InfoHub Logo

سەپتيكالىق شوك — ىرىڭدى-سەپتيكالىق ينفەكسيانىڭ شوعىرلانعان ءتۇرىنىڭ دە، جايىلعان ءتۇرىنىڭ دە اعىمىن قيىنداتۋى ىقتيمال ءقاۋىپتى اسقىنۋ. سەپتيكالىق شوكتىڭ تۋىنداۋىنا سوقتىراتىن جايتتارعا كەز كەلگەن حيرۋرگيالىق ارالاسۋ جاتادى: ۇرىق جۇمىرتقاسى قالدىقتارىن الىپ تاستاۋ ماقساتىندا جاسالعان جاتىر قۋىسى كيۋرەتاجى، ابسەستەردى، جارالاردى حيرۋرگيالىق وڭدەۋ، باكتەريالاردىڭ ىدىراۋىنا الىپ كەلەتىن بەلسەندى باكتەرياعا قارسى ەم، بوسانۋ، ت.ب. ادەتتە، سەپتيكالىق شوك ينفەكسيالىق پاتولوگيانىڭ كلينيكالىق كورىنىستەرىمەن قاتار حيرۋرگيالىق ارالاسۋدان كەيىن بىرىنشى-ەكىنشى تاۋلىكتە داميدى.

سەپتيكالىق شوك كەزىندە پارەنحيماتوزدى اعزالاردىڭ قىزمەتى بۇزىلىپ، ولاردىڭ اۋىر زاقىمدارى ورىن الادى:

—  ءجىتى بۇيرەك جەتكىلىكسىزدىگى؛

— ءجىتى وكپە جەتكىلىكسىزدىگى؛

— ءجىتى باۋىر جەتكىلىكسىزدىگى؛

— دتۇ-سيندروم (ديسسەميرلەنگەن تامىر-ىشىلىك ۇيۋ سيندرومى).

شارتتى تۇردە سەپتيكالىق شوكتىڭ التى ءتۇرىن اجىراتادى:

— ينفەكسيا بەلگىلەرى: دەنە قىزۋىنىڭ كوتەرىلۋى، قالتىراۋ، لەيكوسيتوز، باكتەريەميا، ۋىتتى قانازدىق؛

— وجج (ورتالىق جۇيكە جۇيەسى) تاراپىنان بايقالاتىن بۇزىلىستار: ىس-ارەكەتتىڭ تالاپقا ساي بوماۋى، قوزۋ، سوپوروزدى-كوموتوزدى احۋال.

— تىنىس بۇزىلىسى: تاحيپتىك (مينۋتىنا 30 رەتتەن استام)، گيپوكسيا، قۇرعاق جانە ىلعال ۇساق كوپىرشىكتى سىرىل، «شوكقا شالدىققان وكپەنىڭ» رەنتگەنولوگيالىق بەلگىلەرى؛

— گەموديناميكا بۇزىلىستارى: مينۋتىنا 11-120 رەت سوعۋمەن جۇرەك ءاۆتوماتيزمى مەن ىرعاعىنىڭ بۇزىلۋى، گيپەر- نەمەسە گيپوديناميالىق سيندروم، ميوكارد يشەمياسى، ميكروسيركۋلياسيا بۇزىلىسى، كواگۋلوپاتيا.

— باۋىر مەن بۇيرەكتەر قىزمەتىنىڭ بۇزىلىسى: ءجىتى بۇيرەك جەتكىلىكسىزدىگىنىڭ جانە ءجىتى باۋىر جەتكىلىكسىزدىگىنىڭ بەلگىلەرى (وليگۋريا، انۋريا)؛

— مەتابوليزم بۇزىلىستارى: گيپوپروتەينەميا، ديسپروتەينەميا، گيپەرگليكەميا، مەتابوليكالىق اسيدوز، ديسپروتەينەميا، گيپەروسموليارلىق.

سەپتيكالىق شوك ءجىتى باۋىر جەتكىلىكسىزدىگى دامۋىنىڭ نەگىزگى سەبەبى بولىپ تابىلادى.

وتا الدىنداعى دايىندىق كەزىندە انتيبيوتيكتەرمەن ەرتە ءتيىمدى ەم جۇرگىزۋ، پلازمانىڭ ورنىن تولتىراتىن جانە كوللويدتى ەرىتىندىلەرمەن، گەموترانسفۋزيامەن گيپوۆولەميانى جويۋ، گەموديناميكانى رەتتەۋ ءۇشىن گليۋكوكورتيكويدتار ەنگىزۋ، تەزدەتىلگەن ديۋرەزدى قولدانۋ، وكسيگەنوتەراپيا، اناەروبتى سەپسيسكە كۇدىك تۋعاندا پوليۆالەنتتى گانگرەناعا قارسى سارىسۋ قولدانۋ، ت.ب. جۇرگىزىلەدى.

جۇقپا كوزىن حيرۋرگيالىق جولمەن جويۋعا جاتىر تۇتىكشەلەرىن الىپ تاستاي وتىرىپ، جاتىردى ونىڭ قوسالقىلارىمەن بىرگە الىپ تاستاۋ، قۇرساق قۋىسىن درەناجداۋ جانە قايتا قاراۋ جاتادى. بۇنداي جاعدايلاردا كونسەرۆاتيۆتىك ەم ناتيجە بەرمەيدى. سەپتيكوپيەمياسى بار ناۋقاستاردا جاتىردى الىپ تاستاعان سوڭ پيەميالىق وشاقتاردى قايتا قاراۋ جانە درەناجداۋ، سونداي- اق مەتاستازدىق ءىرىڭدى وشاقتار ءتۇزىلۋى ىقتيمال كوزدەردى ساناسيالاۋ جانە مۇقيات كۇتۋ قاجەت.

ىرىڭدى-سەپتيكالىق ينفەكسيا بولعان ناۋقاستاردا نەيروەندوكريندىك جانە پوليورگاندىق بۇزىلىستار ءجيى داميدى. ىرىندى-سەپتيكالىق جۇقپانى باستان كەشكەن ءار ايەلگە تونەتىن ءقاۋىپ كوپ، سوندىقتان وڭالتۋ كەزىندە ولارعا ەمدىك شارالار كەشەنى جۇرگىزىلىپ، ايەلدەرگە كەڭەس بەرۋ ورنىندا ديسپانسەرلىك باقىلاۋعا الىنۋى ءتيىس.

ل. ك. يبرايموۆا

---