Photo: Pixabay (https://www.pexels.com/@pixabay) / Pexels
سەريك جۇمانعارين: "بيزنەستىڭ جالپىعا بەلگىلەنگەن سالىق رەجيمىنە ءوتۋى شىعىنداردى ارتتىرادى، ءبىراق ءبىز ازىرگە ەشتەڭە وزگەرتپەيمىز"
قازاقستاندا بيزنەسكە ارنالعان B2B وپەراسيالارى بويىنشا شەگەرىمدەرگە تىيىم سالۋدى الىپ تاستاۋ جوسپارلانبادى. بۇل تۋرالى قازاقستان رەسپۋبليكاسى پرەمەر-مينيسترىنىڭ ورىنباسارى – ۇلتتىق ەكونوميكا ءمينيسترى سەرىك جۇمانعارين مالىمدەدى.
بۇل تۋرالى Infohub.kz اقپارات اگەنتتىگى حابارلايدى.
سالىق جۇيەسىندەگى وزگەرىستەر
جاڭا سالىق كودەكسىنە سايكەس، جالپىعا بەلگىلەنگەن سالىق رەجيمىن قولداناتىن سۋبەكتىلەر جەڭىلدەتىلگەن رەجيمدە جۇمىس ىستەيتىن كاسىپكەرلەردەن تاۋارلار مەن قىزمەتتەر ءۇشىن شىعىنداردى كورپوراتيۆتىك تابىس سالىعى بويىنشا شەگەرە المايدى. بۇل شاعىن بيزنەس ءۇشىن شىعىنداردى ارتتىرادى.
جۇمانعارين وزگەرىستەرگە نەگە قارسى؟
سەرىك ءجۇمانعاريننىڭ ايتۋىنشا، بۇل باعىتتا ازىرگە ەشقانداي وزگەرىس جوسپارلانباعان. ونىڭ سەبەبى – سالىق تۇسىمدەرىنىڭ تابىستى ءجۇرىپ جاتقانى.
«ءبىز تەك ءبىر نارسەنى كورىپ وتىرمىز: بۇگىنگى كۇنى سالىق تۇسىمدەرى وتە تابىستى ءجۇرىپ جاتىر. ەكى ايدىڭ قورىتىندىسى بويىنشا – ندس 20%-عا، جالپى سالىقتار 14%-عا ءوستى. وتكەن جىلمەن سالىستىرعاندا 620-660 ميلليارد تەڭگەگە ارتىق جينادىق. بيزنەس سۋبەكتىلەرىنىڭ رەجيمدى تاڭداۋ كەزەڭى اياقتالدى. تەك 1،2 ميلليون ادام جەڭىلدەتىلگەن سالىق رەجيمىن تاڭدادى. شامامەن 900 مىڭعا جۋىق، ناقتىراق ايتساق 800 مىڭنان استام ادام جالپىعا بەلگىلەنگەن رەجيمدە جۇمىس ىستەيدى. ندس تولەۋشىلەردىڭ سانى ارتىپ كەلەدى. ايتىڭىزدارشى، ءبىز نەگە بىردەڭە وزگەرتۋىمىز كەرەك؟» – دەدى ۆيسە-پرەمەر ءماجىلىس كۋلۋارىندا.
-
ءماجىلىس دەپۋتاتى نۇرسۇلتان بايتيلەسوۆ مىندەتتى اۆتوساقتاندىرۋ جۇيەسىن رەفورمالاۋدى جانە تاۋەلسىز ساراپتاما ەنگىزۋدى ۇسىندى.
-
قازاقستاندا مىندەتتى اۆتوساقتاندىرۋ سالاسىندا تاريفتىك رەفورما جۇرگىزىلەدى. بۇل شارالار اۆاريالاردىڭ كوبەيۋى مەن ساقتاندىرۋشىلاردىڭ شىعىندارىنىڭ وسۋىنە بايلانىستى قاجەت بولىپ وتىر.
