InfoHub Logo

ساياساتتانۋشى دوسىم ساتپايەۆ الماتى قالاسى اكىمدىگىنىڭ قازىرگى باسقارۋ جۇيەسىن سىنعا الىپ، جەرگىلىكتى باسشىلىقتىڭ حالىق ەمەس، ورتالىق بيلىككە عانا ادال ەكەنىن ايتتى. ونىڭ پىكىرىنشە، بۇل — كاسىبيلىكتەن بۇرىن، ساياسي باعىنىشتىلىقتى باستى ورىنعا قويعان "تەرىس ىرىكتەۋ جۇيەسىنىڭ" سالدارى.

– قالانىڭ قازىرگى باسشىلىعى حالىقتىڭ ەمەس، جوعارى جاقتىڭ مۇددەسىن كوزدەيدى. بۇرىنعى اكىمدەر دە تاعايىندالعاندا قالانى بارىنشا تۇتىنگە تۇنشىقتىرىپ، سەيسميكالىق قاۋىپكە قاراماستان تىعىز قۇرىلىس جۇرگىزۋگە تاپسىرما العانداي اسەر قالدىراتىن، – دەيدى ساتپايەۆ.

ساياساتتانۋشى الماتىداعى شەكتەن تىس ۋربانيزاسيا مەن ەكولوگيالىق، سەيسميكالىق قاۋىپتەردىڭ ەسكەرىلمەۋىن اكىمدەردىڭ كاسىبي ەمەس، ساياسي تاعايىنداۋ ارقىلى كەلۋىنەن كورەدى. ونىڭ ايتۋىنشا، حالىق سايلامايتىن اكىمدەر قالا مۇددەسىنەن بۇرىن ورتالىقتىڭ تاپسىرماسىن ورىندايدى.