InfoHub Logo

تاقىرىبى: تۇرلاۋسىز مۇشەلەر
ماقساتى: تۇرلاۋسىز مۇشەلەر تۋرالى تۇسىنىك بەرۋ، سويلەم ىشىنەن تۇرلاۋسىز مۇشەلەردى تاۋىپ، سۇراق قويا بىلۋگە ۇيرەتۋ.
- وقۋشىلاردىڭ اقىل - ويىن، لوگيكالىق ويلاۋىن دامىتۋ.
- ساۋاتتى، كوركەم جازۋعا، ۇستامدىلىققا، تاپقىرلىققا تاربيەلەۋ.
ءادىسى: ءتۇسىندىرۋ، سۇراق - جاۋاپ، اڭگىمەلەۋ
كورنەكىلىگى: كەستە، سىزبالار، ءسوزجۇمباق.

ساباقتىڭ بارىسى:
ۇيىمداستىرۋ
ءۇي تاپسىرماسىن تەكسەرۋ
65 - جاتتىعۋ وقىتۋ
ميعا شابۋىل.
- باستاۋىش دەگەنىمىز نە؟
- بايانداۋىش دەگەنىمىز نە؟
- تۇرلاۋلى مۇشەلەر دەگەنىمىز نە؟
وي قوزعاۋ.
ساۋلە كىتاپحاناعا كەلدى. وقۋشىلار سىنىپقا كىردى.
سويلەمدەگى باستاۋىش، بايانداۋىشتاردان باسقا سويلەم مۇشەلەرىن تۇرلاۋسىز مۇشەلەر دەپ اتايمىز.

- بۇگىنگى جاڭا ساباعىمىزدىڭ تاقىرىبى تۇرلاۋسىز مۇشەلەر
وقۋلىقپەن جۇمىس.
تۇرلاۋسىز مۇشەلەردى ءتىل بىلىمىندە ءۇش توپقا ءبولىپ قاراۋ قالىپتاسقان:
انىقتاۋىش؛
تولىقتاۋىش؛
پىسىقتاۋىش.

66 - جاتتىعۋ.
جادىرا كەلدى. جادىرا قالاعا كەلدى. قايدا؟
قوڭىراۋ سوعىلدى. قوڭىراۋ قايتا-قايتا سوعىلدى. قالاي؟
مال ءوستى. مال تولدەن وسەدى. نەدەن؟
سۋ اقتى. سۋ ارىقپەن اقتى. نەمەن؟

1 - ءشى باعانداعى سويلەمدەر تەك تۇرلاۋلى مۇشەلەردەن قۇرالعان
2 - ءشى باعانداعى سويلەمدەر تۇرلاۋلى جانە تۇرلاۋسىز مۇشەلەردەن قۇرالعان.

جاڭىلتپاش جاتتاۋ. كىم شاپشاڭ؟
جاعاجاي،
جاعاجايدا قاماجاي
جاعاجايدى جاعالاي
جۇگىرەدى قاماجاي.
جاڭىلتپاشتا قاي دىبىس كوپ كەزدەسىپ تۇر؟
داپتەرمەن جۇمىس.
كوركەم جازۋ مينۋتى.
ج ج ج ج
جاراس، ءساتجان، نۇرجان، ناتيجە، ەنجار، رىمجان، نۇرجىگىت، توعجان.
جاتتىعۋلار ورىنداۋ جاۋاپ پاراقشاعىمەن جۇمىس.
67 - جاتتىعۋ
ءاسيا گۇلدى ۇناتادى. ادەمى گۇل ءوستى. ءبىز ۇشاققا مىندىك. ۇشاق اۋەجايعا قوندى. جاراستىڭ بريگاداسى جۇمىسقا كىرىستى. داستارحاندى ءدامدى تاعامعا تولتىردى.
68 - جاتتىعۋ. جاتقا جازۋ.
الا قارعا قارعا قوندى،
قارا قارعا جارعا قوندى.
69 - جاتتىعۋ. شىعارماشىلىق جۇمىس
گۇل ءوستى. مەن گۇلدى ءوسىردىم.
كوبەلەك قوندى. مەن كوبەلەكتى ۇستادىم.
70 - جاتتىعۋ.
تاسباقا مەن تىشقان كەلە جاتتى. ولار تۇلكىنى كوردى. تىشقان ىنگە كىرىپ كەتتى.
تاپسىرمالار ورىنداۋ.
تۇرلاۋلى مۇشەلەردى قىزىل ۇياعا، تاسباقا، تىشقان، كەلە جاتتى، ولار، كوردى، تىشقان، كىرىپ كەتتى.
تۇرلاۋسىز مۇشەلەردى كوك ۇياعا كىرگىزۋ. تۇلكىنى، ىنگە.

قورىتىندى:
- بۇگىن ءبىز سويلەمنىڭ قانداي مۇشەلەرىمەن تانىستىق؟
- تۇرلاۋسىز مۇشەلەر قانداي سۇراقتارعا جاۋاپ بەرەدى؟
«ورنىڭدى تاپ» ويىنى.
مىنا سوزدەردىڭ تۇرلاۋلى، تۇرلاۋسىز ەكەنىن ايىر.
وقۋشى، كەلدى، ۇشاقتى، بالالارعا، كىتاپ، سەكىردى، ۇشتى، سىزعىش، ماشينا، قوندى، ءاليا، كەشە، كەمەگە، كيىمدى، قالاعا، سارى، ەرتەڭ، اق، تورگە
- تۇرلاۋلى مۇشەلەر دەگەنىمىز نە؟
- تۇرلاۋسىز مۇشەلەر دەگەنىمىز نە؟
ۇيگە: 71 - جاتتىعۋ. 93 بەت.
باعالاۋ.
تۇرلاۋسىز مۇشەلەر جۇكتەۋ