InfoHub Logo

 

شىمشاھاردا مونورەلستى كولىك جۇيەسى ەنگىزىلۋى مۇمكىن. جەرگىلىكتى ونەرتاپقىش ۇسىنعان جوبا قولداۋ تاپسا، جىلدام ءارى ءقاۋىپسىز تروللەيبۋس جولاۋشىلاردى تاسىمالدايتىن بولادى.

شىمكەنتتىك ونەرتاپقىش ماحمۇد تۇرسىنوۆتىڭ ايتۋىنشا، قالانىڭ ءبىر نۇكتەسىنەن كەلەسى ورنىنا دەيىن 15 مينۋتتا جەتۋگە بولادى. تەز، ارزان ءارى ەش كەدەرگىسىز. ول ءۇشىن جەر بەتىنەن بەس مەتر بيىكتىكتە ارنايى ەستاكادا سالىپ، مونورەلستى كولىكتىك جۇيەسىن ەنگىزۋ قاجەت. بۇل، بىرىنشىدەن، ءقاۋىپسىز، ەكىنشىدەن، كەپتەلىستى جويۋدىڭ بىردەن- ءبىر جولى.

ماحمۇد تۇرسىنوۆ، ونەرتاپقىش: «جول جەر بەتىنەن 5  مەتر بيىكتىككە سالىناتىندىقتان، ەشقانداي كەدەرگى بولمايدى. اۆتوبۋستار مەن اۆتوكولىكتەرگە دە ەش كەدەرگىسىن كەلتىرمەيدى. سوندىقتان ، باراتىن جەرىڭىزگە تەز ارادا بارۋعا بولادى. ەكىنشى، ەلەكترلەنگەندىكتەن، جولدا ءجۇرۋ اقىسى دا ادەتتەگىدەن ارزان بولادى. ونىڭ ۇستىنە ەكولوگيالىق تازا.  بۇل — ەڭ باستىسى.»

حالقى ميلليونعا جۋىقتاعان شاھار ءۇشىن، مونورەلستى كولىك جۇيەسى اۋاداي قاجەت دەيدى ونەرتاپقىش. ونىڭ جوباسىن جۇزەگە اسىرۋ ءۇشىن تروللەيبۋس قاجەت. ءوز ويىن كوپشىلىكتىڭ الدىندا ۇيالماي تانىستىرۋعا تىڭعىلىقتى دايىندالعان ازامات جوباسىن جۇزەگە اسىرا قالسا، كەتەتىن شىعىندى 5 جىلدىڭ ىشىندە-اق ءوندىرىپ الۋعا بولاتىنىن ايتادى.

ماحمۇد تۇرسىنوۆ، ونەرتاپقىش: «مونورەلستى ترانسپورتتىڭ ايالدامالارى قالادا ادام كوپ شوعىرلانعان جەرلەردە ورناتىلادى. ارالارىنىڭ قاشىقتىعى ەكى شاقىرىمعا جۋىقتاۋ بولادى. اۆتورلىق جوبا 2010 جىلى پاتەنتتەلگەن. بۇل جوبانى قولعا الىپ، قالادا ىسكە اسىرساق، تيىمدىلىگى كوپ بولار ەدى.»

25 جىلدان بەرگى يدەياسىن جۇزەگا اسىرۋ ءۇشىن بارىن سالىپ جۇرگەن شىمكەنت كولىك، كوممۋنيكاسيا جانە جاڭا تەحنولوگيالار كوللەدجىنىڭ ءمۇعالىمى مونورەلستى كولىك جۇيەسىن سالۋدى باعالاپ قويىپتى. ءتىپتى ويىن جۇزەگە اسىراتىن دەمەۋشىلەر دە تاپقان. ەندى بار بولعانى قالا اكىمىنىڭ كەلىسىمى كەرەك. جاقىن كۇندەرى جوبا قولداۋ تاۋىپ جاتسا، شىمكەنتتە تەز ءارى ءقاۋىپسىز، جەر ءۇستى تروللەيبۋستاردىڭ جۇرەتىن كۇنى الىس ەمەس ەكەنىنە سەنىمدى.

http://www.otyrar.kz

---