InfoHub Logo

حالىق اقىنى مۇحتار شاحانوۆتىڭ ومىردەن وزعانىنا بايلانىستى قوعامدا ەلەۋلى رەزونانس تۋدىرعان پىكىرلەر ايتىلۋدا. اتاپ ايتقاندا، اقش-تا تۇراتىن سەرىكجان ءبىلاشتىڭ مارقۇم اقىنعا قاتىستى ايتقان سوزدەرى كوپشىلىكتىڭ نارازىلىعىن تۋعىزدى.

بۇل تۋرالى Infohub.kz اقپارات اگەنتتىگى حابارلايدى.

الەۋمەتتىك جەلىدە تاراعان بەينەجازبادا سەرىكجان ءبىلاش مۇحتار شاحانوۆتىڭ شىعارماشىلىعىن مويىنداي وتىرىپ، ونىڭ جەكە تۇلعاسىنا قاتىستى سىن ايتقان. الايدا، بۇل پىكىرلەر، اسىرەسە، اقىننىڭ قايعىلى قازاسىنان كەيىن ايتىلعاندىقتان، كوپشىلىكتىڭ اشۋىن كەلتىردى. زيالى قاۋىم وكىلدەرى مەن قاراپايىم ازاماتتار مۇنداي سوزدەردى ادامگەرشىلىككە جات جانە ۇلتتىق قۇندىلىقتارعا نۇقسان كەلتىرەتىن ارەكەت دەپ باعالادى.

اقش-تاعى قازاقتاردىڭ ءۇنقاتۋى

وسى جاعدايعا بايلانىستى اقش-تاعى قازاق قاۋىمى دا ءوز الاڭداۋشىلىعىن ءبىلدىردى. ولاردىڭ ايتۋىنشا، ماسەلە جەكە پىكىرگە قىسىم كورسەتۋ ەمەس، قوعام الدىندا ايتىلعان ءسوزدىڭ مورالدىق سالماعىن باعالاۋ بولىپ تابىلادى.

«ءبىز قازاقستاننان جىراق جۇرسەك تە، قازاقتىڭ رۋحاني كەڭىستىگىنەن تىس قالا المايمىز. ءبىلاشتىڭ ءسوزى امەريكاداعى، الماتىداعى، استاناداعى قازاقتىڭ جۇرەگىنە بىردەي ءتيدى. مۇحتار شاحانوۆ – ءتىل، ۇلت، رۋح، نامىس سياقتى ۇعىمدارمەن قاتار اتالاتىن تۇلعا. سوندىقتان ونىڭ ومىردەن كەتكەنىنە بايلانىستى ايتىلعان اۋىر سوزدەردى ءبىزدىڭ قاۋىمداستىق تەك «جەكە پىكىر» رەتىندە قابىلداماي وتىر»، – دەيدى ءاتى-جونىن جاريالاماۋدى وتىنگەن اقش-تاعى قازاقستاندىقتاردىڭ ءبىرى.