InfoHub Logo

2022 جىلعى 20 قاراشادا قازاقستان رەسپۋبليكاسى پرەزيدەنتىنىڭ كەزەكتەن تىس سايلاۋى وتەدى. ەل تاريحىنداعى ساياسي ناۋقانعا دايىندىق جۇمىسى قارقىندى تۇردە اتقارىلىپ، پرەزيدەنتتىككە ۇمىتكەرلەر ۇسىنىلدى. 

جالپى وتكەنگە كوز سالساق، ەلىمىزدە 6 رەت جالپىحالىقتىق پرەزيدەنت سايلاۋى وتكەن. 2005 جىلى عانا كەزەكتى پرەزيدەنت سايلاۋى وتسە، 1991، 1999، 2011، 2015 جانە 2019 جىلدارى قازاقستان رەسپۋبليكاسىنىڭ كەزەكتەن تىس سايلاۋىندا ەل پرەزيدەنتىن سايلاعان بولاتىن. 1991 جىلدان باستاپ ەل تىزگىنىن قولىنا العان نۇرسۇلتان نازاربايەۆ 1991 جىلى - 98،7%، 1999 جىلى - 80%، 2005 جىلى - 91%، 2011 جىلى - 95،5% داۋىس جيناعان. ال، 2019 جىلى نۇرسۇلتان نازاربايەۆ ءوز وكىلەتتىگىن توقتاتاتىنى جونىندە حابارلاپ، 9 ماۋسىمدا كەزەكتەن تىس سايلاۋ ءوتىپ،  ەلباسىنان كەيىن ۋاقىتشا قاسىم-جومارت توقايەۆ 70،96 % داۋىس جيناپ، ق ر پرەزيدەنتى بولىپ سايلاندى. 

مەملەكەت باسشىسى قاسىم-جومارت توقايەۆ بيىلعى 1 قىركۇيەكتە ەلىمىزگە جولداعان " ادىلەتتى مەملەكەت. ءبىرتۇتاس ۇلت. بەرەكەلى قوعام" اتتى جولداۋىندا پرەزيدەنتتى كەزەكتەن تىس سايلاۋ وتكىزۋدى جانە جەتى جىل مەرزىمگە ءبىر رەت سايلاۋدى ۇسىنعان. "قازاقستان رەسپۋبليكاسى پرەزيدەنتىنىڭ كەزەكتەن تىس سايلاۋىن تاعايىنداۋ تۋرالى " جارلىققا قول قويىپ، سايلاۋ مەرزىمى 2022 جىلى 20 قاراشا بولىپ بەكىتىلگەن. سونىمەن قاتار، پرەزيدەنتتىككە ۇمىتكەرلەردى ۇسىنۋ 23 قىركۇيەكتەن باستالعان.

سونىمەن، كانديداتتار تۋرالى نە بىلەمىز؟ 

وسك ءبىرىنشى بولىپ ەلدىڭ قازىرگى پرەزيدەنتى قاسىم-جومارت توقايەۆتى تىركەدى. ونى حالىقتىق كواليسيا ۇسىندى، سونداي-اق ونىڭ كانديداتۋراسىن Amanat، «اق جول» جانە قازاقستان حالىق پارتيالارى قولدادى.

مەيرام قاجىكەندى «امانات» كاسىپوداقتار وداعى ۇسىندى. ول 61 جاستا، «قازىرگى زامانعى قوعامدى زەرتتەۋ ينستيتۋتىنىڭ» ديرەكتورى بولىپ جۇمىس ىستەيدى.

67 جاستاعى جيگۋلي دايرابايەۆتى «اۋىل» پارتياسى ۇسىندى. ول 2022 جىلدىڭ جازىندا «اتامەكەن» ۇلتتىق كاسىپكەرلەر پالاتاسى پرەزيديۋمى اگروونەركاسىپتىك كەشەن كوميتەتىنىڭ ءتوراعاسى بولىپ سايلاندى.

قاراقات ابدەندى «كاسىبي الەۋمەتتىك قىزمەتكەرلەردىڭ ۇلتتىق اليانسى» ۇسىندى. ول 1974 جىلى تۋعان، كوپ بالالى انا، پرەزيدەنت جانىنداعى ايەلدەر ىستەرى جانە وتباسىلىق-دەموگرافيالىق ساياسات جونىندەگى ۇلتتىق كوميسسيانىڭ مۇشەسى، استانا قالاسى اكىمىنىڭ الەۋمەتتىك ماسەلەلەر جونىندەگى شتاتتان تىس كەڭەسشىسى، ەلوردا قوعامدىق كەڭەسىنىڭ مۇشەسى.

سالتانات تۇرسىنبەكوۆا سايلاۋعا «قازاق انالارى – داستۇرگە جول» قوعامدىق بىرلەستىگىنىڭ اتىنان ءتۇستى. ول 56 جاستا، ايەلدەر ىستەرى جانە وتباسىلىق-دەموگرافيالىق ساياسات جونىندەگى ۇلتتىق كوميسسيا ءتوراعاسىنىڭ ورىنباسارى، استانا قالاسى قوعامدىق كەڭەسىنىڭ مۇشەسى.

وپپوزيسيالىق كانديدات نۇرلان اۋەسبايەۆ – قازاقستاننىڭ جالپىۇلتتىق سوسيال-دەموكراتيالىق پارتياسىنىڭ ەلورداداعى فيليالىنىڭ باسشىسى. ول 65 جاستا.

مەملەكەت الدىندا تۇرعان ەڭ بيىك ماقسات – ەلىمىزدىڭ ەگەمەندىگىن، جەرىمىزدىڭ تۇتاستىعىن ساقتاپ قالۋ. حالىقتىڭ الەۋمەتتىك احۋالىن ارتتىرا ءتۇسۋ. ەلىمىزدىڭ تاريحي بەتبۇرىسىندا ادىلەتتى قازاقستاندى قالىپتاستىرۋ ءبارىمىزدىڭ قاسيەتتى بورىشىمىز. سوندىقتان الداعى سايلاۋدا تىس قالماي، ەل تاعدىرىن قولىنا الاتىن پرەزيدەنتتى سايلاۋعا ۇلەس قوس.

كينو&مەديا ماماندىعىنىڭ 1 كۋرس ستۋدەنتى باقبەرگەن نۇراي       

جەتەكشىسى: اعا وقىتۋشى، كۋراتور ن.ب.رۋشانوۆا

---