InfoHub Logo

سەنات دەپۋتاتى بيبىگۇل جەكسەنباي قازاقتىڭ اسىل تۇقىمدى قۇماي تازىسىن شەتەلگە ەكسپورتتاۋعا تىيىم سالۋدى نەمەسە ارنايى مەملەكەتتىك رۇقسات الۋ تالابىن ەنگىزۋدى ۇسىندى. بۇل تۋرالى ول پرەمەر-مينيسترگە جولداعان دەپۋتاتتىق ساۋالىندا مالىمدەدى.

سەناتور قۇماي تازىنىڭ قازاق حالقى ءۇشىن تەك اڭشىلىققا قاجەت ەمەس، ۇلتتىق مۇرا ەكەنىن اتاپ ءوتتى. ونىڭ پىكىرىنشە، اسىل تۇقىمدى تازىلار شەتەلگە كەتپەۋى ءۇشىن ارنايى زاڭنامالىق تەتىكتەر قاجەت.

سونداي-اق، دەپۋتات تازى مەن توبەت كۇنىن اڭشىلىق ماۋسىمعا سايكەستەندىرىپ، قاراشانىڭ ءبىرىنشى اپتاسىنا اۋىستىرۋدى ۇسىندى. سەبەبى قازاق دالاسىندا اڭشىلىق ءداستۇرلى تۇردە قانسوناردا، ياعني العاشقى قار تۇسكەننەن كەيىن باستالادى.

بۇدان بولەك، جازۋشى مۇحتار ءماعاۋيننىڭ "تازىنىڭ ءولىمى" شىعارماسىنىڭ جەلىسىمەن تولىقمەتراجدى كوركەم فيلم ءتۇسىرۋدى دە قاراستىرۋ قاجەت ەكەنىن ايتتى. بۇل فيلم قازاق حالقىنىڭ اڭشىلىق ءداستۇرى مەن تازىنىڭ ماڭىزىن كەڭىنەن ناسيحاتتاۋعا ىقپال ەتەر ەدى.