شىعارما: مەنىڭ اۋىلىمنىڭ كەلبەتى
مەنىڭ اۋىلىمنىڭ كەلبەتى
«كىندىگىمنىڭ جاس قانى،
تامعان جەرىم اۋىلىم.
شابىتىمنىڭ اسقارى،
سامعاۋشى ەدى اۋىلىم دەپ»،- اقىن اعامىز جىرلاعانداي «اۋىل» دەگەن ءسوزدى ەستىگەندە مەنىڭ ونە بويىمدى قۋانىش كەرنەيدى. مەن تۇراتىن اۋىل نۇركەن ءابدىروۆ باتىردىڭ اتىمەن اتالادى. اۋىلىمىز قارقارالى اۋدانىنىڭ وڭتۇستىك - باتىسىندا ورنالاسقان. مەنىڭ اتام مەن اجەم، اكەم مەن شەشەم وسى اۋىلدا تۋىپ - وسكەن. مەنىڭ دە بالالىق شاعىم وسى اۋىلدا ءوتىپ كەلەدى.
اتام ماعان اۋىلىمنىڭ قالىپتاسۋ تاريحى جونىندە ۇنەمى اڭگىمەسىن ايتىپ جۇرەتىن. سول كىسىنىڭ ايتۋى بويىنشا جارلى وزەنىنىڭ بويىندا العاشقى كەزدە ون ەكى كولحوز بولعان. 1944 جىلى سوۆەت كولحوزىنا سوۆەت وداعىنىڭ باتىرى، داڭقتى ۇشقىش جەرلەسىمىز نۇركەن ءابدىروۆ اتامىزدىڭ ەسىمى بەرىلەدى.
اۋىلىمىزدان قانشاما عالىم، اقىن - جازۋشىلار شىققان. ەرتە كەزدەگى حالىقتىڭ تۇرمىس - تىرشىلىگى جونىندە اڭگىمە جۇرگىزەتىن اتا - اجەلەرىمىزدە اۋىلدا تۇرادى. جاز ايلارىندا انام دايىنداعان ءسۇت - ايران، قۇرت - ىرىمشىك، سۇزبەسىن جەپ، اتا - اجەلەرىمىزدىڭ ەرتەگى، جىرلارىن تىڭداپ كەلەمىز.
اۋىلىمىزدىڭ تابيعاتى ەرەكشە. كىشكەنتاي كەزىمنەن اۋىلىمنىڭ تازا اۋاسىمەن، حوش ءيىسى اڭقىعان گۇلدەردىڭ يىسىمەن، اۋىلىمنىڭ ىستىق تۇتىنىمەن دەمالىپ كەلەمىن. جەر بەدەرى جازىق. ءدال ورتاسىنان جارلى وزەنى اۋىلدى ەكىگە ءبولىپ، اعىپ شىعادى. اۋىلدىڭ شەت جاقتارىندا قايىڭ، قوكتەرەك وسەدى.
جازدىڭ جىلى كۇندەرى بالالارمەن سۋعا شومىلىپ، كوك مايسا شوپتە وينايمىز. اتا - انامىزبەن جيدەك تەرۋگە بارامىز، تابيعاتقا ساياحاتقا شىعامىز.
قازىرگى كەزدە جارلى وزەنىنىڭ تارتىلۋى بايقالۋدا. ءار ءتۇرلى قورعاۋ شارالارى جۇرگىزىلمەگەندىكتەن وزەن لاستانۋدا.
اۋىلىمىزدا مادەنيەت ءۇيى، كىتاپحانا، اۋىل امبۋلاتورياسى جۇمىس جاساپ تۇر. ورتالىقتا مەشىت ورنالاسقان. ەلىمىز بويىنشا اتاپ وتىلەتىن بارلىق مەرەكەلىك شارالار جوعارى دەڭگەيدە وتكىزىلەدى. وعان بىزدەر دە قاتىسىپ، ءوز ۇلەسىمىزدى قوسامىز. اۋىلىمنىڭ تاريحى جونىندە ءالى دە بولسا كوپ مالىمەت بىلگىم كەلەدى. مەكتەبىمىزدە اۋىلدىڭ، مەكتەپتىڭ تاريحى جونىندە دەرەكتەرگە باي تاريحي - ولكەتانۋ مۇراجايى جۇمىس جاسايدى. ساباق كەزدەرىندە وسى مۇراجايدان بىلگىمىز كەلگەن مالىمەتتەرىمىزدى الامىز.
ەلباسىمىز «اۋىلدى – ۇلتتىڭ ۇيىتقىسى، التىن بەسىگى»،- دەپ ايتقان. مەملەكەتىمىزدىڭ تىرەگى، ىرگەتاسى اۋىلدا. ال، ءبىز - ەلىمىزدىڭ ەرتەڭىمىز. مەن ءوز اۋىلىمنىڭ دامىپ، كوركەيۋىنە ۇلەسىمدى قوسقىم كەلەدى. اۋىلىمدى وتە جاقسى كورەمىن.
«№ 10 نۇركەن ءابدىروۆ اتىنداعى جالپى ءبىلىم بەرەتىن ورتا مەكتەبى»
كمم - نىڭ 4 سىنىپ وقۋشىسى اكتانوۆ سايات
جەتەكشىسى: ماشكەيەۆا شاربات امانگەلدىيەۆنا
شىعارما: مەنىڭ اۋىلىمنىڭ كەلبەتى جۇكتەۋ
You Might Also Like
-
كيiز باسىپ، ودان الۋان ءتۇرلi دۇنيە - بۇيىمدار جاساۋ قازاقتىڭ ەڭ ەجەلدەن كەلە جاتقان قولونەرi. كيiزبەن ءۇيدi جاپقان، جەرگە توسەگەن، كەرەگەگە كەرگەن. سول كيiزدەن كەبەجە، ساندىق قاپتايتىن ءابدiرەقاپتار،...
