداعى قازاق ۇلتتىق ۋنيۆەرسيتەتى، جۋرناليستيكا فاكۋلتەتى، باسپا ءسوز جانە ەلەكتروندى ب ا ق كافەدراسىندا بولعان شەبەرلىك ساباقتا جاس موبيلوگراف كەلدى.
