شەتەلدە عىلىمي تاعىلىمدامادان وتۋگە ءوتىنىم قابىلداۋ باستالدى
عىلىم جانە جوعارى ءبىلىم مينيسترلىگى شەتەلدە عىلىمي تاعىلىمدامادان ءوتۋ ءۇشىن كونكۋرستىق ىرىكتەۋگە قاتىسۋعا ءوتىنىم قابىلداۋ باستالعانىن مالىمدەدى.
ول 2023 جىلعى 15 ناۋرىزعا دەيىن جالعاسادى. رەسپۋبليكالىق كوميسسيا گرانت تاعايىنداۋدى مامىر ايىنا دەيىن جۇزەگە اسىرادى.
«مەملەكەت باسشىسىنىڭ تاپسىرماسى بويىنشا جىل سايىن 500 وتاندىق عالىمعا مەملەكەت ەسەبىنەن عىلىمي تاعىلىمدامادان ءوتىپ، الەمنىڭ جەتەكشى زەرتحانالارىندا زەرتتەۋ جۇرگىزۋگە مۇمكىندىك بەرىلەدى. بيىل عالىمداردى ىرىكتەۋ كريتەرييلەرى جەتىلدىرىلدى. تاعىلىمدامادان وتۋگە بولاتىن جوو مەن عىلىمي ورتالىقتار ءتىزىمى العاش رەت جاسالدى. زەرتتەۋلەردىڭ وزەكتى باعىتتارى بويىنشا ماماندىقتار ءتىزىمى بەكىتىلدى. ساراپشىلار كوميسسياسىنىڭ قۇرامىنا قويىلاتىن تالاپتار كۇشەيتىلدى. ەندى وعان ينجەنەرلىك-تەحنيكالىق، مەديسينالىق، گۋمانيتارلىق جانە جاراتىلىستانۋ عىلىمدارىنىڭ دوكتورلارى عانا كىرەدى»، – دەپ اتاپ ءوتتى «حالىقارالىق باعدارلامالار ورتالىعى» اق باسقارما ءتوراعاسى ءانۋار جانعوزين.
You Might Also Like
-
«اقمولا وبلىسى ءبىلىم باسقارماسىنىڭ بۋراباي اۋدانى بويىنشا ءبىلىم ءبولىمى ششۋچينسك قالاسىنىڭ № 9 مەكتەپ-گيمنازياسى» كمم قازاق ءتىلى مەن ادەبيەتى ءپانىنىڭ ءمۇعالىمى پەداگوگ-زەرتتەۋشى نۋرگۋجين...
-
XXI عاسىر – الەۋمەتتىك جەلىلەر مەن تەحنولوگيالار دامىعان، سيفرلاندىرۋ زامانى. الەم ەلدەرى كۇننەن كۇنگە، كوز ىلەستىرمەي دامۋدا، ەكونوميكالىق-ساياسي، ءبىلىم مەن عىلىم ىلگەرىلەپ، قالالار گۇلدەنۋدە...
