سانكت-پەتەربۋرگتە قازاقستاندىق ازامات تەراكت ۇيىمداستىرماق بولدى دەگەن كۇدىككە ءىلىندى
سانكت-پەتەربۋرگتە قازاقستاندىق ازامات تەراكت ۇيىمداستىرماق بولدى دەگەن كۇدىككە ءىلىندى
رەسەيدىڭ تەرگەۋ ورگاندارى 28 جاستاعى قازاقستاندىق ارتۋر مارتىنوۆتى تەراكت ۇيىمداستىرۋعا وقتالدى دەگەن كۇدىكپەن قاماۋعا الدى. وعان تەرروريزمگە جاردەمدەسۋ، تىڭشىلىق جانە ديۆەرسيا باپتارى بويىنشا بىرنەشە اۋىر ايىپ تاعىلعان. بۇل تۋرالى رەسەيلىك تەرگەۋ دەرەكتەرىنە سىلتەمە جاساپ Stankz News Telegram ارناسى حابارلادى.
تەرگەۋ مالىمەتتەرىنە سايكەس، مارتىنوۆ ۋكراينا ارنايى قىزمەتىنىڭ تاپسىرماسىمەن ارەكەت ەتكەن جانە بۇل ءۇشىن قارجىلاي سىياقى الۋى مۇمكىن. ايىپتاۋعا ساي، كۇدىكتى سانكت-پەتەربۋرگ پەن لەنينگراد وبلىسىنداعى بايلانىس جانە ەنەرگەتيكالىق ينفراقۇرىلىم نىساندارىنا ديۆەرسيا ۇيىمداستىرۋدى جوسپارلاعان. ول ارنايى دايىندىقتان وتكەن، ءورت قويۋ تاسىلدەرى مەن ديۆەرسيا جۇرگىزۋ ادىستەرى جونىندە نۇسقاۋلىق العان.
2023 جىلدىڭ قىركۇيەك-قازان ايلارىندا كۇدىكتى بىرنەشە رەت ۇيالى بايلانىس جەلىلەرىنە جانە ەلەكتر تاراتۋ جابدىقتارىنا قارسى قاساقانا ءورت قويعانى انىقتالعان. مارتىنوۆ بۇل ارەكەتتەرىن مەسسەندجەرلەر ارقىلى العان نۇسقاۋلىققا سۇيەنە وتىرىپ جۇزەگە اسىرعان. تەرگەۋ دەرەكتەرىندە ول نىسانداردىڭ ورنالاسۋىن الدىن الا زەرتتەپ، جوسپارلاعانى كورسەتىلگەن.
ءقازىر بۇل ءىس 1-باتىس وڭىرلىك اسكەري سوتىنا جولدانباق. ايىپ دالەلدەنسە، مارتىنوۆ ۇزاق مەرزىمگە باس بوستاندىعىنان ايىرىلۋى مۇمكىن.
قازاقستان تاراپى بۇل ىسكە قاتىستى رەسمي پىكىر بىلدىرمەگەن.
You Might Also Like
-
ساتپايەۆ قالاسىندا "نە كەرەك" اتتى 10 سەريالى تەلەحيكايا ءتۇسىرىلىپ جاتىر. جوبا قۇنى — 78،5 ملن تەڭگە. جەرگىلىكتى اكىمدىكتىڭ مالىمەتىنشە، سەريالدىڭ العاشقى ءۇش ءبولىمى دايىن، ال ەكەۋى YouTube پلاتفورماس...
-
پەريزات قايرات پەن اناسىنىڭ ءىسى سوتقا جەتتى— دەپ حابارلايدى Infohub.kz ءتىلشىسى.
