InfoHub Logo

شەرزات پولاتتىڭ قازاسىنا قاتىستى قوعام نازارىن اۋدارعان قىلمىستىق ءىس بويىنشا سوت پروسەسى شەشۋشى كەزەڭگە جەتتى. پروكۋرورلار نەگىزگى ايىپتى رەتىندە ابزال شىناسىلدى تانىپ، وعان 23 جىلعا باس بوستاندىعىنان ايىرۋ جازاسىن سۇرادى. ال وزگە ايىپتالۋشىلارعا 20 جىلدان 1،5 جىلعا دەيىنگى ءتۇرلى مەرزىمدە جازا تالاپ ەتىلدى.

پروكۋراتۋرا: قىلمىس توپتىق سيپاتتا ەمەس
مەملەكەتتىك ايىپتاۋشى دانا سارسەنباي بۇل ءىستى توك-شوۋعا اينالدىرماۋعا شاقىرىپ، قىلمىستىڭ جەكە دارا جاسالعانىن العا تارتتى. ول ءار ازامات جەكە ىس-ارەكەتىنە عانا جاۋاپ بەرۋى ءتيىس ەكەنىن قاداپ ايتتى.

مارقۇمنىڭ وتباسى — قاتاڭ جازا تالاپ ەتۋدە
شەرزاتتىڭ تۋىستارى سوتتان قاتىسى بار بارلىق ازاماتتاردى قاتال جازاعا تارتۋدى سۇراپ وتىر. اناسى شىناسىلدى ءومىر بويىنا باس بوستاندىعىنان ايىرۋدى تالاپ ەتتى. ايتا كەتەيىك، كامەلەتكە تولماعان دۋمان ىسقاقتى مارقۇمنىڭ جاقىندارى كەشىرەتىنىن مالىمدەگەن. پروكۋراتۋرا وعان 1 جىل 6 اي تۇرمە جازاسىن سۇراعان.

ادۆوكات مالىمدەمەسى: بار كىنا – مارقۇمنىڭ وزىندە
سوتتا كۇتپەگەن مالىمدەمە جاساعان ابزال شىناسىلدىڭ ادۆوكاتى جۇمات ابەنوۆ وقيعانىڭ نەگىزگى سەبەبى رەتىندە مارقۇم شەرزاتتىڭ «تاربيەسىزدىگىن» اتادى.

«جانجال اراق-شاراپتان باستالدى. ءبىراق جانجالدى ۋشىقتىرعان — شەرزات. ول الدىمەن اسكەنتايدى ۇرىپ، ونىڭ مۇرنىن قاناتقان. شەرزاتتىڭ اكەسى دە سول جەردە بولدى، ءبىراق ەشتەڭە ىستەمەدى»، — دەدى قورعاۋشى.

ونىڭ ايتۋىنشا، پىشاق جاراقاتىن ناقتى كىم سالعانى بەلگىسىز. سول سەبەپتى، شىناسىلدى "كىسى ءولتىرۋ" بابىمەن ەمەس، "بۇزاقىلىقپەن" جاۋاپقا تارتۋ كەرەك دەيدى.

«شىناسىل كىناسىن مويىندادى دەگەنگە عانا سۇيەنىپ، ايىپ تاعىلىپ وتىر. ءبىراق ناقتى دالەل جوق. ءتىپتى مارقۇمنىڭ اكەسى دە قوعامدىق ءتارتىپتى بۇزىپ، ءتۇن ورتاسىندا پىشاقپەن كوشەگە شىققان»، — دەدى ابەنوۆ.

سوت شەشىمى جاقىن ارادا شىعۋى ءتيىس. بۇل ءىس — تەك سوت پروسەسى ەمەس، قوعامداعى جاستار تاربيەسى، زاڭ ۇستەمدىگى جانە ادىلدىك تۋرالى كەڭىرەك وي تۋدىرىپ وتىر.