سەرىكبايدىڭ بايدان ەسەسىن الۋى
سەرىكباي بۇركىت سالىپ ءجۇرىپ جول-جونەكەي سىرتتاي ەستۋى بار ءبىر بايدىڭ ۇيىنە كەلىپ ءتۇسىپتى. ۇيگە سالەم بەرىپ كىرىپ كەلسە، جاقتىرماعان باي سالەمىن دە المايدى. ءبىراز وتىرعاننان كەيىن باي سەرىكبايعا: «ۇيگە سيمايسىڭ، بۇركىتىڭنەن بالالارىم قورقادى، كەتىپ قال»، — دەپتى.
سەرىكباي امالسىزدان اتتانىپ كەتەدى. قىس ءوتىپ جاز بولعاندا، بىلىكتى ءبىر ادامعا ەرىپ قالادان كەلە جاتقان سەرىكباي الگى ۇيگە كەلىپ تۇسەدى. يناباتتى كىسى كەلگەندە كاۋكەلەك قاعىپ ابىگەر بولعان باي شايدان كەيىن قوناقاسىعا ءبىر قوي اكەلىپ سويادى. بايدان ەسە قايتارۋ ويىندا بولىپ وتىرعان سەرىكباي دالاعا ات قويعالى شىققان بولىپ سويعان قويدىڭ باسىن كورسەتپەي يتكە لاقتىرىپ جىبەرەدى. ءۇي يەلەرى باستى تابا الماي امالسىز باس جوق تاباق تارتادى. الدىعا تاباق كەلگەندە، سەرىكباي:
— قويعا باتا جاساعان مىنا كىسى ەمەس پە ەدى. باسى قايدا؟ بۇل قاي اقىماقتىقتارىڭ، ولگەن مالدىڭ ەتىن اسىپ كىسىنى وسىنشا نەگە قورلايسىڭدار، — دەپ بايدىڭ جەر-جەبەرىنە جەتەدى. باي ولگەن مالدىڭ ەتى ەمەس ەكەنىن، باس جوعالعانىن ايتادى.
— باس جوعالسا، يت جەدى. بۇل كىسى جەگەنشە، يت جەسىن دەپ ادەيى تاستادىڭ، ايتپەسە قايدا كەتەدى، — دەپ جاني تۇسەدى سەرىكباي.
ەرتەڭىندە بايدى ات-شاپان ايىپقا جىعىپتى دا، سەرىكباي بايدان ەسەسىن الىپتى.
You Might Also Like
-
سەرىكباي جانىندا ەكى تۇيەشى بار ۇشەۋى اعاش ارتىپ، استىق الۋعا ۇرىمجىگە كەتىپ بارا جاتىپ، كەش بولعاندا ءبىر ەگىن شەتىنە ءتۇسىپتى. سەرىكباي تۇرىپ:
-
ۇلكەن كۇرە جولدا ءتۇن ىشىندە ءبىر سوقىر ادام قولىنا شام ۇستاپ كەلە جاتادى. ونىڭ ءبىر قولىندا شام، ءبىر قولىندا شەلەگى بار ەكەن. مۇنى كورگەن بىرەۋ ايعايلاپ:
