InfoHub Logo

قازاق ءتىلى 8 سىنىپ (قازاق ءتىلدى مەكتەپ ءۇشىن)
ساباقتىڭ تاقىرىبى: سەبەپ باعىنىڭقىلى ساباقتاس قۇرمالاس سويلەم
سىلتەمە قازاق ءتىل. 8 - سىنىپ. س. امانجولوۆ، ا. امانجولوۆ، گ. قوسىموۆا. «مەكتەپ» باسپاسى. 2012 ج.
ماقساتى:
1. سەبەپ باعىنىڭقىلى ساباقتاس قۇرمالاس سويلەمنىڭ جاسالۋ جولدارىن انىقتاۋ جانە ماتىننەن تابا ءبىلۋ.
2. كارتوچكالاردى پايدالانۋ، كىتاپپەن، جەكە توپپەن جۇمىس بارىسىندا ساباقتا وقۋشىنىڭ ءوز قىزمەتىن باعالاۋى.
3. فيلمنەن ءۇزىندى كورسەتۋ، كارتوچكامەن، كىتاپپەن جۇمىس ارقىلى سەبەپ باعىنىڭقىلى ساباقتاس قۇرمالاس سويلەمنىڭ نەگىزگى سيپاتتارى تۋرالى تۇسىنىكتەرىن دامىتۋ.

كۇتىلەتىن ناتيجەلەر:
توپتىق، جەكە جۇمىس ارقىلى ءبىلىم الماسىپ، وقۋشىلار ءبىر - بىرىنەن ۇلگى الادى، نەنى قالاي وقۋ كەرەكتىگىنە وزىندىك تيىمدىلىگى ارتادى، ديالوگتىك قارىم - قاتىناستا تىڭداۋ جانە سويلەۋ ادەبىنە كوڭىل اۋدارادى، كوركەم ادەبي تىلدە سويلەۋگە، مەڭگەرۋگە ىنتاسى ارتادى، سىني كوزقاراسىن ءبىلدىرۋ ارقىلى ءسوز بايلىعى مولايادى، ءوز بەتىنشە ىزدەنىپ، جوبا قورعاۋعا ۇيرەنەدى.
ساباقتىڭ ءتۇرى: جاڭا ءبىلىمدى مەڭگەرتۋ
ءپانارالىق بايلانىس: قازاق ادەبيەتى، ءوزىن - ءوزى تانۋ.
قولدانىلاتىن ادىستەر: سىن تۇرعىسىنان ويلاۋ ستراتەگيالارىن قولدانامىن: قىزىعۋشىلىعىن وياتۋ، ماعىنانى اشۋ، «توپتاستىرۋ»، «كارۋسەل»، «جوعارى دەڭگەي سۇراقتارى»، ويتولعانىس، «ەكەۋلەپ ويلان» ستراتەگياسى، اكت، جاس ەرەكشەلىكتەرىنە ساي وقىتۋ، تالانتتى جانە دارىندى بالالاردىڭ ساباقتى تەرەڭ مەڭگەرۋلەرىنە ىقپال جاسايمىن. ءبىلىم بەرۋ ءۇشىن جانە وقۋدى باعالاۋ تاسىلدەرى بويىنشا جيىنتىق باعالاۋ، كوشباسشى.

ءمۇعالىم ارەكەتى
ۇيىمداستىرۋ
پسيحولوگيالىق احۋال تۋعىزۋ
ءمۇعالىم وقۋشىلارعا ءبىر - بىرىنە تىلەك ايتقىزادى:
دوستار، شەڭبەر قۇرايىق!
قول ۇستاسىپ تۇرايىق.
ساباعىمىز ءساتتى ءوتىپ،
قۋانىشتى بولايىق!
ساباققا قاتىسپاعان وقۋشىلاردى بەلگىلەۋ.

1. كىرىسپە. «جوعارى دەڭگەي سۇراقتارى»
1. سويلەم تۋرالى كىمدە قانداي پىكىر بار؟
2. نەگە ولاي دەپ ويلايسىڭدار؟
3. كەلىسەسىڭ بە، وسى ايتقانعا؟
4. كەلىسپەسەڭ نەگە كەلىسپەيسىڭ؟
5. وزدەرىڭ بولىسكىلەرىڭ كەلەتىن تاعى ويلارىڭ بار ما؟ كىمدە قانداي وي بار؟
6. بارلىعىڭ كەلىسەسىڭدەر مە؟
2. ءۇي تاپسىرماسىن تەكسەرۋ.
«توپتاستىرۋ» ستراتەگياسى
بەرىلگەن كارتوچكاداعى سويلەمدەردىڭ قايسىسى «شارتتى باعىنىڭقىلى»، «مەزگىل باعىنىڭقىلى»، «قارسىلىقتى باعىنىڭقىلى» ەكەنىن اجىراتۋ ارقىلى سىنىپ وقۋشىلارىن توپقا ءبولۋ.

جاڭا ساباق.
سەبەپ باعىنىڭقىلى ساباقتاس قۇرمالاس سويلەم (س. ب. ق. س.)
«كارۋسەل» ستراتەگياسى.
- وقۋلىقپەن جۇمىس جاساتۋ 136 - 137 بەتتەر؛
- ەلەكتروندى وقۋلىقپەن (ورتالىق ءبىلىم رەسۋرسى) جۇمىس جاساتۋ،
- اقپارات جيناۋ بارىسىن انىقتاۋ
- جۇمىس بارىسىن باقىلاۋ،
- جۇمىس ناتيجەسىنە تالداما جاساتۋ،
- باعالاتۋ

«ەكەۋلەپ ويلان» ستراتەگياسى.
1. «قىز جىبەك» فيلمىنەن ءۇزىندى كورسەتىلەدى: ءمۇعالىم: - بالالار، بۇل فيلم سيۋجەتى جەلىسىنەن ساباقتاس قۇرمالاس سويلەمگە مىسال كەلتىرىڭدەر.
- مىسال كەلتىرتۋ،
- قانشالىقتى دۇرىستىعىن انىقتاۋ،
- جاۋاپتارىن تاقتاعا جازعىزۋ.
ماقساتى: قازاق حالقىنىڭ سالت - ءداستۇرى، شەشەندىك ونەرى، تاپقىرلىق، قىز بەن جىگىتكە لايىقتى سىيلاسىمدىلىق، جاراسىمدىلىق قاسيەتتەرىن نەگىزگە الا وتىرىپ، ادەبي تىلدە بايانداۋعا تىلدەرىن شىڭداۋ.

«قارا جورعا» بيىنە بيلەتۋ.
وقۋشىلاردىڭ بويىن سەرگىتۋ، ۇلتتىق بي ونەرىن ناسيحاتتاۋ ماقساتىندا سەرگىتۋ ءساتىن جاساتۋ.
«ماعىنانى تانۋ»
«كۇردەلى سويلەمدەر» ستراتەگياسى.
ءمۇعالىم وقۋشىلاردىڭ ءوز بەتىمەن جۇمىس ىستەۋىن قاداعالايدى:
- وقۋشىنىڭ سويلەمدى تاقتاعا ساۋاتتى جازۋىن،
- جازعان سويلەمدى مانەرلەپ وقۋىن،
- سويلەمگە تىلدىك تالداۋ جاساي ءبىلۋىن.
شارتى: سويلەمگە تىلدىك كەشەندىك تالداي جاساي ءبىلۋ، سونىڭ ىشىندە جاي سويلەم، قۇرمالاس سويلەم سينتاكسيسى، سويلەمگە ءتان نەگىزگى بەلگىلەردى انىقتاي ءبىلۋى، باعىنىڭقى، باسىڭقى كومپونەنت - تەردىڭ بايلانىسۋى، سويلەم مۇشەلەرى، ولاردىڭ سۇراقتارى مەن قىزمەتىن انىقتاي الۋى.