tengrinews.kz
ساتپايەۆ تۇرعىنى 1،5 ميلليون تەڭگەگە جۇرگىزۋشى كۋالىگىن ساتپاق بولعان
ساتپايەۆ قالاسىنىڭ تۇرعىنى جۇرگىزۋشى كۋالىگىن دايىنداپ بەرۋگە كومەكتەسەمىن دەپ، ازاماتتاردى الداپ اقشاسىن الىپ وتىرعان. بۇل تۋرالى Polisia.kz سايتىنا سىلتەمە جاساپ Tengri Auto حابارلادى.
قانداي جاعداي بولدى
تەرگەۋ مالىمەتتەرى بويىنشا، كۇدىكتى الەۋمەتتىك جەلىلەر ارقىلى جۇرگىزۋشى كۋالىگىن الۋعا كومەكتەسۋدى ۇسىنعان. اقىسىن العان سوڭ، جابىرلەنۋشىلەرمەن بايلانىسىن ءۇزىپ تاستاعان.
پوليسيانىڭ حابارلاۋىنشا، ول جۇرگىزۋشى كۋالىگىن دايىنداپ بەرۋ ءۇشىن 300 مىڭ تەڭگەدەن 1،5 ميلليون تەڭگەگە دەيىن اقشا العان. قازىرگى ۋاقىتتا شامامەن 20 جابىرلەنۋشى انىقتالدى.
بۇل دەرەك بويىنشا سوتقا دەيىنگى تەرگەۋ امالدارى جۇرگىزىلىپ جاتىر.
پوليسيا جۇرگىزۋشى كۋالىگىن تەك زاڭدى جولمەن عانا الۋعا بولاتىنىن ەسكە سالدى: اۆتومەكتەپتە وقۋ، ەمتيحان تاپسىرۋ جانە حقكو-دان قۇجاتتاردى رەسىمدەۋ قاجەت.
زاڭسىز جولدار
وقۋسىز جانە ەمتيحانسىز جۇرگىزۋشى كۋالىگىن الۋدىڭ باسقا دا نۇسقالارى زاڭسىز بولىپ تابىلادى جانە الاياقتىق سحەمالارمەن بايلانىستى بولۋى مۇمكىن.
بۇل – قازاقستاندىقتاردىڭ جۇرگىزۋشى كۋالىگىن ساتىپ الىپ، اقشاسىنان ايىرىلعان العاشقى جاعداي ەمەس. بۇعان دەيىن ءۇش ادام الاياققا 770 مىڭ تەڭگە بەرىپ، جوق نارسەگە اقشاسىن جوعالتقانى تۋرالى حابارلاعان بولاتىنبىز.
ايتا كەتەيىك، سولتۇستىك قازاقستان وبلىسىندا دا وسىنداي جاعداي بولعان. تاكسي جۇرگىزۋشىسى 100-200 مىڭ تەڭگەگە جۇرگىزۋشى كۋالىگىن جاساپ بەرەمىن دەپ، 4 جابىرلەنۋشىدەن 450 مىڭ تەڭگەدەن استام اقشا العان.
-
اقتاۋ تۇرعىندارى قوقىس شىعارۋ قىزمەتى ءۇشىن بىرنەشە ايعا ارنالعان تولەم شوتتارىن الدى. «Zero Waste اقتاۋ» كومپانياسى بۇل جاعدايعا قاتىستى تۇسىنىكتەمە بەردى.
-
Authorities in Kazakhstan have apprehended an individual accused of defrauding citizens by promising to procure driver's licenses through social media for substantial sums.
