سەمەيلىك ءمۇعالىم فيزيكا زاڭدىلىقتارىن كوميكس ارقىلى تۇسىندىرۋدە
سەمەيلىك ءمۇعالىم مەكتەپ وقۋشىلارىنىڭ فيزيكا پانىنە دەگەن قىزىعۋشىلىعىن وياتۋ ءۇشىن ساباق بارىسىندا كوميكس سالادى.
اباي وبلىستىق ءبىلىم باسقارماسى باسپا ءسوز قىزمەتىنىڭ مالىمەتىنە سۇيەنسەك، «ءبىلىم – يننوۆاسيا» ليسەيىنىڭ فيزيكا ءپانىنىڭ ءمۇعالىمى جاسقايرات ناۋبەتوۆ فيزيكانى وقىتۋدا ەرەكشە ءادىس-تاسىل قولدانادى. زاماناۋي ءمۇعالىم وقۋشىلاردىڭ پانگە دەگەن قىزىعۋشىلىعىن ارتتىرۋ ءۇشىن الەۋمەتتىك جەلىلەردى، كومپيۋتەرلىك ويىندار مەن كوميكستەردى كادەگە جاراتىپ ءجۇر.
وقۋشىلاردىڭ ويلاۋ قابىلەتىن دامىتۋ ماقساتىندا ول فيزيكانى كوميكس ارقىلى وقىتۋدا. ناتيجەسىندە، قىزىق سۋرەت سالۋ ءۇشىن بالالار تاقىرىپتى ءجىتى زەرتتەپ، شىعارماشىلىق تۇرعىدا دامي تۇسەدى.
ءمۇعالىم 7-9 سىنىپ وقۋشىلارىنا وسىنداي ەرەكشە ءادىستى قولدانۋدا. ولار «نيۋتون زاڭدارى»، «ەنەرگيانىڭ ساقتالۋ زاڭى»، «ارحيمەد زاڭى» سىندى تاقىرىپتاردا كوميكس جاساپ، ءتۇسىنۋ قيىن تاقىرىپتاردى جەڭىلدەتەدى.
- كوميكستەردى العاش پايدالانعان كەزىمدە وقۋشىلاردىڭ فيزيكاعا دەگەن قىزىعۋشىلىعى ارتىپ، ساباقتى بار ىنتاسىمەن وقي باستادى. قازىرگى بالالار كوپ ۋاقىتىن سمارتفونمەن وتكىزەدى. بۇل ءادىس تەلەفوندا ۋاقىتتى ءتيىمدى جانە پايدالى وتكىزۋدىڭ ۇتىمدى ءتاسىلى. اسىرەسە بالانىڭ ويلاۋ جانە شىعارماشىلىق قابىلەتتەرىن دامىتىپ، سۋرەت سالۋعا باۋليدى. ءقازىر وقۋشىلار كوميكستەردى وزدەرى جاساپ، ونى جاڭا تاقىرىپتى ءتۇسىنۋ ءۇشىن پايدالانۋدا»، - دەيدى جاسقايرات.
You Might Also Like
-
مەرەكە قارساڭىندا ۇلتتىق ستاتيستيكا بيۋروسى ەلىمىزدە تاۋەلسىزدىك ەسىمىن يەلەنگەن قانشا قازاقستاندىق ازاماتتىڭ تۇراتىنىن جازدى.
