InfoHub Logo

ساتپايەۆ قالاسىنداعى ەمحانادا مەديسينا قىزمەتكەرلەرىنىڭ جۇمىس ورنىندا توي جاساپ، الكوگول ىشكەنى تۋرالى ۆيدەو جەلىدە تاراپ، قوعامدا ۇلكەن رەزونانس تۋدىردى. بۇل جاعداي ناۋرىز مەرەكەسى كەزىندە بولعان.

بۇل تۋرالى Infohub.kz اقپارات اگەنتتىگى حابارلايدى.

جۇمىس ورنىنداعى توي

ناۋرىز مەرەكەسىنىڭ قارساڭىندا، ياعني 21 ناۋرىزدا ەمحانادا رەسمي تۇردە شارا وتكەنىمەن، كەشكە قاراي ءبىر توپ مەديسينا قىزمەتكەرى رۇقساتسىز جۇمىس ورنىندا الكوگول ءىشىپ، توي جاساعان. بۇل تۋرالى جۋرناليست ميحايل كوزاچكوۆتىڭ Telegram ارناسىندا 11 ساۋىردە جاريالانعان ۆيدەودان كەيىن بەلگىلى بولدى.

ناۋقاستاردىڭ شاعىمى

وقيعا كۋاگەرلەرىنىڭ ايتۋىنشا، مەرەكە كۇنى ەمحاناعا كەلگەن ناۋقاستار كەزەكشى قىزمەتكەرلەردىڭ ماس كۇيدە بولعانىن، ولاردان ىشىمدىك ءيىسى شىعىپ، مىنەز-قۇلقى دورەكى بولعانىن ايتقان. بۇل جاعداي ناۋقاستار مەن قىزمەتكەرلەر اراسىندا كيكىلجىڭ تۋدىرعان.

وبلىستىق دەنساۋلىق ساقتاۋ باسقارماسىنىڭ مالىمەتىنشە، كەشكى مەرەكەلىك ءىس-شارا اكىمشىلىكتىڭ رۇقساتىنسىز، قىزمەتكەرلەردىڭ جەكە باستاماسىمەن ۇيىمداستىرىلعان.

مەديسينا قىزمەتكەرلەرىنە سالعان جازا

باسقارمانىڭ حابارلاۋىنشا، وقيعادان كەيىن دەرەۋ تەكسەرۋ جۇرگىزىلگەن. ناتيجەسىندە، كەزەكشى دارىگەر جۇمىستان بوساتىلدى. ەمحانا ديرەكتورىنىڭ مىندەتىن اتقارۋشى ە. ولجايەۆا مەن ەكى مەدبيكەگە قاتاڭ سوگىس جاريالاندى. ەمحانا ديرەكتورى ر. نىسانبايەۆتىڭ تاعدىرى ونىڭ اۋرۋحانادان شىققاننان كەيىن تارتىپتىك كەڭەستە قارالاتىن بولادى.