Photo: xomidov Photo (https://www.pexels.com/@xomidov) / Pexels
ساتپايەۆتا دارىگەرلەردىڭ تويى ۆيدەوعا ءتۇسىپ، جازالاندى
ساتپايەۆ قالالىق اۋرۋحاناسىندا دارىگەرلەر مەن قىزمەتكەرلەر ناۋرىز مەيرامىن جۇمىس ورنىندا، ءتىپتى جۇمىس ۋاقىتىندا تويلاپ، ىشىمدىك ىشكەن. بۇل جاعدايدى بەينەگە ءتۇسىرىپ، جەلىگە جۇكتەگەن. ۆيدەودا ماس كۇيدەگى كەزەكشى دارىگەر كورىنەدى. وقيعادان كەيىن وبلىستىق دەنساۋلىق ساقتاۋ باسقارماسى تەكسەرۋ جۇرگىزدى.
بۇل تۋرالى Infohub.kz اقپارات اگەنتتىگى حابارلايدى.
نە بەلگىلى بولدى؟
Instagram جەلىسىندەگى etozhez پاراقشاسىندا اۋرۋحانا ىشىندەگى تويدى كورسەتەتىن ۆيدەو پايدا بولدى. ۆيدەو اۆتورىنىڭ ايتۋىنشا، سول كۇنى ءبىر ناۋقاسقا كومەك كورسەتۋدەن باس تارتقان. ال كەزەكشى دارىگەردىڭ ءوزى ماس كۇيدە بولعان.
وبلىستىق دەنساۋلىق ساقتاۋ باسقارماسى بۇل اقپاراتتى راستادى. «مەكەمە باسشىلىعى مۇنداي شارا وتكىزۋگە رۇقسات بەرمەگەن، سونداي-اق بولعان جاعداي تۋرالى باسقارماعا ۋاقىتىلى حابارلاماعان»، - دەپ اتاپ ءوتتى باسقارما وكىلدەرى.
جازا
وقيعانىڭ سالدارى اۋىر بولدى. كەزەكشى دارىگەر ەڭبەك كودەكسىنىڭ ءتيىستى بابىمەن جۇمىستان بوساتىلدى. ديرەكتوردىڭ مىندەتىن اتقارۋشىعا جانە ەكى مەدبيكەگە قاتاڭ سوگىس جاريالاندى. اۋرۋحانا ديرەكتورىنىڭ جۇمىستان شىعارىلۋ ماسەلەسى ازىرگە ونىڭ اۋرۋحانادا جاتقانىنا بايلانىستى كەيىنگە شەگەرىلدى.
-
پرەدپرينيماتەل ي ەكسپەرت اينۋر كالىمبەتوۆا پروكوممەنتيروۆالا اكتۋالنۋيۋ پروبلەمۋ منوگوجەنستۆا، وبياسنيۆ موتيۆى جەنششين ي پوسلەدستۆيا يح ۆىبورا.
-
ناۋرىز مەرەكەسى قارساڭىندا ساتپايەۆ قالاسىنداعى ەمحانا قىزمەتكەرلەرى جۇمىس ۋاقىتىندا الكوگول ءىشىپ، مەرەكەلىك داستارحان جايعان. بۇل تۋرالى تاراعان ۆيدەودان كەيىن جانجال تۋىندادى.
