الاياقتار شەگىنەر ەمەس: مەملەكەتتىك كىرىستەر كوميتەتى قازاقستاندىقتاردى جالعان حابارلامالاردان ساقتاندىردى
الاياقتار شەگىنەر ەمەس: مەملەكەتتىك كىرىستەر كوميتەتى قازاقستاندىقتاردى جالعان حابارلامالاردان ساقتاندىردى،-دەپ حابارلايدى ينفوحاب.كز.
سوڭعى ۋاقىتتا مەسسەندجەرلەر ارقىلى مەملەكەتتىك كىرىستەر كوميتەتىنىڭ (مكك) اتىنان تارالعان جالعان حابارلامالار سانى كۇرت ارتتى. بۇل تۋرالى كوميتەتتىڭ رەسمي Telegram ارناسىندا حابارلاندى.
حابارلامادا الاياقتار WhatsApp جانە Telegram جەلىلەرى ارقىلى ۆەدومستۆو باسشىلىعىنىڭ اتىنان ءتۇرلى مازمۇنداعى حابارلامالار تاراتىپ جاتقانى ايتىلعان. وندا ازاماتتاردى جەكە دەرەكتەرىن بەرۋ نەمەسە بەلگىسىز شوتتارعا اقشا اۋدارۋ سەكىلدى ارەكەتتەر جاساۋعا شاقىراتىن فەيك اقپاراتتار كەزدەسەدى.
«قۇرمەتتى ازاماتتار، ينتەرنەت-الاياقتاردىڭ ارباۋىنا تۇسپەۋ ءۇشىن اسا مۇقيات بولۋلارىڭىزدى سۇرايمىز. مۇنداي حابارلامالارعا سەنبەڭىزدەر، سىلتەمەلەرگە وتپەڭىزدەر جانە اقشا اۋدارماڭىزدار»، – دەلىنگەن مكك حابارلاماسىندا.
كوميتەت ازاماتتارعا تومەندەگى قاۋىپسىزدىك شارالارىن قاتاڭ ساقتاۋعا كەڭەس بەرەدى:
- كۇماندى حابارلامالارعا سەنبەۋ؛
- بەيتانىس سىلتەمەلەردى اشپاۋ؛
- بەلگىسىز ادامدارعا اقشا اۋدارماۋ؛
- كەز كەلگەن اقپاراتتىڭ شىنايىلىعىن تەكسەرۋ.
مكك رەسمي اقپاراتتى تەك ءوزىنىڭ سايتىندا جانە Telegram ارناسىندا جاريالايتىنىن ەسكەرتەدى. سول سەبەپتى مەملەكەتتىك ورگان اتىنان كەلگەن كەز كەلگەن حابارلاماعا سىن كوزبەن قاراپ، الدىمەن ونىڭ دەرەككوزىن انىقتاۋ ماڭىزدى.
بۇل جاعداي ەلدە ينتەرنەت الاياقتىعىنىڭ جاڭا تۇرلەرى كوبەيىپ كەلە جاتقانىن تاعى ءبىر مارتە دالەلدەدى. سيفرلىق ورتادا ساقتىق – قاۋىپسىزدىكتىڭ باستى كەپىلى ەكەنىن ۇمىتپاعان ءجون.
You Might Also Like
-
ەۋروپالىق ديپلوماتيانىڭ جەتەكشىسى، ەستونيا پرەمەر-مينيسترى كايا كاللاس ۋكرايناعا قاتىستى تاعى ءبىر وتكىر مالىمدەمە جاسادى. ونىڭ سوزىنشە، ەگەر باتىس ەلدەرى قازىرگى ساتتە كييەۆكە ناقتى ءارى جىلدام كومەك...
-
تەمىرتاۋدا 68 جاستاعى قاريانىڭ كۇشىكتى ازاپتاپ جاتقان ءساتى الەۋمەتتىك جەلىگە تاراپ، كوپشىلىكتىڭ اشۋىن تۋعىزدى. وقيعا 68-شاعىن اۋداندا بولعان. جەرگىلىكتى تۇرعىن قاريانىڭ ارەكەتىن ۆيدەوعا ءتۇسىرىپ، پو...
